ماني من صليب واصلي شمريه

**سيــ شمــر ــف** · 13-01-2009 10:56

السلام عليكم ورحمة الله وبركاته

صاحبت القصة هي نورة بنت هطيل بن خالد بن عايد الزريقي من العطون من الجعفر من عبده من شمر, كانت مع أبل والدها ومروا عليها أهل الركايب وسالوها عن اهلها وقالت لهم اذا لكم لزوم في معرفتهم مروا عليهم وتعرفونهم وقالوا يمكن انهم صلبه ..
وبداو يرددون الكلا م فيما بينهم من نوع الا ستهتار وكان وسم ابل اهلها معروف عند القبايل

وقالت

يايبه اهل الركايـب نشدونـي
حش قلبي يوم قالـوا ياصلبيـه
لعن ابوكم بحرو وسم العطوني
لعن ابوكم والله انـي ضيغميـه
كانكم بالوسم واهله تجهلونـي
نوخوهن عنـد حمـاي الونيـه
يالركايـب لاتهجـن بالعفونـي
ياحسايف فدكن كـل ضحويـه
والله لاانشد عنكم يما تعرفونـي
ماركب ركابكـم كـود الهفيـه
كلمة الحقران عندي ماتهونـي
ماني من صليب واصلي شمريه
الضياغم عزوتي مايرحمونـي
يوم بيع الروح باسواق المنيـه

وتقبلوا تحياتي

**ابو محمد الحجي** · 13-01-2009 13:41

والف نعم
وصح لسانك سيف شمر

**سلمان النبهان** · 13-01-2009 14:00

[align=center]
عزالله ظلموا حظهم قليلين الحظ
العطون من الجعفر ماينظلمون الاجواد
اهلا كرم وطيب واصل رفيع وشيوخ
شكرا سيف شمر على القصة والابيات
[/align]

**ضاري الأسلمي** · 17-01-2009 03:13

شكرا لك ياسيف شمر ع القصه والقصيده

**أبو روز** · 17-01-2009 03:15

والله ونعم من اليتمان

وعز الله انه بنت رجال

لا هنت يا سيف شمر

**الفضيلي.** · 17-01-2009 11:00

سيف شمر ماقصرت وهذا موضوع يستحق الاشادة به
والشاعرة تقول:

كانكم بالوسمواهله تجهلونـي
نوخوهن عنـد حمـاي الونيـه

ونعم والف نعم , معروفين .

كذلك تقول :

يالركايـب لاتهجـنبالعفونـي
ياحسايف فدكن كـل ضحويـه

ويستاهلون هذا الوصف

تسلم على هذه المشاركة