× ضرب الحبيب مثل أكل الشيبس ×

[ليلى بنت عبدالعزيز]

والله انتس اجوديه





























ياحياتي هذولا اطفال اول لكن اطفال هالوقت


الواحد يراعي لتس بطرف عينوه
ويجدع لوه كلمه تحلفين ابو 50 سنه مايقوله




الا ادبغه يما يتخالط بوه الرجا والياس
مايفهمون بالكلام الوحده يتفككن حنوكه والي قدامه تقل جدار
وتسبدي على تلميخهم بس ههههههههههه

ليالي
يعطيتس العافيه

كل الشكر لتس






عاطر ودي

تسلمين يابنت الاجواد..
صدقيني ماياصل الموضوع لضرب ..نظره حاده للبرنسيس حماده يهدا الوضع

[ليلى بنت عبدالعزيز]

هين بس ما ظبط الخلق الا الضرب





ابيي الله يطول بعمروه



يرفض البته السهر



واخبر لا جا عندنا عيال خوالي ولا عمامي



وحنا مانعرف شين اسمه سهر



وهم يصيرون متعودين



وليامنه دخل علينا واثارينا سهرانين



ونستلم من هالضرب كلنا



خلي عنتس التدليل الزايد

شف انا اهلي كل ابوهم ماضربوني ..
اخواني صح يضربون لانهم يسووون الفنايع الله يصلحهم..يستاهلون
والله مو دلال بس تقول تربيه تربيت انا عليها وربيت عيالي نفس ماتربيت..

[ليلى بنت عبدالعزيز]

كفو كفو كفو ياأم وغدتس مدري وش أسمه


والله ضرب الأطفال بالفترة الآخيرة قل بنسبة كبيرة عن اول ..<_ يتذكر جلدت أبوهـ له بالشارع



الله يخلي لكم عيالكم ويخليكم لهم ويخليكم لهم وبس


لاهنتي .

اسمه حماده بيه..
انا ام حماده هههههههههه
تسلم على الدعوه الجميله ..لاهنت

[ليلى بنت عبدالعزيز]

الاسلوب مار
علي

والتوقيع مهو غريب


اعترفي من انت ِ

ههههههههه

اما رايي بتس

فلا

اقيم

بس انا لازم اضرب بس غير مبرح

مع نفس الوقت تانيب بسيط

مهو لدرجه انهمار الدم

هههههههههههه
تطورت مادريت..!
يعني غير مؤيد لعدم الضرب
رايك واحترمه..

[ليلى بنت عبدالعزيز]

الله حيهآ
كيفكـ وكيف الصغآر؟
شوفي يختي
مو معكـ بانكـ ماتضربين ابدن
وبنفس الوقت الضرب بزووود وعلى كل غلط
يسبب (تأتأهـ) و (قلة ثقهـ) و بعد (تبلد من الخوف) او (خوف شديد وضعف)
يعني اذا ماضربتيه
بيتمادى ومو محصل اللي يخليه يحرم
خلينآ نعترف ان الحرمان والعقآبــ لحآله ماينفع مع ورعآنآ
يبيلهم كف
بس لآ يتولم اربع وعشرين كف
خير؟!
اصلن بيصير يسوي شغلات من ورى الاهل
صح؟
ولا يدلع بزيادهـ
احس اني شرحتـ كثير
اتمنى فهمتو علي
ميرسي ليآلـــي

حياك ربي ياهلا والله تعطر الموضوع ..
بخير ياعمري ونتي علومك..!
فهمت الدرس
تدرين اخوي جاب لي خيزرانه قال اذا ازعوجك اضربيهم
قلت مقدر وخذت كم يوم وكسرتها ورميتها..

[ليلى بنت عبدالعزيز]

ضربت الكبير كثير وضربت الي بعده مره وحده وتبت عن الضرب بالمره لم أضرب أحد من البنيوات أبداً ولم أضرب أحد من الصغار البته ولكن يمكن إن أمهم أعطتهم معلومة عن ضربي ياضربت وعلمتهم بأني ما أحب الإزعاج والفوضه ففهموا الدرس الله يصلحهم إذا كنت موجود بالبيت كأن على روؤسهم الطير يتكلمون بهدوا وأدب ولا أشوف أن للضرب ضروره الكلام الجاد يكفي للطفل والبنت والزوجه حسب علمي وخبرتي وتجربتي والله ورسوله أعلم.



شكراً لك ياحصوصه أقصد ليالي 2007 لاهنتي.

عاش عمو ابو عارف عاااااااش
والله اني قلت هالجمله بصوت عالي الين جاء صدى بالصاله
ورددو الوغدان معي مايدرون وش السالفه عااااااش...>> ويبوني اضربهم
لا خلا ولا عدم
وشخصيك في بيتك رجعتني وراء
بشخصيه الوالد وفي والد ابو وغداني
قسم الله ياعمي نور الموضوع فيك..

[ليلى بنت عبدالعزيز]

انا مع الضرب الغير مبرح واللي مايسبب أذى وما يترك أثر ..


يعني مثل دوسة بالبطن

دوسه اهااا اجل الي انضرب البارح تسمى دوسه
احترامي لك ورايك..

[أحمد]

انا اقول بما ان الضرب هو احد العمليات الحسابيه ويذكرني بالمدرسه اللي ماأدانيه دنيا والدنيا به حلو ومر والمر لاعب وحداوي يمكن يوقع للاتحاد والاتحاد يذكرن باتحاد جامعة الدول العربيه اللي يقول به الشاعر:


[align=center]
لتس ضحـكةٍ ياجامـعة تشبه اثنين ***** امـا منـافق او قليـل احـترامـه
ولتس مبسمٍ مايبتسم دون تأمين ***** انتي ضعيفت بوشهم يايمامه
[/align]
الشاعر ابو فهد الشمري

نرجع لموضوع الضرب انا اقول ان شبيثان اعطى المختصر المفيد (شر لابد منه) مهو مثلي قمت امذرح يما قضبت السالفه تالي خخخخخخ


تري مكاسي اختي ليالي 2007 على هالطرح <والطرح هو عمليه حسابيه يذكرني ب خخخخخخخخ

[صلفيق]

والله زولك مثل زول حصة ..

سبحان الله الخالق الناطق تقل انتي هي !!


بس الضرب اللي ماينقل عقبه للطواريء ، والدم يرشح .. مهو تأديب !

ودك تأدب أمه بكم كف ( صاير شرااااااااااااااااااااااااااااني ) .



لاهنتي ليالي 2007

[حياة الورد]

والله بالنسبه للضرب ..الطفل على ماتربى من البدايه...
اذا تعود انه ماينضرب وتعاملنا معاه بعقلانيه ووعي بيصير مؤدب..
واذا صار متعود عالضرب...من كثر ماينجلد بيموت الاحساس عنده وماراح ينفع فيه ابد...

بيوم من الايام جلدت واحد من عيال اختي...
ندمممممممممممممت كثر شعر راسي عاللي سويته فيه..بس والله انه كان يستااااااهل..
المصيبه انه كبر وفاتت سنين والين الحين يذكرها...عيا لا يسمح خاطره..


ليالي...طريقتك صح..الله يخليهم لك..