:: ديوانيـــة يوسف العطــاوي ::

**الشبث** · 08-01-2009 12:38

دوانية عااامرة براعيه ومعزبه هههههه

ياملا العافيه لاخواننا المشرفين

ولمعزبنا يوسف

واسف لتأخري ولكن لظروفي تاخرت

اخوي يوسف

موضوع جميل وحساس

اعتقد ان اختنا مرافئ قالت كلام صاير بوقتنا

ممكن فيه رجال ما يرضى ا محارمه يركبن مع سواق

وتلف الدنيا وتلقاه راضي ومبسوط ههههههه

هي اهم شي لا تكن قاسياً فكسر

ولا ليناً فتعصر

ولي نكسه

وتقلد تحيتي

**الشاهري العبيدي** · 08-01-2009 13:14

يا راعي الديوانية والربع

وش رايكم؟

الي ديوانيته تتعدى الأالف زيارة

نلزمه بعشا للحاضرين؟

لا يقل عن سندويشات لحم

وش اخبار اليوم الاجتماعية ايها القوم؟

يقولون بدت حملة مقاطعة للبيوت باسم خلوها تصدع

تيمنا بحملة مقاطعة السيارات خلوها تصدي؟!

**الأصيل** · 08-01-2009 13:38

خير ( خلف ) لخير .. أصيل

متكي ورا يوسف

لالا ،،

يوسف متكي ورا( ماحنا بددسن )

لالا غلط

يوسف ورا الشمس ( ظاع المسكين )

*****

بما إن الديوانية مهي ديوانيتي ،، أبي أخربها خراب

******

أولاً : ماتخفى خطورة السواق ،، ليس على الحريم !!! بل حتى على الأولاد الصغار!!!!!!!

ياجماعة .. أنا يجوني ناس يشتكون من السواق لأنه مهو مضبوط مع الصبيان اللي أعمارهم

دون ال 6 سنوات !!!! انتبهووووووووووووووو

ثانياً : يخي لاتنسى إن هذا بشر ، شعور ومشاعر مهو حديد ،، واللبيب بالإشارة يفهم

ثالثاً : وش هالمشاوير الضرورية اللي تستدعي وجود سواق ( والناس تختلف ظروفها )

سوق ؟؟ مهو شرط اليوم ،، تتأجل الروحه لنهاية الأسبوع ،

مسيار ،، إذا أنا فاضي أودي أهلي ، ماني فاضي ،، برضوه مهو ضروري.

طاح عندنا مريض !! الله يخلي الجيران ، والفزعه موجوده والضروره لها أحكام.

واحد يقول : وش هالتعقيد يابوثوب ؟؟

أقول : درهم وقاية خير من فضيحه يابعدي.

رابعاً : للأسف .. أن المرأة ( غالباً ) تتكشخ ووتتزين وتتعطر وتروح مع السواق للعرس أو المسيار

وهات ياسوالف مع خوياتها وضحك وكركره ،، وكأن اللي يسوق : قطعة خشب!!!

ياجماعه .... قرب المساس يقلل الإحساس !!!!!!

مصــيــبــه

صار السواق واحد من المحارم

هكا اليوم ،، كنت بحوادث الأطفال بالمستشفى

المهم ،، جت بنت قماشه ( أنا أسمي الحريم : بنات قماشه )

وعقب ماخلصت من مراجعة الطبيب ،، شايله ولدها أبو سنتين ،،

وهي تصوت للهندي ،، ويجي ركض ،، وياخذ الولد من حظن أمه !!!!

لعنبو الغيره !!!! تسيف يمد إيدوه ويلمس اللي يلمسوه بحجة شيل الوغد!!

جرب ،، ياجيت تبي تاخذ ولدك من زوجتك وهو بحظنها أو وهي واقفه ،،

ياجماعة ،، أمور تمرض القلب

الخلاصة ،،

كل ،،، كل ،، كل المبررات مرفوووووووضه

السوق والمسايير ،، حتى بعض الأمراض اللي مهي خطيره ممكن تتأجل

اللهم إلا الأمور الملحة جداً جداً ،، وتتقيد بالضوابط الشرعية ..

وتقصير الرجل ماهو مبرر لتواجد هذا الثعبان النائم في البيت .

كما أهيب بالرجال أو بعضهم ممن ضعفت عندهم الغيرة ،،

وأصبح لايبالي بمن تركب زوجته وبناته معه

أقول (( إن الله وضع الغيرة في جذر قلوب الرجال )))

إسألو المخافر ،، وياما وياما صارت فضايح ،،

أسأل الله أن يستر علينا وعليكم

نشف ريدزي

**ريم شمر** · 08-01-2009 14:01

^
^
صح لسانك ولاهنت ..وماحكيت الا الصحيح

نشف ريدزي

ترى يوسف يوزع قوارير مويه صحه مجانيه لزوار الديوانيه

كريم هالمتكي

**الأصيل** · 08-01-2009 14:17

المشاركة الأصلية كتبت بواسطة ريم شمر

^
^
صح لسانك ولاهنت ..

صح بدنتس

هذي كانت آخر قصايدي ،، ويمكن أشارك به بشاعر المليون أو شارع المليون
وماحكيت الا الصحيح

ترى يوسف يوزع قوارير مويه صحه مجانيه لزوار الديوانيه

كريم هالمتكي

أنا ماأحب أشرب ألا بـ .. طاسه

أما العلب والأكواب ماأستلذ بالشرب

عاد ،، ياللي ورا الشمس ،، الله لايهينك ،،،

ونت جاي من المريخ .. مروراً بـ .. زحل ،، مر السوق وجيب معك طاسه لأبوثوب

( تقل صارت شات !! ) ،، ماعلششش أنا عضو مجلس شورى
( فوق القانون )

**قمر اللــيل** · 08-01-2009 14:46

يالاصيل صح لسانك ياخوي بالله صدقت بقولك على هالهندي وانا عمري ماأأيدت اني اروح مع سواق

حتو لو شنوووووو

تشكرات كبار بحجم الكون لكلامك الدرر

ونشكر اخوي يوسف صاحب هالدوانيه على طرحه مثل هالموضوع الساخن
تسلم يامعزبنا

دمت دوماً بخير

لاهنت

**مرافئ الحنين** · 10-01-2009 21:43

الله يجزاكم الخير كل من رد علي

للحين الموضوع والا غيرتووه لموضوع جديد

اذا بتغيرونه بقترح عليكم كذا مووضوع نتاقش فيه

فيه موضوع قاهرني بجد

انتظركم

.:.

**الشاهري العبيدي** · 11-01-2009 07:47

راح تبدا ديوانية جديدة كما هو مقرر ان شاء الله اليوم او غدا

وديوانية العطاوي عامرة ما شاء الله

**يـــوسف** · 12-01-2009 07:37

الله يعطيكم العافية ومشكورين أخواني على هالتفــاعل .

واعتذر لكم عن التأخير بالرد لظروفي ...

يالله يحصل لي أدخل الفلة

أخواني الشاهري العبيدي والعروب الله يعطيكم العافية على هالمجهود وبالتوفيق ..

توسدو إحترامي