مساكم الله بالخير اخواني حبيت اشارك بهالقصيده وبهالمنتدى الغالي على قلبي واتمنى منكم المرور الكريم.....
[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
الشمري صاغ المثايل بترتيب=للي نباهم دايم(ن)مايزولي
مثايل(ن) لاهل الثنا والمواجيب=واهل المواقف راجحين العقولي
بي طيب ربعي عالي(ن)بالشخانيب=لاشك هذا هو هواي وميولي
يوم انك انته مهـتـني بالمشاريب=يكفيني بس من طيبهم ورثو لي
يوم انها تخطي هكالوقت وتصيب=خيول ربعي بالجزيره تجولي
افعال ربعي تجمع الخير والطيب=ولااجحفت حق(ن) للنشاما بقولي
لوضاعت بهالدنيا عليه مكاسيب=يكفيني الي باللوازم صفو لي
ويالي تقول الظن مايوم(ن) يخيب=انا اشهد انه خاب بالي نوو لي
صحيح مالي من وراهم مطاليب=ولاضيقوا صدري ولااهتز طولي
وهرج القفا لايودي ولايجيب=لاصار طبعي للكرامه ينولي
انا عمر لاعوا الذيب للذيب=ارقى سنود ولا أطيق النزولي
صدري وسيع ولايغشى صدري الريب=وطبع الشمالي ثابت(ن) للحمولي
الي يبيني منزله بالمراقيب=ومن لايبيني احقره واسمحو لي
ولامنها صكت ادوس الاصاعيب=لوكانت اعوج من رقبة الذلولي
ويالله تجنبني عن الزل والعيب=وعن الخطى دوني ستار(ن)يحولي
[/poem]
وسلامتكم.... اخوكم /عـمــر الشـمـري
رد مع اقتباس
المفضلات