السلام عليكم ورحمة الله وبركاته ومساكم الله بالخير الجميع اكملت العام الاول منذ دخولي عالم الشبكه العنبوتكه وكانت البدايه مع المضايف اللي لها الفضل الاول علي مع شعرائها ومشرفيها وقرائها واخص شاعرات المضايف اللي بصراحه كان لهن الكعب العالي على قلتهن وكثره الشعار من الرجال الا ان ما يكتبنه كان في الاغلب مميز وراق وعن معاناه والمعاناه مثل ما كنت اقول تصنع قصيده اذا استغلت وصورت جيدا.عاد انا حاب ارجع معاكم ورا واختار لكم ثلاث قصائد لها موقف واخذ رايكم فيها وهل وفقت في السنه الاولى ولا لأ .وكيف راح ابدأ السنه الجديده وتوقعاتكم لي مع نوجيهاتكم راح يكون مكانها القلب.وشكرا مقدما واتركم مع المختارات .
الحسافه هزيمه
ليامـن تذكـر كـل حـي ٍنديمـه
انا يثور بضامري مثـل الاعصـار
كني غريب وعامـلٍ ٍلـي جريمـه
في ديرةٍ من سلمها بـث الاخبـار
مالـي قرابـه والعواقـب جسيمـه
والخوف دلى بين الاضلاع له كـار
اما اني اهـرب والعواقـب سليمـه
والا اني اثبت وتنكشف كل الاسرار
والحـق يبغـى صيرمـيٍ ٍصتيمـه
ومصقلٍ ٍمن صنعـت الهنـد بتـار
اسمع وركـز يـا فهيـم وفهيمـه
موقف وفا ومقابله موقـف انكـار
الجرح يبقـى بالنفـوس الكريمـه
لو هي تسامح فيه بالنفـس تذكـار
مثل الـدروب المبطيـات القديمـه
في كف صحصاح ٍ خلت منه الامطار
واثر الجروح اللـي تسمـى اليمـه
تجي من اللي لـه معـزه ومقـدار
اللي وجعهـا بالحشـى زاد ظيمـه
ياكني اونس بالضماير لهـب نـار
ليتـه زرقنـي بالرمـاح العديمـه
اللـي تخلـي احمـر الـدم نثـار
ولا ياليتـه باقـي ٍفيـه شيـمـه
ليتـه تعذرواقبـل بكـل الاعــذار
عجزت افسَر منـه ليـه الظليمـه
لا يطلبـا ًمـال ولا يطلبـا ًثــار
ومعوده سلـم العـرب والحشيمـه
عين ٍله فـراش وعيـن ٍلـه دثـار
ومدام مـا معـه النوايـا سليمـه
يقفي وانا اقفي نكتفي باللذي صـار
ابقى على حـرح ٍ يتيـم وعزيمـه
اخير من عيشه ذليلـه مـع العـار
ماني متحسف والحسافـه هزيمـه
اثبت كما يثبت من الحيـد سنجـار
---------
نكرااااااااان الاحسان
ياليت لي جنحان في بعض الاحيان
واطير في جو السمـا كالنـداوي
وافضّي هموم ٍ كثيـرات الالـوان
وارتاح من شوفه قليـل الهقـاوي
روحي احسه تلتهب وسط نيـران
ما من مكان بصدرهـا للمكـاوي
غصبتها في وصل نكران الاحسان
وحديتها على الوعر دون مـاوي
لاني بغيت الاجر من رب الانسان
نخيتها وعلْيَـهْ حديـت الحـداوي
كني اخو صلفه ليا فك الاضعـان
يَقلط اليا كثـرت عليـه البـلاوي
وليا حضر ترجح موازين الاكوان
وفي مبسمه للموت قصـد ونـاوي
يقصف عماراللي من الضد شجعان
ويجعل سعيد الحال يمسي شقـاوي
(والادمي تر ملحته قلب ولسان)*
وانـا علـى الثنتيـن بالله قـاوي
قلبي نظيف وملبسه بيض الاكفـان
ولساني ماله صوب ربعـي مسـاوي
----------------
عرض البحر
يامل قلبن حده الشغـل للبـوت
متنحرن عرض البحـر للجزيـرة
متنحرن عرض البحر يطلب القوت
يا عل بالتغييـر يـا رب خيـره
هذي من الأسباب والرزق والموت
والغيم عنـد الله بعلمـه يديـره
فارقت لي ربعن حلاهم حلا التوت
حلوٍعلى كبـد المعنـى عصيـره
اللي يخاويهم سعيـدٍ ومبخـوت
بيض الوجيه أهل النقا بالسريـرة
اللي خطانـا دافنينـه بتابـوت
مثل الكبير اللي يـداري غريـره
لكني من فرقا العزيزين مبهـوت
وروحي بحبس هموم بقعـا اسيـره
يا لله يا منجي نبيك من الحـوت
يا جابرٍ ٍنفس الحزيـن الكسيـرة
يا قاسم الارزاق يا سامع الصوت
يا خالقٍ ٍ جنـه ونـارن سعيـره
ارزقني التوبة قبل حـزه المـوت
واغفرلي ذنـوبٍ عليـه كبيـرة
دنيا و دارعبه وضيعٍ ٍو هلفـوت
دنيا فساد وحسد لو هي مطيـرة
دنيا بها التوحيد صوتٍ ومخفـوت
والشرك طاغي زلزل الله مصيـره
اشوم عنها وامنع النفس وافـوت
ماكنها عندي تسـاوى حصيـره
رد مع اقتباس
المشاركة الأصلية كتبت بواسطة مقبل الضوي
المفضلات