% اللي يعرف حل لابني %

**الشبث** · 30-01-2009 20:55

اختي شام

ماقصرتي على هالمعلومات

وانتظر منك رساله

وتقلدي تحيتي

**ابو ضاري** · 30-01-2009 21:40

أسأل الله العظيم رب العرش الكريم أن يشفيه من كل شر يؤذيه ..
ما يشوف شر ماجد ..

بعد اذنك فلاوي هنا ....ابو ماجد يمدحون العسل اخلطه مع الحليب وخله يشربه ومجرب ان شاء الله

والعسل ازهله وانا ابو ضاري ابد من الجنوب ومجرب وعلى الشرط اذا نويت كلمن

**εïз خزامى εïз** · 30-01-2009 22:58

الله يشفيه ويعآفيه ويفرحكـ به ياآآرب
ياجعلكـ ماتذوق به شر مرتن ثانيهـ
اللي اقدر اقوله لك
وباذن الله يفيدكـ
اولا :
حساسية الصدر من اكثر الامرآض شيوووع بين الاطفال
واول شئ لعلاجها هي انكم تهتمون بالابتعاد عن اي شئ يهيج هالحساسيه
من روائح وقويه وهوا بارد وغبار و,,,
ثانيا:
البخار مثل ماقالت عطر
اووو
البخاخ اتوقع مثل ماقالت لولي
هو اكثر العلاجات فعاليه ومفيد وان شاء الله ماله ضرر
لا تخاف من مسألة الربو
لهآ تفسير
اذا الاطفال تم الاعتناء فيهم من البدايه بالعلاج واهتمام انه مايهيج الصدر
فراح تروح عنه باذن الله
لانه طفل ولما يكبر شوي شوي لشهر شهرين و ,, و,,,
يكبر القفص الصدري وتكبر الشعب الهوائيه وزيد وتتفتح
باذن الله ماراح يصيبه
اهم شئ العنايه
اوكـ؟
الله يشفيه
ندعي له وادع لنآ بالتوفيق بكرهـ
سيو

**الشبث** · 30-01-2009 23:02

ابو ضاري

عزالله كفو يالذيب

ويبيله طلعه للجنوب انا وياك ههههههه

الله لا يهينك

وتقلد تحيتي

**عبدالله المهيني** · 30-01-2009 23:11

مع إني

بس جاي هناك عشان ماجد ماهو عشانك انت

شف يا بعدي

في مستوصف بحي الروضه إسمه مستوصف الثميري
في شارع الحسن بن علي إذا دخلت من طريق خريص متوجه إلى الشمال
قبل أول إشارة على اليسار واضح المستوصف جداً
فيه دكتور أطفال ( مصري ) إسمه إيهاب جاويش

دكتور أكثر من ممتاز وعليه زحمه رهيبه جداً
( يعني لازم تجي بدري )

وبمشيئة الله ماقدامه إلا العافيه

**ليلى بنت عبدالعزيز** · 31-01-2009 01:30

مرحبا
سلامات لشيخ ماجد ,,جعله بمتكي ولا بسناعيسو مالهم حاجه خلهم يكحون وينكتمون..

