إكتئاب صباحي

[حياة الورد]

^^^^
ورا ماتجربها اول وتكتب لنا قــــــــــائـــــــمه بدواعي الاستعمال..
ترا احسن لك يمكن تتعاقد معك شركة ادويه عليه..
لا تستهين فالدلاغات..صدقني بتكسب..

[ملامح شمري]

إكتئاب صباحي

مساء / صباح الخير جميعكم
اختكم حصه تبي منكم نصيحه ولا دواء ولا اي شي عشان تطيب من اكتئاب الصبح
؛
؛
انا من عرفت روحي وانا ماحب اتكلم الصبح ولا اكل ولا اشرب الاماء
تبدا المعاناة من بعد الفجر الا الساعه تسع وفوق
ماااحب احد يتكلم كثير ولا احد ياكل عندي
بقولكم معاناتي في اماكن وازمنه متفرقه :
ايام ثاني ثانوي كنت اركب مع الباص ذاك الاصفر المقلم بااسود واكون من الطالبات الي يجي الباص مبكر سواق الباص متعب بصراحه ليته يسبح ولا يهلل على هالصبح ولايسكت على الاقل
يهيجن وبصوت عالي :ياحمام الورق ... وعديت بالمستقلي... >> وشلتها
وتسبدي تقلب واقول ياعالم سكتوه لا اسوي جريمه فيه ... من يسكته محد
قمت وجبت سدادات الاذن حقت الطياره وصرت في اخر مقعد في الباص ..
وانتهت مشكلتي معه اهم شي اغمض عيوني عشان مااشوف خشته وهو يتميلح اخاف انفجر
ورحت للكليه وركبت نقل صار يسولف ويقول قصه حياته في الجوال ولايسولف مع بنته ..قلت لها سكتي ابوك
ولا ادور نقل ثاني >> تهدد هي وجهها
قالت هو يتلهى عشان مايجيه النوم... المهم انه التزم الصمت لطلب الرزق
وتوظفت في مدرسه بعيده عن البيت وكنت اروح مع عمي لان مدرسته جنب مدرستي
واركب الصبح بس فيه ازعاج وغدانه يسولوفون مايسكتون ولا مراهقين >> وع تسبدي اوجعتني ماصلين
حاليا
اركب مع اخوي وهو عارف المزاج حق الصبح ضارب عندي ووغداني ملتزمين الصمت صباحاً>> اجباري الي بيسولف يطلع بالحوش
:
اليوم عاد تعبت كل اسبا الاكتئاب اجتمعت
وغدي حمود يسولف عن مغامرات له في المدرسه على اخته وهم يفطرون
عند الباب حفريات وكل بنقالي مولع تتنته
ركبت بكل هدوء كعادتي اليوميه
سلام ..عليكم السلام
بس كان معه كوب حليب وانا اتعب شوين يوم وقف عند الاشارة ويميل الكوب وينكب ويجي عباتي بغى يغمى علي >> تسبدي تمغصني
وانزل واجلس على المكتب ومازال الالم يعتصرني
وتجي احدى اعضاء هيئة التدريس وتجلس بالقرب مني تبي اسويلها جدول
هنا
بغيت اموووت
صبح + صبح يوم السبت + وغدان يسولفون+ عمال يدخنون + حليب منطش علي + ريحه ثوم وحلب وعرق = اختناق مدري تسمم >> اقلد متكي
واركض بسرعه للحمام ... ماصار شي
استاذنت ماقدرت اكمل الخمس دقايق الاخيرة من الدوام
:
:
والله اني اعاني اخواتي واخواني ..تعبت وش اسوي
رحت لطبيب باطنيه يقول : مافيك الا العافيه
رحت لطبيب نفساني قال: تدلعين انتي...!

اسدحوا حلولكم يابعد حيي..

حصة ما عليك من الاطبا , ما عندهم سالفة ..

واللي ردو كلهم موب حاسين بازمتك و عذابك ..

<- لا واضح انك حاس

سوي لك بريق سنا مكي و اشربي منه كوبين قبل تروحين الدوام و على الريق و بتطبين

و بتدعين لي ..

[أهداااب]

حصة ما عليك من الاطبا , ما عندهم سالفة ..

واللي ردو كلهم موب حاسين بازمتك و عذابك ..

<- لا واضح انك حاس

سوي لك بريق سنا مكي و اشربي منه كوبين قبل تروحين الدوام و على الريق و بتطبين

و بتدعين لي ..

