الله يمسيكم بالخير يالربع بما ان هذي مشاركتي الاولى عندكم فانا اتمنى انها تحقق اهدافها المطلوبه بعيداً عن التعصب والتجريح الشخصي مع ثقتي الكامله باخواني بس انا متأكد ان الشيطان بيحضر لان الموضوع متعلق (بسامي الجابر)
الموضوع اللي انا احاول اخلي النقاش فيه هو الاجابه على هالسؤال
س/ هل الشهره التي حققها سامي ناتجه عن انجازاته على المستويين طبعاً النادي والمنتخب او نتاج تلميع صحافة الهلال له حتى يكون لديهم نجم مثل ماجد عبدالله ؟
انا اببداء الاجابه عن نفسي اشوف ان سامي خدم الهلال خدمه ماينكرها الا متعصب لاكن مع المنتخب سامي ماقدم الشيء اللي يخلي البعض يعتبره اسطوره يعني على سبيل المثال تمثيله لأربع مونديالات كانت بسبب تواجده كلاعب خلال هذه الفتره بعيداً عن الاصابات اضافتاً الى ضغط الصحافه الهلاليه القوي!!!
مع العلم انه في حال تاهل المتخب هذه السنه انشاءالله راح يكون عندنا اكثر من اسم مثل اربع مرات وهم عبد الغني ونور .
انا ماأكره سامي بكثر ماأكره ان الواحد يكذب على نفسه ولو تسألوني منهو الاعب السعودي المحبب لك يالجثري ابقولكم بدون تردد ياسر القحطاني عشان مايفكر واحد اني متعصب لنادي منافس للهلال وعشان كذا اكتب ضد سامي.....
قصه يمكن يستنتج منها البعض شيء بصف كلامي او ضده يشهد علي الله بيوم من الايام كنت بجاكرتا وكانت فيه قناة اندنوسيه تتكلم عن المنتخب السعودي وتجيب لقطات هذاك الوقت سامي كان مبعد من المنتخب لفتره ماهي بسيطه شوي الا والله سامي طالع في هالقناة ويتكلم عن المنتخب ؟؟؟؟؟؟؟؟؟؟؟؟؟
اترك المجال للجميع واعيد واكرر اتمنى ان المسأله ماتتجاوز حدود النقاش المفيد الى ماهو ابعد من ذلك....
رساله الى المشرف في حال لاحضتم تجاوزات اتمنى حذف الموضوع
رد مع اقتباس
المفضلات