قبل الحكي ....... ( 1 ) ..!

**قبل الحكي !** · 08-01-2009 19:18

.

قبل كل الحكي !

شفني ..

على حدّ الضما .. عطشان ..

يبعثرني حنيني .. و أنت ماتدري عن أحوالي !

أيّا الغالي ..

بعد ماضاعت آمالي .. أجيك .. و خاطري مكسور ..

و أنا عطشان ..

ولا بي من ضما إلا ضماك ..

وشوف أحوالي ..

و أنا أحوالي على هذا الطريق المَنفي المَهجور

أدوّر من وراي أشباه نفسي .. و ألتفت ... ويني ؟

و أنا بدربي كثير عثور .. ولاني للفرح معثور
كأنّك يا السنين الممحله .. جيتي .. خذيتيني ..!

يمرّ اليوم .. كنّه مرّني مع ذكرياتي شهور ..
و تمرّ العين دمعه .. مو جديده .. تنزف بعيني

و يمرّك يا السحاب أشباه ناس .. و ذكرهم معمور
طلبتك .. لا تحطيني معاهم .. لأجل .. تنسيني

و أنا .. بدربي على هذا الطريق .. و ألتفت مكسور
و أدوّرني وراي .. و ألتفت .. يا صاحبي .. ويني ؟

و هِنا .. قبل الحكي .. قبل البكي ..

جيت أشتكي .. مكسور ..

عليك من البكا صاحب ..

وجه شاحب ..

صدر راحب ..

صدر يجمع صدور الناس .. في صدره ..

و يبكيني ..

و أنا أسألني ..

و أنا أسألكم ..