كل ماأقفيت ناداني تعال <_ لعنبوك يالحظ
السلام عليكم ورحمة الله وبركاته
يقول الشاعر ::
كل ماطقيت في ارض وتد ....... من ردات الحظ وافتني حصاه
والحصاء يقصد بها الشاعر الرضمة ... والرضمة هي اللي تدق فم العدو والعدو هو الشخص
الخبيل والخبيل هو الشخص الهديفه والهديفة هو عباره عن كتله من اللحم والشحم الفاسد
كثير التنقل بأحياء العود وخنشليلة والبطحاء ..
المهم يالربع أنـــآ رجال أبي أسوي أي شي تشورون علي بوه بس يتعدل هالحظ الردي
اليـــوم رحت للدوام وأنــأ مستانس كله علشان ان جدول دوامي للشهر الجاي يبي ينزل
ومن صحيت من النوم وأنا اضحك ...قعدن خويي بالشقة يقول قم دوامك وأراعي لوه وأبتسم
وأقوم وهو يراعي لي متهول يحسبن انجنيت وأنا أفوته يوم فته وأنا أرجع خطوه طبعا بنقزه
وامسكه مع شدوقه وانـا أمحطه حبه من قلب قلت لبى تسبدك ليتك بنت تسان خطبتك
وأطلع من عزبتي أي شقتي وأنا للأسف ساكن بحي الروضه والمخرج اللي عند شقتنا
على آخر مخرج قبل الدائري يعني ذبحه العالم الصبح
وماسكتن أخلاق وأبتسامه ومشغلن فيروز وأهز راسي وأخلي العالم يطلعون علي مع اني اول أحدهم واتقرطهم بقواطي فاضيه اخليهن بالسياره دايم لزوم المعارك
وصلت الدوام وأول عميل يشتم وأنـــا اقوله فضفض وهو يزيد وأشغل السبيكر وأسمع أخوياي واقولهم خلوكم زيي اعتبرو العميل وغدكم وانتم أمه
المهم نزل الجدول آخيرا قبل نهاية الدوام بربع ساعة وأنا استااااااااااااااااانس ويقوم لي هياط أعزم العالم على العشاء <_ يعزم بس يجحد بسرعه يقفل جواله
وطلعت من دوامي وكانت المفاجعه ماهي مفاجئه <_ عاضن لسانه منقهر
وألقى لي لحجي مسكر علي <_ يرضخ بروحه بالارض منقهر
يالربع الحياء رآح والله العظيم شلون أدمي له مخ ويمشي ويتكلم ويفهم يسكر على سيارة وهو يدري إن الدوام يبي يخلص لييييييييييييييييييييييييييييه هلون
وأفزع السكيورتيه ونفزع ونفر البنك مكتب مكتب وأنا مغيبن بطاقتي أبي أدبه ولا أبيه يعرفن
ولالقيته بس الزيده اني دريت انه سيارة مدير <_ مدير على مرته ماهو علي
ولآأدري وش اعمل ضاقت بي الوسيعه
على طلعت خوين لي دوسري <_ هالأدمي كــآن مشروع مهرب بس ضربته طفره جينيه وصار موظف بنك ولا هو من الأولين راعين الوانيتات
قلت فلآن اليوم يومك يالذيب ... قال ابشر بسعدك وأنا أخو فلآنة
قلت السالفة كيت وكيت وكيت وكت كات وباونتي وكيندر ..
ونبي نجرم براسك إجرآم
قال قدام .. تبيني اجيب الوانيت ونصدم سيارته ونعجنه
قلت لا يرحم أمك بس انت رح قرب وانيتك ...ورآح وجابه يوم جا قلت رح يالذيب راقب لي البوابة اذا طلع احد شلك شيلة من شيلاتك اللي انا خابر
وأروح وأطلع كل القواطي اللي بسيارتي والأكياس وطفايات السياره
وأروح وأنثرهن على سيارته <_ سيارته جاكوار ياحظي ابي اقهره
وأكتب ورقه مضمونها ___> ثكلتك امك وأعلم أنك ميت لامحالة
<_ متابع فلم البارح
وأصوت لذيبان وهو يجي ركض داقن اللطمة وحاطن ثوبة بسرواله ونركب الوانيت وننحاش
المهم وصلت الشقه ورآح خويي وأزهم على خويي بالشقه ومقفل جواله
وأدق على أخوي وماعندهـ شبكة دريت اني وخذت
مامعي مفتاح للشقة
وأجلس بالشارع وقفتن محترمة وأدق على أخوي بدوامه وأهدده بكسر باب الشقة
ماأدري وش اعمل انقهرت
وأدق على البنقالي ومقفل جواله وآخرته وأنا اطق اللطمة وأجلس بالشارع تقل وجه شحاذ
يما جا البنقالي وجابه الله وأنا أقمز وأحبه وهو منخرع يحسب بي بلآ
يوم جيت أبدخل الشقة وأراعي ورآ يمار القرآده مقفيه وتمول تقول ::
هذا اللي شايف نفسه .. ماشي ولامعبرني
يتفلت هنا وهناك ولاكنه شايفني <_ والله أنا أوريكم والله أنا ماأخليه
توسدو إحترامي
أخوكم س.ص الحظيظ سابقا المقرود حاليا <_ يمسح رقم الشبث وصورهـ
رد مع اقتباس
المفضلات