حسبي على ألي يسوقه دلني

**فتى البيداء** · 30-01-2009 02:07

السلام عليكم ..

هذي سالفة صارت لنا قديم قبل نتعلم السواقه ..

كنا نجتمع يقرية من القرى عندنا في القصيم .. وكانت هالقرية مليانه

نخل .. على كيف كيفكم .. المهم ..

حنا بعز القايلة .. بالصيف .. وجالسين نسولف .. أنا وأثنين معي ..

عند بيت حداهم ..

وكان الظهر عند أي واحد من الصغارين هو أحسن وقت لتخريب والنجاسه ..

المهم وحنا نسولف .. جت لنا سياره مدحدره مابه أحد .. بسم الله ..

يوم أخذينا أشوين وهو ينزل منه واحد من العيال .. يدفه ..

ويعدل الدركسون يمنا .. وهو ياقف عندنا .. قال لنا ياعيال ..

أنا سرقت سيارة خالي دحدره ولا أعرف أسوق .. من يعرف يسوق نأخذ دوره ونرجعه ؟؟

قام أحد الشباب وقال تشوف ولد خالتي عيسى .. سواق ..

قسم بالله .. والله العظيم .. دق مراهن .. يعرف يسوق غصب ..

وهو يطير لداخل البيت .. عيسى قم قم ..

عيسى قم .. به سيارة جابه عزيز حقة خاله .. وقلت أنك تعرف تسوق ..

وهو يجي طاير عيسى ..

يقول وخروا وخروا .. وينه ؟؟

وهو يركب بالسيارة وتشعمط بالدركسون .. ونركب حنا ..

طبعاً السيارة ددسن 83 غمارتين ..

ويعطيه واحد .. ويدق سلف وهي تنتع بنا .. ويدق سلف ..

وهي تقمز بنا ..

كان به له لفه يالله يالله تدخل السيارة ..

وكان هالشارع قصدي هالسيد طوله له 100 متر ..

همن تجيك بيت بوجهك كود تلف يمين عنه ..

وكان البيوت بعضهن طين وبعضهن شعبيه .. وكانت البيت ألي

بالواجهه .. شعبيه ..

وكانت هالبيت ساكنه رجال وزوجته وعياله << صحيح ؟؟

الزوجه كانت أردنيه وكانت شديده ورجاليه ..

وكانت هي مديرة مدرسة البنات بهالقرية ..

خوينا عيسى الله يقلع إبليسه .. جاء طير والسيارة بواحد ..

يبي يلف .. وهو يعدل للمجلس حق بيتهم ..

يوم دخلت وجهية السيارة أثارين بوسط بيتهم ..

وهي تطلع علينا وعليه أجلال أمتغطيه به .. وتمغطنا لين عفنا البطنه ..

وهي وتليكه تمحطنا وتدورنا واحد واحد .. لجيت أهج .. قالت

أقولك تعال .. وهات يارضح .. لين عضيت القاع ..

والله ياجماعه أنه إلى اللحين لمريت من عند ذاك الشارع أني أسرع أشوين ..

قولت خاف ولا قولت مات .. الله يرحمه ..

**أحمد** · 30-01-2009 02:17

هههههههههههههههههههههههههههههههه فتى البيداء والله انكم شياطين مانتم وغدان

بس ضربة هالاردنيه لكم تبي تفتح جروح عند متكي لانوه تحصله اول العمر هو وسلحفاتوه خخخخخخخخخ

[align=center]
تري مكاسي فتى البيداء على حلاوة هالسالفه
[/align]

**غالب** · 30-01-2009 02:25

مدزديه هالأردينيه
بس إنتم ماحاولتوا تقاومونه (تصفقونه يعني)
ماأدري ليه أحسك ركبت معهم وإنت ماتدري وش السالفه
ههههههههه

واستلم سلامي

**روح حايل** · 30-01-2009 02:25

ايه يابرده على تسبدي

ليته معلقتكم مثل الذبايح وتخليكم فرجه

فتى البيداء نبي تقرير طبي عن الإصابات

الله يونسك

**فتى البيداء** · 30-01-2009 02:28

المشاركة الأصلية كتبت بواسطة الجثري

هههههههههههههههههههههههههههههههه فتى البيداء والله انكم شياطين مانتم وغدان

لا والله أنا كنت بريء بس ألي معي شياطين ..

بس ضربة هالاردنيه لكم تبي تفتح جروح عند متكي لانوه تحصله اول العمر هو وسلحفاتوه خخخخخخخخخ

لا متكي مايدبنه ألا بنات حساويات .. عليه حلف ..

[align=center]
تري مكاسي فتى البيداء على حلاوة هالسالفه

الله يحلي أيامك ..
[/align]

شكراً أخوي الجثري على هالطله ..

**فتى البيداء** · 30-01-2009 02:35

المشاركة الأصلية كتبت بواسطة سناعيسو

مدزديه هالأردينيه
ياحبك لشر .. سناعيس هالسالفه يوم حنا كبرك ..

بس إنتم ماحاولتوا تقاومونه (تصفقونه يعني)
وش نقاوم وش نخلي .. معه الحزام الأسود بضرب العلابي ..

ماأدري ليه أحسك ركبت معهم وإنت ماتدري وش السالفه
علشاني دايم بريء هذي السالفه ..
ههههههههه

واستلم سلامي

الله يسلمك يا معانيس .. شكراً على المرور هالي مرتب ..

**فتى البيداء** · 30-01-2009 02:41

المشاركة الأصلية كتبت بواسطة روح حايل

ايه يابرده على تسبدي

وشنوح ؟؟ هذا وأنا دايم أدفع لتس ..

لقالوا أم الهكي .. وأدور لتس أقصور تطقين بهن ..

ليته معلقتكم مثل الذبايح وتخليكم فرجه

خاتمتس قشرا يا أم الهكي ..

فتى البيداء نبي تقرير طبي عن الإصابات

لا ماهنا أصابات الحمدلله ..كله قرصت أذن

وخقله ولفعه بالتليكه ..وحوريك الموت

الله يونسك

الله يعافيتس أختي روح حايل .. ومرورتس أطربه ..

**السنعوووسيه** · 30-01-2009 03:03

هههههههههههههههههههههههههههههههههه

يا مجرم يافتي البيدا

اثريك سوابق

الله يرج عدوكم

سالفه فلاويه تشكر عليه

عاطر ودي
*

**فتى البيداء** · 30-01-2009 03:12

المشاركة الأصلية كتبت بواسطة السنعوووسيه

هههههههههههههههههههههههههههههههههه

يا مجرم يافتي البيدا
هذا ألي أنا خايف منه .. والله بريء بس ألي معي مقاريد ..

اثريك سوابق
يعني صرت مع يوسف هاللحين مجرم ؟؟

الله يرج عدوكم

وليه أكثر من تسذا ؟؟ الله يعقلنا ..

سالفه فلاويه تشكر عليه

الله يعافيتس أختي السنعوسيه

عاطر ودي
*

الله لا يهينتس على المرور أختي السنعوسيه ..

**يـــوسف** · 30-01-2009 03:43

لك شو هاظ يازلمه

ماقالت لكم بدهاش حتسي

متسديتن بكم هالزلمة ههههههههههه

ياخي تغير الوقت شف وغدان هالجيل الواحد تقل بنت يعني لاتستغرب لا دخل عليك لابسن تنوره

توسد إحترامي