يالربع
ياناااس
قولوا امين
الله لا يردنا الى ارذل العمر
والله يحسن خواتيمنا
فيه كم سالفه لكبار السن نبي نقصبهم هنا
واحدن من الربع يقول
كان جدوه عندهم بالبيت
يقول وبيومن من الايام جيناوه ولا ما بوجهوه ولا شعره
لا شنب ولا حواجب ولا حتى رموووش
كله ماااش
يقول قلنالوه ياجدي وش العلم
قال دهنت وجهي بهالدهون والله العالم انوه خربان
يقول يوم راعينالوه ليمار مزيل ( نير )
الله العالم يحسبوه فازلين ولا تايد او مدري وش اسموه الدهون حق الجسم
لذلك ابعدوا المزيل عن متناول الشيبان قبل الاطفال
هذي جدتن لي الله يرحمه
كانت باخر عمره مخرفه
وهي تجيني وكنت جالسن مع امي واخواني
قالت هيه انت ليه ماتقوم
قلت خير ان شاء الله وش جارين عليتس
قالت يالله امش بساااع ودن يم العبيد ( يالربع العبيد برفحاء وحنا بالرياض )
قلت اقول شوفي العبيد ثاني لفه على اليمين بالحوش
وهي تديور الله يرحمه وتقوم تهاوش
المهم قمنا نسولف عقب ماراحت
يوم خذينا شوين
وهي تجينا تضح
وتقول قوموا سلموا علي
وحنا نقوم ونسوي طابور سلام له
ويالله حيه وياهلا
قلت هاه جده انتي جيتي
قالت لا قراندي ( ياقدمي )
قالت ايوالله ياوليدي
قلت منين جيتي
قالت من العبيد ويسلمون عليكم ( حد الارنب ياولد )
واحدن من اخواني صدق راح يشوف بالحوش يقول احسب العبيد سكنوا بالحوش عندنا
اسمعوا عاد الكارثه
واحدن من العيال
يقول ابوي كبير بالعمر
وراح هكا اليوم للغنم مثل العاده
يقول وننتظر وننتظر ولا الرجال تأخر
يوم طلعنا نبي ندوروه ولا هذا واحدن من الربع جاينا
قال ابوكم بالمستشفى
يقول قلنالوه ليه عسا ماخلاف
قال لا والله مابوهالا العافيه
بس ابوهم
كان راجعن للبيت ووقف بجنب الخط يبي يحط مرهم على عينوه
وبدال ما ياخذ المرهم
خذا علبة الصمغ اللي يسمونه الجنيه اللي تلصق بسرعه
وهو يحط على عيونوه وهن يلصقن
ويالله يفكونهن بالمستشفى
ابوي هكا اليوم جانا ولا سيارتوه مصدومه شوي
قلت افا يبه منهو اللي صدمك
قال والله انا جاي وهي تلف بي على الرصيف
قلت ياسلام هي تلف بك يعني مهو انت اللي ضاربن فهوه ولعنت جدفه
وتقلدوا تحيتي
رد مع اقتباس
المفضلات