استفسار حول ابيات قصيده

[لحن الوداع]

السلام عليكم ورحمة الله وبركاته

تحياتي لكم جميعا ،،،
يمكن يكون توقيت الموضوع غير مناسب كوننا نمر هذه الايام باحداث قد تكون شاغله لنا عن اي شي اخر ،،،وهي احداث الحرب على اخواننا في غزه،،الذي اسأل الله العلي القدير ان ينصرهم ويثبت اقدامهم ويشفي صدورهم.

لكن احببت ان اطرح هذا السؤال عل وعسى ان اجد له اجابه في قابل الايام ،،،

انا اتمنى ان اجد من ينبئنا حول من قائل الابيات التاليه

[poem=font=",7,,bold,italic" bkcolor="transparent" bkimage="" border="none,4," type=0 line=0 align=center use=ex num="0,black""]
عبدالعزيز الشمري ماض الافعال=اللي ضحايا والديٌه رجاجيل
ليت العذارا حمُلٍ منه بعيال=ولا بلاش من الضنا ليتهن حيل
[/poem]


من يجد الوقت والمزاج المناسب للرد ،،،ياليت مايبخل علي بالاجابه.

[نايف الصنيدح]

الشاعر ابن غياب المطيري حيث قال في الجنازة :-

يامن خبر خيال يسوى ألف خيال ** الفين مع الفين رجال مشاكيل

عبدالعزيز الضيغمي ماضي الافعال ** اللي ضحايا والديه رجاجيل

ليت العذارى حملـن منه بعيال ** والا خلقهن ربهن دايم حيــل

مع تحياتي لك

[ابو محمد الحجي]

نعم قيلت بالجنازة رحمه الله

[زاهي]

الله يعافيك ابو مطلق


وله قصة



سمعت ان مطير جمعوا للجنازة يبون يلاقونه

ويوم جو غايب عيا لايروح معهم وقال ان انهم مايقوون لابن رشيد - ولاهو قصور بهم - لكنه دولة لحاله


المهم ماأطاعوه وتلاقوا هم وابن رشيد وذبح اللي ذبح واغار واخذ حلالهم



ومن ضمن اللي وخذ حلال غايب هذا - يقال له ابن فلان - بس النسيان مشكلة-


المهم راح لابن رشيد يبي يطلبه حلاله - واظن يطلب حتى حلال مطير اللي كسبه بالمعركة -


ويوم دخل مضيف برزان أول مابدا بالقصيدة



بدا بالشطر الاول وبدا يكرره طول حسه لما انتبه له كل اللي بالمضيف


ثم جاب الابيات المذكورات



واعطاه ابن رشيد طلبته




الله يرحمهم جميع

[لحن الوداع]

اشكركم على هذا التفاعل والردووود الشافيه

والشكر مخصوص للاخ نايف الصنيدح