في يوم من الايام ذهبت لشرقيه تقريب عام2001 course في فندق الظهران وجمع من كل القطاعات وبعض الدول
وكنت جالس وكان ثلاثه جالسين قريب مني واحد عتيبي واحد زعبي والثالث امريكي
وكانو يتكلمون عن الكرم باللغه الانجليزيه يشرحون للامريكي
واحد من الاخوان قال بالحرف هذا الرجل من سلاله حاتم الطائي وانا انتبه لهم يوم سمعت اسم حاتم قلت لهم صباح الخير ياشباب قالو اهلا وسهلا لو ماحنا شباب
ضحكنا وجلست معهم
قلت كلامكم عن الكرم قالو نعم ونبي نسئلك قلت تفظلو قالو فيه رجل شمري اسمه فهد بن قدران الشمري باني بيت شعر في الثكبه مقابل منزله ودوم الناس هذا رايح وهذا جاي
هذا الرجل من اي شمر
قلت شمر كل طبعه واحد وهذا رجل شيخ من شيوخ شمر والفخذ اللي هو منه الرمال من طيبين شمر كرم وجميع معاني الرجوله بهم
فهد بن قدران فعلا باني بيت مجاور منزله وجميع اهل الشرقيه يعرفون بيت الشعر ودايم القهوه جاهزه صباح او مساء
وهذا الرجل يرفع الراس اللي هو فهد بن قدران الرمالي الشمري
وارجو من جميع الاخوان اللي يعرف اكثر من هذا يضيفه
ولكم اجمل تحياتي
رد مع اقتباس
المفضلات