لغير المتعصبين فقط

[أحمد]

الصحافه الهلاليه المتعصبه هي اللي مايقنعها احد هذا هو معنى كلامي .....

وانا لوفكرت اسوي مقارنه بين سامي ولاعب آخر على مستوى المنتخب فانا اضلم الكثير خصوصاً اذا سلمنا بمبداء ان المهاجم تقييمه كثرة اهدافه فطلال المشعل وسعيد العويران وفهد المهلل والشيحان وحمزه ادريس اكثر من سامي بالتهديف .

انا مابي اقارن سامي باحد ابي اسأل هل يحق لشخص بغض النظر عن ميوله ان يقول ان سامي حقق انجازات للمنتخب؟؟؟؟؟




تقبل فائق اعجابي لأسلوب طرحك الراقي اخوي عبدالله

[عبدالله المهيني]

انا مابي اقارن سامي باحد ابي اسأل هل يحق لشخص بغض النظر عن ميوله ان يقول ان سامي حقق انجازات للمنتخب؟؟؟؟؟

هات إنجازات المنتخب
وخلنا نشوف هل كان سامي مساهم فيها بشكل مباشر أو غير مباشر أو لا


أنا أقول مساهم لأنه لاعب من ضمن لاعبين آخرين معه بالملعب






على فكرة

طلال المشعل ضيع نفسه بنفسه ولا نذكر إلا هدف مؤثر في منتخب قطر
أيام البطولة الخليجية اللي كانت بالرياض


عبدالله الشيحان الإصابات كانت وراء هفوة نجمه
ويقدم حالياً مع الرياض مستويات أكثر من ممتازة وتمت إعارته للرائد بـ 400 ألف ريال إلى نهاية الموسم


فهد المهلل الله على هاللاعب القتالي مميز فهد



سعيد العويران و حمزة إدريس طقها وإلحقها

[يـــوسف]

أخوي مشعل

منهو الأسطورة بالله اقين ماسمعت

أي أسطورة واي بطيخ يالربع كل واحد يشجع فريق ويشوف مهاجمه افضل مهاجم وأسطورة

بس ياسر لاعب مدلل والأعلام اللي طلعه غصب
وينكم عنه وهو اسطورة يوم كان بالقادسية

ولا الآسطورة بس لاصار كنه عارضة ازياء ماهو لاعب ياحيف بس على الزلم <_ طلع العرق

محد يختلف على أن سامي وياسر لعيبة وحتى أخوي الصغير لاعب عادي

بس أعطو كل ذي حق حقه ... ياسر فيه افضل منه ومافيه مقارنة لابينه ولابينهم اصلا مايوقف جنبهم

بس الأعلام منشبه غصب طيب هو اللاعب رقم واحد ..
بحياتي ماشفت لاعب مصاب يلعب اساسي الا بالسعودية وبالذات ياسر ..


ايه صح اسطورة وش عنده سقرآط
ياليت تعطونا نبذة عن الأسطورة وعن إنجآزاته غير الأنجازات المحلية

الأنجازات المحلية غصب للهلال عادي

بالعربي اشوف ان ياسر لاعب مفضل عند الأطفال والمراهقين والمراهقات

واستغرب إن رجال يقولون عنه إسطورة

ماعليش يالجثري مسكت لي خط

[مشــــعل]

8

هلا بأبو يعقوب

اول شي انا ماقلت ياسر اسطوره

انا قلت : ياسر اسطوره (قادمه)

اذا استمر بأبداعه راح تخلد الكوره السعوديه اسمه بدون شك

هذا اولا

ثانيا انا اكلمك عن الرجل ( كلاعب فقط ) مالنا علاقه بشكلوه

اذا كان الرجل الله رزقه بوسامه ولوه معجبات ومعجبين من هالناحيه هذا شأنهم

انا اكلمك من الناحيه الكرويه فقط ..



ياسر يمتلك ميزه نادره على مستوى العالم وليس السعوديه فقط

الا وهي اللعب ( بالقدمين )

ونلاحظ ان ياسر يمتلك ( كنترول ) قلّ مثله بالملاعب السعوديه

واي منصف راح يقول صادز يامشعل


وعلى فكره ياسر برز من يوم كان بالقادسيه وانظم للمنتخب وهو (بالقادسيه)
بس عشان ماتربطون انضماموه بالهلال

ابي منك حاجه وحده بس..