سنا مكي مره وحده يالظالم


حصه ما عليك منه أنا مجربه السنا المكي


أذا شربتيه نصيحة لا تروحي الدوام بتتفشلين




أنا في حالتين ما أقدر أقاوم نفسي و لا لي خلق أكلم أحد


أذا صرت جوعانه و لا نعسانه





أعتقد يا حصه أن معك قالون عصبي


أختي الصغيرة نفس مشكلتك ودينها أطباء و معالجين نفسين و مشايخ


و كلهم أكدوا أن معها قالون عصبي



لاتعصبي و لاتشلي هم


خلك مثل ما قال شعبان عبد الرحيم لركس





تمنياتي لكِ بالشفاء العاجل ..

[ليلى بنت عبدالعزيز]

حصه العلاج حطي قطف زقآره بمنخرتس

امحق علاج ..
الحين اذا شميت ريحته في مكان عام حامت كبدي ومغصني بطنيبحطه في مناخري
فاشله الوصفه ... خيو متكي

[ليلى بنت عبدالعزيز]

انا جيت


البسي دلاغات شتويه(صوف) ولا تجدعينها مدة اسبوع




وبعد اسبوع تنشقيها ثلاث مرات باليوم



شرط تدعين لي


كان ماعندك دلاغات



عندي اثنين مستعملين تهبل ريحتهم

هلا فيك هلاوبجيتك هلا..

اتنشقها ..اخاف افقد الذاكرة

[ليلى بنت عبدالعزيز]

سبحان الله عندي نفس الأعراض فقط في البيت ما احب الصجة واللجة والإزعاج البته معي زي الجنية تنرفزني من صراخ هالبزارين خاصة إذا عندنا ضيوف أما أولادي قد فهموا الدرس يساسرون لبعضهم البعض بدون كلام احياناً يستخدمون لغة الإشاره.

لكن بالعمل كل شيء عادي ما إهتم سبحان الله لا للتحك ولا للكلام ولا أي حاجه حساسية منزلية الله يشفينا منها ويجعل صدورنا وسيعة مع أهلنا واطفالنا آمين.

ياهلا والله ابو عارف
الله يشفيك ويشفيني ويشفي مرضى المسلمين..

[ليلى بنت عبدالعزيز]

من ردود الشباب

ابي اكره ضحك لبكرا

انا لدي العلاج

اخي صلفيق يقول ديك يتيم

وهذا خطأ انه اذا اردت ان يضيق صدرك سو طريقة صلفيق

العلاج

عندتس شرابات العايله

لبسي زوجك شراب العايله لونه احمر

وخليه يركض حول البيت ساعتيين

ولا يفسخ الشرابات الا بعد مرور سبع ايام وخمس ليالي

دمتي بخير

ماعندي زوج ...
بشري لي واحد ضعيف ويطاوع الحريم واشوف الوصفه تضبط ولا لا
مرسي ..الناصر

[ليلى بنت عبدالعزيز]

تصدقين عاد
أنا من يوم إني بأولى إبتدائي ماعمري أفطرت بالبيت قبل لاأروح للمدرسه
وبعض المرات أطر.....(وإنتم بكرامه)
أنا بعد أي حل موقود هنا أبي أحاول أسويه



واستلمي سلامي

هلا والله بسناعيسوو
اشوى لقيت احد مثلي..هههههههه
حنا اخوان في المضايف واخوان في الاكتئاب

[ليلى بنت عبدالعزيز]

ياعزي لحالي وحالك ياحصوصه..
ماني ببعيدة عنك..
كلنا فالهوا سوا..
ان لقيتي حل ياعمري تعالي علميني..

يوم قريت عزي لحالي ولحالك>> بغيت اصيح
تعالي معي انا وسناعيسو اخوان بحومت الكبد

[ماجد]

الحل عندي

افا عليتس بس

بما ان المشكلة تبداء من الصباح الباكر فأنه يجب عليك التأكد من وضعية النوم
تم مؤخرا في احد المستشفيات البريطانية الكشف عن طريقة اثبتت وبجدراة فعاليتها على خمسين مريض يعانون من مشكلة الأكتئاب الصباحي وعدم التكيف مع البيئة المحيطة وكان الدكتور ويليام هاري المشرف على هذا المشروع قد أكد بأن المشكلة تكمن في وضعية النوم وبتالي تم استحداث تقنية تفيد المرضى وتجعلهم قادرين على بدء يومهم بسعادة



وهذه التقنية تسمى ب....














































لفي كم شعرة من شعر اباط ابو خلوف ودحي مناخرتس به قبل النوم وبشري بالخير