خليجييـن نفخـر فــي عبـايـات الخليجـيـات !!!

**al-shmaly** · 03-01-2009 20:16

وهذي من القصائد اللي اعجبت بها

وان شالله تحوز ع القليل من رضاكم

يا بنت أرجوك أنا مأقدر كفانـي ماضـي الغلطـات
أخــاف الله يعذبـنـي وأنــا خــواف يابنـيـه
واخـاف ابساعـه اللـذه يجينـا هــادم الـلـذات
ويأخذ مـن حشـى جوفـي بقايـا روحـي الحيـه
أنا ليّه ثمان اسنيـن وأنـا مدمـن علـى الشهـوات
ديـار الفسـق حاستهـا مواطـي تحـت رجلـيـه
عيوني مـن كبـر همـي تخلـط الـدم والعبـرات
مِسيـل الدمـع مـن عينـي حفـر بالخـد ماريـه
صحيح إنك جميله بـس !!!!!!ـا مـن هـوى الزينـات
تركنـا الحـب غصـب وطـوع للعيـن الشقاويـه
يابنت أنتي على بالـك أبأخـذ مـن بنـات الشـات؟
أجـل مجنـون أنـا يابنـت أشيـل العقـل بيديّـه؟
ترى أكبر شيء يربطني مِعك جـوال ابـو شاشـات
وهاتـف ينقـل أشواقـي علـى نبـرات سلكـيـه
وترى كل العلـوم اللـي عطيتـك بالهـوى كذبـات
وحتـى دمعتـي يـوم الفـراق الصعـب كذبـيـه
هـذاك اليـوم ماهلـت عيونـي لجلـك الدمعـات
لأن الدمـع ماينـثـر بقـصـه حــب وهمـيـه
أنا أضحك مِعك واضحك منك ..عليك أكثّر الضحكات
كأنـي بالـهـوى جـنـي.. يعـبـي راس جنـيـه
وأنا مانـي بخكـري يلبـس القمصـان.. والشرتـات
ويفـرح قلبـه المسكـيـن إذا حــب الدوينّـيـه
أنـا مـن لابـةٍ أروت ضمايـا سيوفهـا الغـزوات
خلاياجسمـنـا عـاشـت عـلــى دم القبيـلـيـه
ودهنتي شعـرك الاسـود بألـوانٍ مـن الصبغـات
وعيـت تقبـل الصبـغـه ملامـحـك الخليجـيـه
وحشرتـي ردفـك المسكيـن بالبنطـال ..والجنـزات
خلاقـيـنٍ تصنّعـهـا مـزاجــات اليـهـوديـه
عشاني ميـتٍ فـي ثغـرك الأحمـر أبـو لمعـات
تحسبينـي أبرضـخ لـك لأن إشـفـاك ورديــه ؟
ورب الكون مأرضى فيك لو إنك شيخـة الحلـوات
وإذا صمـل علـيّ العلـم أكـب ارض السعوديـه
يابنت الناس عـزك فـي سـوادٍ يستـر العـورات
وعزي في شماغ أحمـر.. وثـوب أبيـض.. وطاقيـه
سعودييـن نفخـر فــي عبـايـات السعـوديـات
نغـض الطـرف إجـلالً إذا شفـنـا السعـوديـه
وخليجييـن نفخـر فــي عبـايـات الخليجـيـات
نغـض الطـرف إجـلالً إذا شفـنـا الخليجـيـه

**((عبدالله بن غيث))** · 05-01-2009 17:17

الشمالي الله لايهينك يابعدي ...!

سلمت ودمت..!

قصيدة ذات هدف ...!

تحياتي لك

**al-shmaly** · 06-01-2009 20:28

المشاركة الأصلية كتبت بواسطة ((عبدالله بن غيث))

الشمالي الله لايهينك يابعدي ...!

سلمت ودمت..!

قصيدة ذات هدف ...!

تحياتي لك

مشرفنا الرايع ابوغيث

الله يسلمك ويعافيك

ومايهون راسك وراس الي عقبوك

واشكرك لحضورك اللي نور الصفحه

والله يوفق الجميع يارب

**قمر اللــيل** · 06-01-2009 23:09

صح لسانك يالشمالي ولاهنت

حنا بداوه طبعنا ابد مانغير عاداتنا وتقاليدنا
شكرا لك

دمت بخير

**al-shmaly** · 07-01-2009 00:58

المشاركة الأصلية كتبت بواسطة قمر اللــيل

صح لسانك يالشمالي ولاهنت

حنا بداوه طبعنا ابد مانغير عاداتنا وتقاليدنا
شكرا لك

دمت بخير

هلا وسهلا

بالرايعه قمر الليل

والله وكفو منكـــ

وصح الله ابدنك طال عمرك

واشكرك على حضورك اللي عطر الصفحه

واتمنـــــــى للجميع النجاح والتوفيق يارب

**تركي الزياد** · 11-01-2009 08:17

الشمالي ..

أشكــركـ جزيـل الشكر ..

قصيدهـ رائعـه .. ومعبــرهـ .. وجزلـه ..

الله لا يهينك ..

**نعيم الحمود** · 11-01-2009 09:14

السلام عليكم ورحمة الله وبركاته
جزاك الله خير يالشمالي قصيدتك حلوة وهدفها واضح
بس مو كل بنات الشات متل ماتوصف
في منهن ترى يلبسن العبايات بس حلوة قصيدتك واكيد هدفها واضح وجميل مشكوووووووووووووور

**ابو محمد الحجي** · 13-01-2009 14:04

قصيدة جميلة صح لسانك
والهدف واضح

**al-shmaly** · 14-01-2009 10:40

المشاركة الأصلية كتبت بواسطة تركي زيد الخشرم

الشمالي ..

أشكــركـ جزيـل الشكر ..

قصيدهـ رائعـه .. ومعبــرهـ .. وجزلـه ..

الله لا يهينك ..

هلا وسهلا اخوي تركي

ةالعفو من ابسط ماقدمت

ومايهون راسك وراس اللي ورثوك يالغلا

والروعه تكتمل بحضورك المشرف والعطر

واتمنى للجميع التوفيق والنجاح

**al-shmaly** · 14-01-2009 10:49

المشاركة الأصلية كتبت بواسطة نعيم الحمود

السلام عليكم ورحمة الله وبركاته
جزاك الله خير يالشمالي قصيدتك حلوة وهدفها واضح
بس مو كل بنات الشات متل ماتوصف
في منهن ترى يلبسن العبايات بس حلوة قصيدتك واكيد هدفها واضح وجميل مشكوووووووووووووور

عليكم السلام ورحمة الله

وحياك الله اخوي نعيم الحمود

واشكرك لتواجدك النبيل والمشرف

واتمنى لك التوفيق والنجاح

وكن بخير