اذكر اكثر من مهاجم يفوق ياسر حاليا بالملاعب السعوديه ؟

ونبي نقارن بينهم

[يـــوسف]

خالي اي وسامة يرحم امك هههههههههههههههههههه
الشعر ضاربه عرق عبيد وين هو والوسامة


اسطورة قآدمة وهو كبر شنقل
مبين انه اسطورة يوم يروح لأوربا ويصور بالمطبخ


كنترول وهو يالله يثبت الكورة وشفناه بالدور الخليجية الآخيره



الا حنا وش دخلنا بهم بكيفهم


يالله تمسون على خير

[عبدالله المهيني]

كنترول وهو يالله يثبت الكورة وشفناه بالدور الخليجية الآخيره

يظهر لي إنك ما شفت هدف ياسر بالإمارات بالدورة الخليجية اللي إنتهت بـ عُمان

يمكن فرحتك بالهدف خلتك تنسى كيف جاء الهدف


إرجع للهدف وبعدها قرر هل ياسر يتمتع بـ كنترول ممتاز أو مثل ماتقول ؟


أنا مؤيد لكلام شايبنا مشعل <<<<

[أحمد]

اخوي المهيني انجازات المنتخب واجد الشيء الخطاء اننا نعتبر سامي هو صاحب الفضل وهذي الزبده اللي كان ودي ان اي هلالي يقوله بدون لف ولا دوران

اخوي متكي ياسر لاعب ذكي داخل الملعب وبرا وداعية جيليت اكبر دليل على عقليته واذا بالملعب ياسر حسم بطولتين للمنتخب وهي البطوله الاسلاميه وادري انها ماهي مصنفة بس حسمها وحسم بطوله اعتقد انها خليجيه او عربيه يوم سجل هدف بعلي الحبسي حارس عمان وجاب افضل لاعب آسيوي وهداف آسيا ..............
والعمر قدامه


وتري مكاسي على اثرئكم هالموضوع بعقلانيه

[عبدالله المهيني]

اخوي المهيني انجازات المنتخب واجد الشيء الخطاء اننا نعتبر سامي هو صاحب الفضل وهذي الزبده اللي كان ودي ان اي هلالي يقوله بدون لف ولا دوران

حبيب قلبي الجثري <<< قط الميانه

منو قال إن سامي الجابر لحاله هو صاحب الفضل

ترى أخاف ينطق علينا الرجال ويعمل بنا انا وياك والأخوان اللي هنا مثل الربع اللي بالإستديو التحليلي




أخوي

أنا وأنت وأي عاقل مستحيل يقول إن سامي الجابر لحاله صاحب الفضل

لا بالعكس أنا بقولها لك وحاسبني على كلامي ولا تحاسبني بكلام غيري إن وجد هالكلام



سامي الجابر

لاعب خدم المنتخب مثل لاعبين آخرين خدموا المنتخب
ماجد عبدالله خدم المنتخب أيضاً
يوسف الثنيان خدم المنتخب أيضاً
صالح المطلق خدم المنتخب
فهد المصيبيح خدم المنتخب
محسين الجمعان خدم المنتخب
شايع النفيسه خدم المنتخب
صالح النعيمة خدم المنتخب
حسين البيشي خدم المنتخب
محمد وعبدالله الدعيع خدموا المنتخب
خالد مسعد خدم المنتخب
فؤاد أنور خدم المنتخب
سعيد العويران خدم المنتخب
فهد المهلل خدم المنتخب
محمد عبدالجواد خدم المنتخب




القائمة طويلة لو بكتب لك أسماء شاركوا في صنع تاريخ المنتخب ماراح نقضي إلا بكرا

بس اللي أحاول أوصله لك إني سامي الجابر من ضمن اللاعبين المهمين اللي شاركوا بصنع هالتاريخ بس




أما إني أقول سامي لحاله صنع التاريخ صعبه ومستحيل أقوله
ولا حتى راح أصدق أي واحد يقول مثل هالكلام


بس ودي أعرف إنت من وين إستنتجت هذا من كلامي

[شموخ شمالية]

سامي خدم الهلال والمنتخب كلهن

والسعوووديه لن تنجب مثل سامي الجاااااااااااااااااابر لاقبل ولا ألحيين

ثانيا اللي يقووول ياسر دلوع الاعلااام >> يعني الحين ياسر لاعب عادي عندك والاعلام هم اللي خلوووه لاعب مشهوور ..؟!!

>> ياشيخ لو ياسر نصراوي كان قلتوا يستااهل وأنا أقووول ياسر فناااان ولاعب مهاري درجه اولى , , صح الاعلام له دور في شهرة اللاعب بس برضوووه اللي ساعد الاعلام أن ياسر وسااامي من أبرز اللاعبين بالسعووديه

وبالاخييييييييير اقول سامي اسطورة الخلييييج وماراح يتكرر حتى اللاعبين القدماااااء ماصاروا زي سامي مع احترامي .,.

سامي هو الاسطوره الاول والاخير بالسعوووديه والخليج بعد ..!!
تقبلوا مروري

[عبدالله المهيني]

^
^
^



اتحداكم تقولون غلط

ههههههههههههههههههه
ههههههههههههههههههه
ههههههههههههههههههه





كلامك عين العقل يالشماليه