الفزعة .. أكون أو لا أكون .. :(

**العَـــروب** · 12-01-2009 13:55

السلام عليكم

شلونكم يا مصممينا ومصمماتنا ..

كالعادة أنا ما أجي الا وعندي طلب

السالفة يا جماعة الخير إن عندي برزنتيشن يوم الاربعاء
اللي هو بعد يومين بالضبط باذن الله ..

الحمد لله شغلي تقريبا جاهز بس ناقصني صور وخلفية للعرض ..

الموضوع اللي أقدّم عنه عبارة عن مقارنة بين حمية الكربوهيدرات
وحمية الدهون من حيث الأفضلية في المحافظة على الوزن ..

المطلوب .. :

( 1 )

خلفية مربعة تكون كلها بيضاء بس شريط صغير تحت
الشريط يكون فيه صور فواكه وخضروات وزيت وطحين <-- تبي تسوي لقيمات

( 2 )

صور مُساعدة للبرزنتيشن ..

تفاحة تضحك مثلا .. برتقالة تبجي

يعني صور أكل متحركة ..

عاد أبي اشوف شطارتكم وفزعتكم

واللي عنده افكار يجيبها ..

ثانك يو سو فري متش ..

**تركي الزياد** · 12-01-2009 14:50

[align=center]
الـــ ع ـــروب

والله ماعندي فوتوشوب .. عشان أسوي لك اللي تبين ..

بس ..

I wish I could help you

U r welcome
[/align]

**مرافئ الحنين** · 12-01-2009 16:45

عروووب

اوكي مومشكله

بس كم خلفيه تبين

خلفيه وحده او اكثر

**العَـــروب** · 12-01-2009 18:34

تركي

Thanks anyway

\

مرافيء

المطلوب خلفية للشرح مساحة الابيض فيها كبيرة
ولا مانع من خلفية مشابهة للعنوان والعناوين الجانبية بس يكون فيها حركة وصور أكبر ..

شكراً يا غالية ..

**المطنوخ** · 12-01-2009 19:12

يالربع خلوها تسقط نبي نشوف وش يصير ليا من سقطت

**مرافئ الحنين** · 12-01-2009 19:14

العرووب

هذي اربع خلفيات سويتها

بس مدري الصور حلوه او لا

اذا محتاجه تعديل عليها

لاتترددين اوكي

مدري اذا اعبجك تصميم الشكل كذا طول او عرض او بالزاويه

اعتبري هذا مثال واعطيني رايك ايهم اعجبتك

.:.

**العَـــروب** · 12-01-2009 19:28

المطنوخ

لا تفاول ترى انا على طريف

**العَـــروب** · 12-01-2009 19:36

مرافيء

آخر وحدة هي أكثر وحدة مناسبة

الصورة مو ماخذة مساحة كبيرة من الخلفية .. فـ بيكون في مكان كافي للكلام ..

أما صور الآيس كريم

لو أحطها عند دكاترة القسم بيعطوني F ويمكن يطردوني بعد ههههههه
إحنا نقول للناس لا تاكلون ككاو وآيس كريم .. يعني نشجّع الاكل الصحي ..

بس بما ان المقارنة بالبحث بين الدهون والكربوهيدرات ..

الأفضل لو الصور تكون فيها زيت وخضار وطحين وفواكه .. يعني هالسوالف ..

والأفضل لو الصور يكون طابعها جدّي ورسمي .. مو حيل funny

باتعبج معاي ادري يالغالية .. تحمليني بليز