المشاركة الأصلية كتبت بواسطة الشاهري العبيدي
مااااااش رفعنا الفيتو لكن مانفع!
قلنا لهم الا متكي يالربع لكن فشلت جميع وسائل التسوية
ليه تحس اني وجه نكبات ههههههههههههههههه
حيى الله متكي معنا ونرحب بتشريفك للعام كله
ترا الكل مرحب به وحياكم الله
تفاعل جميل ما شاء الله
ومعكم متابعين الجلسات والسواليف اليومية
البقىىىا يالشاهري والله لايهينك على هالترحيب الغير مستغرب منك ومن الأخوان المشرفين
تابع .. بس لو تشاركنا يكون اجمل نبي نتغالط شوي
[align=center]
احلى ديوانيه لأحلى عطاوي
منور والله أخوي يوسف
النور نورك ونور فهد وطلال وأبوهم
.
.
بالنسبه للموضوع
فانا بتكلم بشكل شخصي
بالنسبه لي رغم وجود سواق
فهو للضروره فقط وطبعاً ممنوع الركوب معه لوحدي
مني انا قبل يكون من غيري
كفــــــو ياأم طلال
واخواني وابو طلال مايقصرون ابد الله يخليهم
عسىا الله يخليهم أن شاء الله لكم
عاد مهو من كثر مشاويري
ان رحتي للصيدلية على قولت ابو غازي هو والمارد خويه ههههههههههه
يمكن تمر أسابيع طويله مالفظني الباب على قولة امي
انا مع عجايبنا عسى ربي يحفظها
تجمعتي انتي وعجايب كملت
مملكة المرأه بيتها وكثرة الخروج مامنها فايده
والافضل تخلص حاجتها وترجع مع من يحميها ويحفظها
.
.
واحد من اخواني لو ان درجة حرارته 40 وطايح بفراشه
مايخلي وحده منا تطلع مع سواق وهو موجود
وبنفس الوقت يلبي حاجتنا
يقول عسى ربي يخليه .....لو تبين اوديتس للقمر وديتس
لكن حنا مشاء الله كثيرات وصعب يلحق علينا كلنا
بتصير شغلته يودي ويجيب
أويلي هذا وليدة عرب ماشاء الله عليه كفو ذيبان طالعن لي <_ وش دخلك
.
.
عن تجربه وجود السائق مع زوجته
او ان يكون رجل كبير بالسن مع عدم خروج المرأه معه لوحدها
وعند الضروره طبعا
هو الحل المثالي والافضل ومشاكله اقل بكثير من ان تقود بنفسها
او تركب ليموزنات ....
ويمكن تجربة السائق السعودي كبير السن ومعه زوجته ايضا
جربت التعامل معهم لفتره
طبعا بشكل رسمي بعقد وراتب ثابت
لكنه بالطبع اغلى بكثير من الاجنبي
لكن ارتحت كثير للوضع فالثقه اكبر
وتحس انه يخاف عليك مثل خوفه على بناته ...
.
.
حبيت اعلق على قيادة السياره بالنسبه للسعوديه
انا طبعا خارج السعوديه احيانا وللضروره اقود
تفحطين ياأم طلال هههههههههههههه
لكن داخلها مافكرت وماتمنى ابدا هالشئ يصير
لأن الوضع مختلف تماماً والظروف غير
مجتمعنا له خصوصيته ومشاكل قيادة المرأه اكثر من مزاياها
يمكن خواتنا واخوانا في بقية الدول يستغربون هالشي
بس فعلا الوضع بالسعوديه مختلف ولايجب ان يقارن ببقية الدول
دامك فتحتي هالموضوع ياخالة وقيادة المرأه للسيارة .
أنا استغرب والله اني مالقيت إجابة اتمنى ألقاها هنا
هي مطالبة بعض الرجال عندنا وبعض النساء بالسماح لقيادة المرأه وقالو أن فيه إضطهاد وليش ماتسوق
طيب يعني القيادة الحين هي اللي تبي تحل أموره وتخليها مو مضطده
طيب ليش مايطالبون وخلوني اضرب لكم مثال بما أني موظف بنك ..
مشاكل النساء اللي يتسلطون عليهن أهلهن وياخذون الرواتب منهن بالغصب ,.
والله قبل فترة اتصلت علي وحده .
