% مواعيد عرقوب %

**ريال الفسحه** · 30-01-2009 23:15

ياهلا والله بالعيااااال

يالربع من عيّن عجايب غطت ولاجت له مده
تهقون ماتت ؟

يمكن عاد ان ماتت الله يرحمه وان تسان هي حيه
الله ياخذ وجهه له اسبوع غاطتن ماظهرت

الوكاد

شرايكم بمواعيد عرقوب ؟

هاللحين تخيلوا بالله مواعد لي واحد من مده اني اواجهه
اليوم وجواله يوم بغيتوه اليوم مقفل وادق عليه ياما دقوا
علي 902 قالوا ان دقيت عليه دقينا حنوكك

وفجاه اجيه والقاوه يمذرح بالمضايف ولاعندوه خلاف ويرد
ويستهبل وش رايكم وش اعمل بوه ؟

اخليه يشم اباط سناعيس المروح

يمص صبع رجل ابوخلوف اليسرى

يلحس عين ابو يعقوب

يصير طفايه عند شنقل

وش اسوي بوه ؟

انا قلت يمكن خفق ومات وهو يمذرح بالانترنت
وانا ادقدق على جواله دق الله رمتوه

ودي اجيب عود اذان واحطوه بخشموه ياما اشوف
راس العود مع عينوه

وش رايكم وش اسوي بخوينا عرقوب ؟

هذا الموضوع برعايه

مزمزه بلاحدود

لمالكها

العريف دحام

**طلال** · 30-01-2009 23:23

.
.

ياما دقوا علي 902 قالوا ان دقيت عليه دقينا حنوكك

.
.

ههههههههه

.
.

!!.. رايي شـ تسوي فيه ..!!

.
.

!!.. حط اصابع يده على حده الباب .. و صك الباب ..!!

<< جايب قمه الاجرام ( بزعمه ) هههههه

.
.

: )

.
.

.:. لاعدمناك يالغالي .:.

**عبدالله المهيني** · 30-01-2009 23:25

اعوذ بالله

يقولون للحين مقفل جواله

وراح بعد ماقرأ موضوعك للوحة التحكم يسوي تصفح خفي

ايه الخيمه هذيك أزين من هذي

**شنقل** · 30-01-2009 23:48

[align=center]
بالنسبه للاخ عرقوب

لحظه بالله

<<<< يتابع مداخلة البلوي على الرياضيه

نرجع لعرقوب

احسن حل شف لك اقرب وايت صرف صحي

وسجل رقم جواله عليه

لحظه

<<<< يتقهوى شاهي

[/align]

**ماجد** · 31-01-2009 00:17

والله ياخي هذه مشكله جدا جدا جدا صعبة

يمكن والله اعلم ان هالشخص مو حاسبن لك حساب

او يمكن ان هالشخص مختل عقليا ولا عندوه أهتمام بالغير

او يمكن ان هالشخص مثل ابو ماجد من كثر ماهو مقرود صار عندوه اللامبالاة باحاسيس الاخرين

او يمكن ان هالشخص مندبلتن تسبد تسبدوه منك انت وجهك

^
^
لازم تختار وحده من هالاجابات

مزمز

**غيمــة** · 31-01-2009 00:32

.

يااااخي رح لم بيتووه وكسر سيارتوووه وأسرق جوازوه ، وأدعس ورقه تحت الباب أكتب عليه

( تسان بك خير قفل جوالك نوبتن ثانيه )

.

**يـــوسف** · 31-01-2009 00:52

طيب يمكن الرجال مهدد ولايقدر يفتح جواله

لي نكســـه يما أروق

**عبدالله المهيني** · 31-01-2009 00:56

المشاركة الأصلية كتبت بواسطة ماجد

او يمكن ان هالشخص مختل عقليا ولا عندوه أهتمام بالغير

ايه ايه يابعدي

ركز على النقطة هذه

**ميـاسـه** · 31-01-2009 01:05

لا لا وش هالاجرام وين حقووق الانسان عنكم ...

طيب انا عندي حلن بسيطن للغايه

بس اهم شيء يكون الجوال باسموه لجل يضبط الحل معك

انا اقوول انك تجيب لك صووره بنيه حليووه وتكونن متحجبه نص حجاب ..وثمن تروح للهيئه
وتقوول هذا الرقم يبتز هالفتااه بصورها ان معطتوه 4857484 الف ريال ينشر صورها ..

<<<والله حل خنفشاري

وانا اتحدى ان قفل جواله مرتن ثانيه ...لوعليه يخلي معووه بطاريه استبنه لاخلصت ركبها

وانا اشووف انه عقب هالحلوول الخونفشاريه يستحي على وجهووه ويفتح جواله لان ريال صرفه عند كلمتوه

**أحمد** · 31-01-2009 01:10

^
^
^
^

صديقي المهيني راسلنا عشان تستلم الجائزه اللي وعتدك به على العنوان التالي (الجثري دوت كوم فروم حايل)

وبعدين ريالوه الرجال اللي يسوي كذا مالك الا تحرق شجر بيتهم عشان يجون المطافي ويطلع هو عاد يبي يشفي يمار انت متغيبلوه بلك ربعه وتقمز عليه وترنوه بالقناة مع تسلوتوه .....

[align=center]
تري مكاسي ريال الفسحه
[/align]