بسم الله الرحمن الرحيم
لا أجيد المقدمات وافضل البداية ..
[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
البارحة ثارت بقلبي لواهيب =من قمت افتش ذكريات ٍ عجولة
كن القهر خاطر يدور معازيب=أقبل على قلبي ونوخ ذلوله!
حييت ثم صبيت عذب المكاتيب=وذبحت(فرحه)ضيفة(ن) في وصوله
الحزن طرقي والقوافي بها شيب=وصدر الشمالي ..بالصحيح اشهدوله
ياصاحبي من خنت ذيك المواجيب=والوقت مابه ابن ناس وحموله !
خليتك لـ ضيق ..وطريق..ومصاعيب=وتركتني وسط المحيط .. بسهوله !
آنا الذي من قبل لا تصوّت آجيب=بنيت لك في ساحة العز ..دولة
كم ليلة افزع تقل همهمة ذيب=وكم ضيقت(ن) تعدل يميني ميوله
اجوع من شانك ولابه مكاسيب=طبعي كذا (والفعل) هذا اصوله
الوقت معطيني شهادة تجاريب=وعنوانها يصعب عليا .. اقوله !
((لاتجازي المعطي بالاحسان والطيب))=((ولاتعطي العاني ..لو اغراك زوله !))
الذيب مايقلط على فضلة الذيب=والمال يفنى والبقا للرجولة !
[/poem]
مقبل الضوي
رد مع اقتباس
المفضلات