وأخوها واللي فهمته من تلميحاتها انه ياخذ راتبه ومجبره على انه تطلع له بطاقة فيزآ وفيها مبلغ 16000
ودقت هي تبي تلغيها وشرحت لي الوضع اللي هي فيه وفعلا كانت صادقه لأني سئلتها اسئله شخصية وواصحه بالسستم امامي
تسلم يامتكي
ديوانيه عامره [/align]
الله يسلمك ياخالة وماننحرمش من هالمرور ..
بإنتظارك
رايي بالموضوع المطروح
يهمنا رايك يالقدوهـ
اولا خروج البنت لابد يكون لحاجة معينة وبجون اسراف كما هو الحاصل الان
ان احتاجت للخروج فلا مانع
ولكن لا يكون الأمر عادة يومية وكل شوي ودنا لفلانة وعلانة والسوق وهااات من هالاشياء
ابو يوسف حسيت بمعاناتك وصلت ههههههههههه
اذن لو عالجنا الأمر بداية بتجنيبهن كثرة الخروج والولوج لحققنا خدفين
حفظناهن واعطيناهن حقهن
وارتحنا من مشاكل فارغة بسبب ودني جيبني !
ومع هذا البعض يشطح فيحكم عليها بالسحن المؤبد
لا ننسى ان لها حقوق واقارب وناس لابد من زيارتهم من فترة لاخرى
فلا اسراف ولا تقتير
هكذا عالجنا الأزمة قبل التوصل لمشكلة السواق
هذا رايي بكل صراااااااحة
رايك عين الصواب يابو يوسف بس فيه بعض الحالات تكون الحرمة والله يستر منهن متسلطه
يعني بعض الرجال ماله كلمة وزي ماتفضلت اخوي ابو يوسف انك بنفس الوقت ماتقدر تمنعه من زيارة الاقارب ولاتقدر تقطع صلة الرحم .
نبي حل يابو يوسف <_ ترن ماني معرس بسبت هالشي
أذل تطلع ملوسنة ههههههههههههه
بإنتظارك
<<<<<<<<<<<< يتنحنح
ياااااااااااا ولـــــــد..
أقــــــــــــــــــــلط ياولد اقلط يالله حيوه
السلام عليكم ورحمة الله وبركاته
وعليكم السلام ورحمة الله وبركاته
صباح الخير..!
صبآح النور والسرور وصبآح الوزارة
مجلس عامر ما شاء الله..!
متكي موضوووع جمييل..
و الله يحفظ بنات المسلمين.. و شباب المسلمين..!
اللهم آمين
الخرووج من المنزل من دون حاجه..! هذا خطأ نتفق عليه جميعا..!
أنا وأنت نتفق بس غيرك ياهايس يقول مالك شغل وش تسوي بهالحاله
اما ان كان هناج حاجه تستدعي الخرووج..! فيجب الخرووج مع المحرم..! و هنا يجب على الاب او احد الاخوه او الزوج تلبية حاجة محارمه..!
اما اذا لم يوجد المحرم..! فهذه ضروره.. و الضروره تحل المحرماات..!
اتفق معك بإن الضرورة تحل المحرمات ..بس تشوف ان الروحه للسوق ضرورية ماتتأجل الين يجي المحرم ؟
لكم الود
هايس كل الشكر لك على هالمداخله .
بإنتظارك
حي الله متكي ورا الشمس ...
ديوانية عامره يا خيي ,,
تسلمي عروب على الفكرة ..
أما بالنسبة لسواقين صراحة عمري ما ركبت مع سواق خاص و لاغيره
الله يخلي لي بيي و خياني عد و أغلط ..
و المتنقضات يا يوسف اللي تكلم عنها أي كان نوعها سببها المتغيرات ..
لأن حنا شعب نخاف الكلام .. كلام الناس ..
صراع بين عادات و قيم متأصله و أفكار و مستجدات فرضتها الحياة بصفة عامة
هي مسألة و قت لا أكثر .. وكل جديد يأخذ حقه من المعارضة و الأستنكار ..
شكراً على طرح الموضوع
حياك الله ياأهــداب ..
طيب نخاف من كلام الناس ولا نخاف من الله ؟
يعني دامك تخافين من الناس مافكرتي هل هاللي تسوينه حرآم ولا مو حرآم
ركوبك مع رجل بدون محرم والرجل اجنبي ؟؟ هذا وش تسمينه
يعني صعبة اني افكر بكلام فلان وعلان ولا أفكر مجرد تفكير باللي حرم علي هالشي
ردك ياأهداب من المتناقضات اللي نعيشة
صخن ياقائد بأنتظارك/
اختيار موفق
شهادة أعتز بها
/
راجعلك ياالمتكي وراء الشمس
بس خلني اصخّن شوي
حياك الله ياشام ..