ومايشوف شر عمي ابوعارف >> ذكرته
الوقايه
عدم لبس الصوف
فتح شبابيك البيت يوميا وتغير الهواء
نشر الفراش والحاف ووساده النوم يومياً في الشمس
يفضل تكون غرفه نومه غير مفروشه وتكون الستاير شرايح الملنيوم
شرب مضاد الهيستامين لمده ثلاث شهور كوقايه
البعد عن العطور والبخور له وللبيت ولي فيه
العلاج
بخار كل ست ساعات وعلى حسب الحاله ممكن اقل وممكن بدون فنتالين
وعلاج حسب نوع الحكه ناشفه ولا رطبه (بلغم)
ومضاد اذا استصعب الامر..
تشغيل مبخر الهواء الرطب الحار عند النوم لمده 2الا3 ساعات
العلاج البديل
خذ نصف كاس ماء مع ملعقة رشاد وانقعه لمده ساعه وبعد صفه ويشرب كل ست ساعات
شرب السوائل الدافيه نعناع او يانسون او كمون لو شاهي ممو مشكله اهم شي دافي
يدهن ظهره وصدره كل ليله بزيت زيتون اذا كان مافيه حراره
ملعقه على الريق من زيت السمسم الاصلي وهو فاتح لشهية
تنقع مره في ماء وخله يشمه اوبلل فمه شوي لانه مو زينه حق الكلى
سو له مساج لظهره بالربت على خفيف صعودا ونزولاً اذا كان يعاني من البلغم
شرب مغلي الحلبهمره في اليوم لمده ثلاث ايام فقط وتعتبر مقويه لجسمه
وخير علاح العسل بس لازم يكون اصلي صح

ومايشوف شر

**الشبث** · 31-01-2009 19:31

هلا اختي خزامى

حياك الله والله يعطيك العافيه ما قصرتي

ابو عابد

طق راسك بالجدر مفزعن علي الخايب

هههههههههههه

مشكووور على الوصف

اذا احتجت شين ابدق عليك

هلا اختي ليالي

وصف طيب من وجهن طيب

لاهنتي على مجهودتس

وتقلدوا تحيتي

**صلفيق** · 01-02-2009 01:54

أخوي أبو ماجد ...
الله يصبحك بلخير ، وألف سلامة انشالله للباخي [ شبيثان الصغير ] ..
اللي فهمته منك : ضيق في التنفس وخاصة بالليل ، وتنتابه بالليل .
بس ياعزوتي ماذكرت هل هذه الصعوبة في التنفس تصحيه من النوم ؟ هلترتفع درجة حرارته قليلا ؟
وإن كانت سبب تصحيه من نومه ، ويكون لون الوجه [ خصوصا ماحول فتحتي الأنف الفم ] مائلا الى الحمرة ، فذلك التهاب شعبي ، ومايخوّف - بس عليك بالفنتولين Ventolin شراب ،، ملعقة 5 سي سي كل 8 ساعات .

أما إذا كان اللون تشوبه الزرقه ،، فعليك بمراجعة طبيب أطفال مختص .

ان كان هذا الضيق الذي ذكرت لايوقظه من النوم ، ولا يتغير لون الوجه .. فلا داعي للدواء اللهم للأطمئنان فقط .

ولكن أعتقد أنه المولود الأول لكما .. وغالبا المولود الأول يكون له اهتمام بالغ من الأبوين وعلى قولتهم (يخافون عليه من النسمه) ، ولا أبالغ حتى وأن عطس تجدهما شديدي القلق عليه ينظران اليه وكأن شيئا ما خطير ألمّ به . وتجد الملاحظة في أي تغيّر مهما كان بسيطا ينظران اليه وكأنه مصيبة حلّت به ، وتجدهما شديدي الحرص عليه . واني لأرجو أن ملاحظتكم هذه لاتتعدى هذا المنظار .

الله يجعله مايشوف شر .

امنياتي له بالشفاء انشاءالله ,,,

احتراماتي لك ابو ماجد .

**هند القاضي** · 07-02-2009 17:08

ما يشوف شر إن شاء الله ولدك

الثوم مع الحليب مقدار فص ثوم يهرس جيداً ويضاف للحليب كل يوم لمدة أسبوع ما بقولك راح يخف لا إن شاء الله راح يطيب كلش وبتدعي لي

**الشبث** · 07-02-2009 17:21

هلا اخوي صلفيق

الله يجزاك خير

والله ماقصرت جبته بالتفصيل

الله لا يهينك

هلا بالاخت هند

الله لا يهينتس على هالخلطه

بس هند

تعالي بقولتس

تصلحين مع العطارين ههههههههههه

لاهنتي

وتقلدوا تحيتي