% مواقف مع الوالد %

**الشبث** · 25-01-2009 01:05

ههههههههههههههههههههههههه

ماجد ليه هاللون هههههههههههههه

ياشين استانست وعقب كسرت خاطري هههههههههههه

الله لا يهينك على هالمرور

وتقلد تحيتي

**الشبث** · 25-01-2009 01:09

هلا بالاخت لوليتا

كويس فهمتي اللهجه هههههههه

وابشرك الحين ميه ميه بالدبح ههههههههههه

ومشكوره على مرورك الطيب

وتقلدي تحيتي

**الشبث** · 25-01-2009 01:13

خزامى

احلاااا يالبوارديه هههههههههه

يعني اعتبر معنا قناصه بالفله

واهلتس ينادونتس يا قناص بغداد خخخخخخخخ

لاهنتي علىهالمرور

وتقلدي تحيتي

**ريوف** · 25-01-2009 05:04

واحد

بسنتن من السنين يوم انا صغير

كان الوالد يبي يذبح ضحيتوه

قالي شبيثان تعال يالغالي ابي اعلمك شلون تذح الذبايح

( ياروحي يالتربيه الناس تعلم عياله الرمايه والسباحه وركوب الخيل والاخ يعلمن الذبح )

الوكاد وهو يمسك الذبيحه ويجضعه

قال امسك رجلينه ويدينه

وانا اتكوم عليهن

وهو يذكيه

بس للاسف السكين مهو حاد

قال لا تطلقه ابحد السكين واجيك

طبعا بحكم اني صغير

واشوف دمه يصب قلت اكيد ماتت

يوم راح ابوي قلت ياولد ريح يدينك شوي

وانا اطلقه

وهي تهرب

وابوي يصيح الحقه

امسكه

اووووووه

وانا اركض وراه

ياربع الذبيحه تركض بس راسه يتدودل معه

احس تراعيلي وتقول ليتك تقرب يالمروح

وكل ما اقرب له اذل وابعد

وانا اقوم اركض بجنبه

ابوي خذا خشبه وجاء يركض

ومن القهر محطني قبله ولزقني بالجدار

وبعدين مسكه وتفاهم معه

ههههههههههههه والله ضحكت يــآمآ قلت بس .

ثنين

مرتن من المرات عقب صلاة العصر قلت انا ليه ما اسوي شي اخلي ابوي يرضا علي

وانا اشب النار واضبط القهوه والشاي واضبط المجلس

وانتظر ابوي يجي ابي اشوف ردت فعلوه

يوم خذيت شوين وانا اسمع ابوي يهاوش داخل

اثريه غايلن اخوي ما صلا العصر

وهو يقوم يكمخوه

شوي وهو يجي اخوي يمشي الف

وابوي وراوه يمشي تسعميه وتسعين ( لو يمشي الف تسان لحقوه )

طبعا اخوي فرك

وانا جالس عند الدلال انتظر رجعت الوالد

شوي

وهو يدخل ويراعيلي

قال وشفيك ( يبي المشاكل )

قلت مافيه شي

قال وش تسوي هنا يالتسلب

قلت ماعندي شي يبه بس مصلح لك قهوه وشاي تقهو

قال تقهو ؟؟

ليه ماقومت اخوك على الصلاة يالهيس

وهو يلقط الدله

وانا افرك

ويرجفن بالدله وهي تنكب على ظهري وتلعن شكلي

وشهر عقبه وظهري حمر

أمــآ هـ المووووقف أحسه هو اللي ينتج رجــآل بـ المُجتمع خخخخـ .
وهذي التلمخ اللي كل دقيقتين يمدحووونه .
يقولون زين لـ العظآم << والله من الكذب .

ثلاثه

مرتن كنا طالعين للبر كشتت عوايل

وكانوا معنا خوالنا وعمامنا والربع

وابوي كان معوه ددسن

وهو يروح حدى الزقرت للخلا ومعوه جركل ازرق

قال ابوي شبيثان خذ الددسن ورح للبقاله جبلنا غرضان

اثري ددسن الوالد مابه بريك ولا علمن

عاد انا يوم خذيته طرا علي ابو الشباب قلت ابسوي بوه مقلب

ولا هذاااااك هو جاين هو وجركلوه الازرق

وانا ادوووس يموه

هو يوم شافن وهو يقوم يشر بالجريكل

وانا ادددعس

يوم قربت لوه وانا ادوس البريك

وكانت المفاجأه الغير ساره

وانا القطوه

وهو يطير هو والجركل الازرق

ويصفق على بعد عشر امتار

وانا انزل ابشوف الرجال

اثري فيه ولد شافني

وهو يروح يركض يمهم ويصيح طول حسوه ياملا البعد

شبيثااان دعس فلاااان

شبيثان ذبح فلاااان

شبيثاااان دعس فلاااان

قسم بالله تسذوب

انا يوم سمعتوه وانا اهرب ولا ادري وش صار بالرجال

طبعا شالوه وودوه المستشفى وطلع بوه كسر بالحوض

وه يا مزح السيارات

واسف على الاطاله

وتقلدوا تحيتي

ورب البيت ونّستن بـ الموووقف هذآ .
ضحكت من قمّة رآآآآآسي .
أمــــــآ دتسن ومـآبه بريك وربي شيء .

ريوفـْ .

**&^^مهــــا^^&** · 25-01-2009 08:33

بسم الله نبداء <<مضيعه

ياربع الذبيحه تركض بس راسه يتدودل معه

<<تخيل شكله

بهذي تستاهل اللي يجيك

ويرجفن بالدله وهي تنكب على ظهري وتلعن شكلي

هنا رحمتك مجهز ومزين الدله وتبي رضى الوالد

ابوووووووووك يالتوقيت اللي ماجاء على الكيف

هو يوم شافن وهو يقوم يشر بالجريكل

مادرى وش الله كاتب له

وه يا مزح السيارات

اي والله لاتعوده

والله يسعدك على هالسوالف اسعدتنا وونستنا في هالصباح المشرق هههههههههههههههههههههههههههههههههههههههه هههههههههه

يعافيك ربي

تقبل احترامي,,

**غالب** · 25-01-2009 13:53

ههههههههههههههههههههههه سالفة الددسن هاذي غير شكل
عدي أشوف راعي هالجركل يومي لك
خلاص أجل أنا عقب سالفتك هاذي كل ماأركب سياره ألمس الفرامل علشان لايصير لي مثل الأقوام البائده

واستلم سلامي

**عبدالله الجعيثن** · 25-01-2009 14:10

شبيثان

ياخي لو مالانتحار حرام...كان قلت انتحر احسن لك

ولوما اعرست...كان قلت مت صمل ولا تجيب مثلك

الا...فيه مثلك صيني...ابشريه اخلي غازي وخالد يلعبون به احسن من الستيشن هاللي اعمت عيونهم

**ابو خلوف** · 25-01-2009 14:10

شبيثان

اثاريك من يوم انك صغير مجرمن بالخلق

عندي سوال

الحين عيالك طالعينن عليك ولا لا

**شام** · 25-01-2009 14:44

الله يطول بعمر والدك ووالدي وكل أب مسلم يارب
مواقف بريئة ..
مشكور اخي ابوماجد
ويعطيك العاااافية

**الشبث** · 25-01-2009 14:50

هلا اختي ريوف

والله انا اللي ذبحن الضحك على ضحكك هههههههههههههههههههه

الله يسعدك وعساها ضحكتن دايمه

لاهنتي على هالمرور

وتقلدي تحيتي