أمر شارعكم وأسلم على البيت
[align=center]
السلام عليكم ورحمة الله وبركاته .
ياهلا والله بالزلم <_ من غير سناعيسو ابو عيون خضر
قبل شوي مع ولد عمي نمذرح بلنا حاره وأنا اقرآ ذكريات على جدار واتهيض
وهو يمر قدامي شريط حياتي [ أسود + مقطع + رقابة + شرطة + توقيف + جلد بالطابور الصبح + سرقت دخان + سرق سيارة عمي والتفحيط به + إحراق عش به حمام ودجاج لجيرانا ]
وهي تدمع عيني وهو يقولي ولد عمي شنوحك .. قلت يافهد تاريخي أسود ياخوك
قال ليه وهو يبتسم قلت ياخي ماني زي وغدان خلق الله اللي دلعوه اهله .
تخبر يوم يقعدن ابوي العصر وانا اتدلع عليه لأني شيافن فلم مصري وابيه يسوي لي زي ابوهم وهو يمسكن شوشتي ويرضخ بي على القاع وانا اتشنج
المهم ذكرن بسالفة وأنا اضحك قلت اللهابوتس ماش الدنيا ماتسوى
وهو يشغل لي اغنية تطربن لا سمعته اتهيض
يقول الشاعر :::
أمر شارعكم وأسلم على البيت .. وأقول هذا بيت زين الوصوفي <_ اممممممممممممش
مبطي يالربع عشقت وأنا قلبي مبطي خضر والحين أبشركم حتى العرس مابيه اهم شي اتعشىا واتمشىا وانام واتناقر الله العالم ان بي عقده
كانو قدام بيتنا ناس الله يستر عليهم وأنا اعشق بنتهم
والله يالربع عشق عذري لحد يفهمن غلط
لاجت الساعة 3 العصر أوقف قدام الباب وهي تروح للمدرسة العصر <_ ماهي عجوز
بس انه اكبر مني بــ 10 سنين او أكبر بعد مادري بالضبط
أنا وقتها عمري 12 سنة على أولي
وابي اعلمه اني ابخطبه ومدري وش اسوي ...
وأروح وألقىا امي تقهوى العصر واجلس قدامه ومنزل راسي مستحي ههههههههههههه
قالت وش انت عامل وش هالمصيبة الجديده .. قلت يمه ابعترف لتس بشي <_ وجه مستحي
قالت ياويلي وش انت عامل اخلص وهي تعدل جلسته تحسبن محرق ولا مسوي مصيبة ماتدري اني قررت اصير رجال وابو عايله
قلت فلانة .. وأنا اسكت وانزل راسي واتبوسم <_ يسولف لأمه وهو خاش جو انه لابس بشت
قالت وش انت عامل به فالقه ضاربه ... قلت تنقص يدي قبل أمده عليه <_ لعبنوووووووو الفصاخه بس
قلت يمه انا ابصير رجال زي ابوي وافتح لي بيت واجيب لتس وغدان يقولون لتس جده ... قالت وش تبي ياوغد اخلص علي ...قلت ابيكم تخطبونه لي ..
وهي تنثر القهوه على وجهي وتاخذن فوووووووووووووووووووق وترضخ بي يما انا عاضن الكاسات والفناجيل وهو يستدير راسي ...
وأروح وابتسي واقول لروحي عيب تبتسي انت رجال تبي تعرس والله واأنا امسح دموعي واهون <_ خبل هههههههههه
المهم اني قررت اوري فلآنه اني رجال علشان لاخبطته توافق ..
واروح واطق شماغ عمي ابد يسحب وراي والعقال ساقطن بهامتي غادين تقل مصاصة
وبكت دخان بمخباي تسني رجال يعني <_ برآآآآآآآآآآآآآآ
المهم قبل آذان المغرب هذي فلانة جت وانا اعدل الشماغ واوقف واحط يدي بمخباي يوم قربت وأطلع بكت الدخان والسبحه بيدي الثانية واغني اغنية نبيل شعيل ..
ياشمس ياشمس لا لا لاتغيبي الله الله انا احبك
وهي تراعي لي وتضحك يوم ضحكت ضربتن ام الركب ويالله اوقف وأطيح على الأرض تلخبطت وأقوم اصيح زي الغورلا ..
وأروح من باتسر واكتب على جدار بيتنا [ يوسف + فلآنه = قلب حب ] <_ خربوه الشلة
خلاص بزعمي هي يوم ضحكت لي قلت اكيد دريت اني احبه وهي يوم تضحك مثل قولت ترن احبك
وأروح هكاليوم للبقالة .. وهي له أخوان ملاعين خير وشيبان وواحد بهم وجهه مسرد من كثر ماهو يتهاوش .. وأمشي وأراعي لهم وأضحك يعني النسبا ..
وهو يصوت لي ولدهم تعال تعال .. وأروح له مستانس وهو يتغصن قال أنت اللي كاتب اللي على الجدار .
قلت ايه واتبوسم ...
طرآآآآخ الا الدنيا تبرق وترعد بعيوني ولا وعيت الا هو تاغصن بسنسله ويقولي الحين تروح وتمسحه
وأروح وامسحه ..
ومن زين الحظ كتبت لا لا لا للمخدرات
وهو يمكسن ابوي ويمسح بوجهي البيت رايح جاي صرت مكنسه انطف الزوليه
وأروح وأمسحه وأكتب .. عز النصر طز الهلال
وهو يدبن ولد خالتي هلالي
وحرمت أكتب على الجدران شي من عقب اللي جرالي
والبنت الله يستر عليه عنده له سرب وغدان لاشفت وغدانه قلت عوذا تسيف عاشقن امهم وهي كبر امي هههههههههههههههههه أتلطم الحين لاشفتهم وبيني وبينكم مرات اذل من رجله
للحين مانزل قرار الست سطور يابو غازي
توسدو إحترامي
[/align]
رد مع اقتباس
المشاركة الأصلية كتبت بواسطة ماجد
.......ينظر بنص عين لعجايب وابوخلوف
اللي كنت عاشقه انا قبل
وغدان هالحين
ماهو معنا بالمضايف........
المفضلات