مرحبا فيكم جميع ..
البارح كانت سهرتي أنا و أختي في المطبخ للأمانه مو قرامه
نطلع من الثلاجة و نحط على الطاولة قرقر قرقر طول الليل
عاد سوالف الليل أستر يا ستار تطلع كل المستخبي نستلم العالم واحد ورا الثاني
و نختمها بكفارة المجلس ..
قالت لي أختي سالفة لصديقتها و أبي منكم أنتم تحكموا أذا هالرجال حكيم أم نذل ..
بشرط أذا جيتوا تقصوا السالفة قالوا :
قالت أهداااب أن أختها تقول أن صديقتها عندها خال
هالخال المسكين متزوج و على قد الحال
و الله بلاه بمره صغيرة عقل كل شيء تشوفه عند الناس تبي مثله
يوم من الأيام أنعزموا على زواج
هالزواج ما يقرب لهم كثير ..
فلبست هالمره لبس عاادي يعني ما تكشخت حيييل وراحت ..
لما وصلت القصر ..
شافت البنات و عقلها يطيرررر
الله الله وش هالزين لا أنا مستحيل أكون أقل منهن و لا هن أحسن مني
أتصلت على رجلها قالت : فلان
قال : سمي
قالت : بسرعة تعال نسيت شغله ضرورية بالبيت
و المسكين جااا بسرعة صدق
لما ركبت السيارة قالت ودني أقرب مشغل أبي أسوي شعري انا مو أقل منهن
قال : يا بنت الحلال ما معي و الله قروش كل اللي معي عطيته عينيه للمعرس
هي تصارخ عليه ما أرجع إلا تودني مشغل ما ابي ما ابي
قال : أصبري أصبري .. ممكن نحصل بالبيت
و صلوا البيت قال لها : أنزلي تحصلي بالدرج مبلغ و قدرة و أنا بحتريك هنا بالسيارة
و طلعت تدور الفلوس وتدور وتدور
تنفض الثياب .. و تفتح الدروج درج درج
ما في شييي
نزلت تبي تسأله
حصلته مشااااااااا
تتصل عليه ما يرد
و بلا عرس بلا مشغل قضت اليلة بالبيت و تبكي على حضها المقرود
يا مسكينة و الله أنها كسرت خاطري
تعتقدوا أن هالرجال بتصرفه هذا نذل و لا حكيم
بالله جابوا على السؤال بدون حيادية ..
و سلملم ..
رد مع اقتباس
المفضلات