هلا باخواني الغالين جميع
اسف للغياب اللي غصبن عني
سنتن من المرات كنا معزومين عند شخصن من ربعنا
وكنت جالسن عند الرجال واخذت عهد على نفسي ما ابعد علشان ما اجيب العيد
يوم خذيت شوين وهو يجيني اخوي الصغير وولد خالي
قالوا شبيثان فيه عيال هناك يضربوننا
قال اول شي ماني عيال احترموا نفسكم ( يصرف )
قالوا لا رجال مثلك كبار
قلت عادي يمكن مايقصدون
وتى لو يقصدون ضفوا وجيهكم واذا جوكم ثاني مره تعالوا
وهم يدزفون
يوم خذيت شوين وهم يجون ( ياليل مهو معدي على خير )
قالوا شبيثان العيال اللي مشوين ضربونا
يتقرطون ( يرمون او يحذفون او ميو ) الحريم بالرضم ( صخر جلمود صخر هوداه اللي هي )
تخبرون الحريم جالساتن بالحوش نظام اول
قلت لاااااا الى هنا وبس
مشينا عليم يارجال
وانا اروح ومعي اخوي الصغير وولد خالي
وبالطريق قابلت ولد خالي الثاني
قلت معك شين
قال معي سلسله
قلت حلووووو
عطنياه
وانا اخذه واروح يمهم
يوم راعيت
ولا حوالي عشرين واحد اصغرهم اللي كبري
يوم شافوني وهم يجوني ( ماش حتى بالزول ما اخرع )
وهي ينطحن اولهم
اويلي يالربع
عليه زووول يخرع بعير
تسيف مواطيوه تقل وغدن منجضع
قلت السلام عليكم
قال عليكم السلام
قلت بالله يالطيب منهو اللي يتقرط الحريم بالرضم ( اخلاااااااااق )
قال انا ( مافيه مجال للنقاش الرجال يبي الشر )
وانا اخذ لفه على نفسي
واحط حيلي كلوه بيدي
تسيف احس بحيل رجليني يمشي رايحن ليدي
وانا اصكوه هكا الكف اللي يمشي مليون
يالربع تسيف اذانوه صارن سوا من قو الكف
وهي تقبس
خوياي طبعا حطوا رجلينهم يوم انا الف على نفسي
وانا اتشابط انا والاخ
وبعون من الله ومادري شلون سويت وانا اضربوه القاع
وانا اتكوم على تسبدوه
انا اضربوه
وخوياوه شغلين ضرب بظهري بالعصيان
انا اضربوه وحده
وخوياوه يعطوني ثلاثين
يوم خذيت شوين وانا ارفع راسي
ليمار واحدن معهم يالربع خبل
معوه حديده
وهو يصفقن بالجبهه
مدري ليه احس خشمي تسفت وطلع مع هامتي
وانا افهي
وامد لساني
احس لساني طال
احس جبهتي توجعن
احس فيه برق بدون رعد
احس ودي انام
وانا انصفر
وهم يقومون يردوني ويكمخوني وانا منصفر ( لايضر الشاة سلخها بعد ذبحها )
وهي تجي امي يابعد زولي وتمسك رجلي وتجرن وهي تهاوشهم
طبعا خوياي اللي هربوا فزعوا الحريم حسبي الله عليهم
وشوي ولا هذولا العيال جايين بس وش عقبوه
عجبني شنقل
قام وهو قالطن على العشا
تخيلوا وشهو مهدادوه
معوه عظم الله العالم كان يعرشوه
وتقلدوا تحيتي
المفضلات