وأشكرك على هالتعقيب
مشكلتنا ياشام ومجتمعنا خاصة نعاني من هالظاهر [ المظاهر ]
تلقين الناس تحب تقلد بعض بأي شي لو كان مخالف ولاهو من طبعنا
بس اهم شي زي فلان
لاهنتي
بإنتظارك
السلام على الجميع
وبارك الله بكم وعلى الردود اللي تبيض الوجه
وبقول اللي بخاطري مادري عاد يجوز لكم ولا لا
على قولتك يايوسف العالم متناقضين ، سواء رجال أم نساء
وبكل شين ماهو بس سالفة السواق
والسالفة متفرعة جداً
لكن بما أنك خصيت قضية السواق ، ابي اتفلسف عليكم شوين
السواقين يالغالي نجزم جميعا إن بلاويهم أكثر من محاسنهم
لكن فعلا نشوف بعض الرجال هداهم الله يقط الخيط والمخيط على السواق
يجيب المدارس ويوصل مشاوير ويجيب أغراض من البقالة ويرعى غنم
يعني أولا نرحم هالسواق اللي كرفوه كرف
ولا صارت مصيبه تقول ياليت
وعلى فكره بعض الرجال اللي يقالهم رجال للأسف كمثال بقولوه لك ومثال واقعي
إذا وصل أهلوه مشوار زيارة مثلا طيرهم بالعجه يجدعهم العصر ويقول عقب الصلاه انا عندكم
وإن وصيتوه على غرض يجيبوه قال ماعرفوه
وإن جابوه زتوه بوجه أهلوه وقال : هذا اللي بلشتينا بوه !!!!!
عاد أتحدى إن طلبوا أهلوه منوه شين مرتن ثانية
وتصيبهم عزة النفس ، ومن ثم تتمنى السواق
بعضه أعوذ بالله لا طلبتوه أموه مشوار قال مشغول
الله أكبر طيب وش الأسباب
وقضية إن الحل يتمثل بقيادة المرأة للسيارة ماهو حل ، وماأدري كثير نسمع بالدول الخليجيه مثلا
مثل الكويت بعضهن تعض أصابع الندم إنها تسوق سيارة
وإلى ....
القضية متفرعه يايوسف ، والله الله بأهلكم ياجماعة ، كلكم راع وكلكم مسؤل عن رعيته
ووالله إني أفخر لا رحت السوق مع زوجي ولا أخوي ... وأحس إني محمية بعد رب العالمين ....
وصل الله وسلم على نبينا محمد
ياحبي لتس .. : )
طيب واللي يستعيض بالسواقة بدل السواق ؟
>>>>>
" ما للظما داعي .. "
@dohoor
حياك الله ياشام ..
وأشكرك على هالتعقيب
مشكلتنا ياشام ومجتمعنا خاصة نعاني من هالظاهر [ المظاهر ]
تلقين الناس تحب تقلد بعض بأي شي لو كان مخالف ولاهو من طبعنا
بس اهم شي زي فلان
لاهنتي
بإنتظاركأشكرك للثقة و للدعوة فاضلي
و إنما يبقى الامر مخصص كما ذكرت
ففي بلادي و بالنسبة للشريحة التي أنتمي لها
فهذا الامر غير منتشر واقول لك شي ربما تضحك
عندنا مافي سيارات وسائقين إلا لنسوان المسؤولين
ههههههههههههههه
و نحن لانغبطهم لا ... صدقني
فكم وكم من مسؤول تم سحب منه 14 سيارة و 20 سائق
وعاد ليسير على الاقدام من المزة الى الحميدية هو و زوجته و بناته
أما الشعب العادي فلن تجد هذه الظاهرة منشرة أبداً ..
و الله خير الرازقين .. رزقنا الله ثمن سيارة بدون سائق
و الحمد لله رجال وشباب العائلة كثر مستعدين لنقل
النساء إلى اي مكان بأوقات معلومة سابقاً ..
وهذا رأيي الشخصي في حال رزقنا الله ثمن سيارة
مو ضروري السائق ابداً .. سواء شرعياً أو مجتمعياً .
فوجوده ترف زيادة عن اللزوم ...
وشكراً لك فاضلي ..
هكذا هم الغرباء يأتون ويرحلون بـصمت ..!
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
المفضلات