بسم الله الرحمن الرحيم
طبعا يا اخوان ما يخفى عليكم .. كثرة الاخطاء الطبية في عالمنا الثالث ..
وكيف أنها أودت بحياة كثير من المرضى والله المستعان ...
لاسيما اللي ما عندهم فلوس يروحون للعيادات الخاصة ...
في الكويت طبعا ..
الوضع الصحي هو الشغل الشاغل للعديد من الناس
وهو حديث الديوانيات دايما ..
ومافيه خطأ طبي إلا وينتشر في البلد بسرعة البرق ..
سبحان الله ..
أثاري الكويت صغيرة
مستشفى الجهراء طبعا هو اكثر المستشفيات تعذيبا لخلق الله
حتى اني سمعت من بعض الموظفين ان الدكتور اذا يبون يعاقبونه يجيبونه لمستشفى الجهراء ..
يعني دكتور عليه عقوبة ومرزله المسؤول ويجيه واحد مثل منصور ويقوله بطني به وجع .. تهقون شيسويله ؟
يقوم يترفس ببطنه يوم يروح الوجع .. <<< علاج عرب
واحد مسكين .. دخل مستشفى الجهراء علشان يشيل اللوز ..
والحمدلله سووله عملية وشالوا اللوز .. بس الله يهديهم .. نسوا وشالوا وياهن الاحبال الصوتية ..
والرجال انطرم .. ما يسولف
عمتي قبل فترة ترقدت بالمستشفى جاها وجع بالمعدة ..
الدكتور ماشاء الله عليه عيونه ليزر بدون اشعة وتحاليل عرف انه عندها مرض خبيث وورم بالكلية
وخبصنا اسبوع لحد ما طلعت نتيجة التحاليل واثبتت ان عمتي سليمة والحمدلله ..
اووووووه حلالاه ياللي يسوي بوجه هالدكتور ورم حميد
وطبعا .. الحوامل وما ادراك ما الحوامل ... كل حريم الجهراء يولدن بعمليات .. انقطعت عندنا اولادة الطبيعية ..
والسبب ان الدكتور ياخذ مكافاة على العملية .. فما يقصر .. على طول يحد الشفرة ويجضع المريض
واحد من الربع راح يشيل ضرسه ...
وبعد معافر مع الطبيب تبين ان الطبيب شلع الضرس اللي بجانب الضرس اللي يوجع صاحبنا
عسى ربي يعوض عليك بضرس .. وسوريا مو بعيدة يارجال
حدا الشيبان ترقد بقسم الباطنية اللي اغلبه كبار السن ..
في اليوم اللي ترقد فيه الصبح مات شايب بجنبه ... خاف صاحبنا لانه يسمع عن بلاوي المستشفى ...
والظهر مات الشايب اللي مقابله ..
والعصر مات شايب بالغرفة اللي بجنبهم ..
وصاحبنا مايسمع الا صوت الصياح . والعويل ..
وبالمغرب مات الشايب الي مساطره ..
عندها قام صاحبنا من الفزع والخوف ودق على ولده .. وقاله بلهجته الشمالية /
يا ولدي لحق علي وطلعن قبل لا اموت .. عزراييل يفتر بالجناح
سلام ....
رد مع اقتباس
المشاركة الأصلية كتبت بواسطة ريم شمر
المفضلات