سؤال مهم .. للخبراء

**راعي البيرق** · 31-12-2008 18:51

اخوتي .. السلام عليكم ..
لدي سؤال .. ومن يقدم لي الجواب الكافي .. التام الشافي ..
له مني الدعاء .. والشكر والثناء ..
كثيراً ما أمر في النت .. على مواد محرره كتابياً .. غاية في الأهمية ..
فأحب أن تكون في متناول يدي .. حيث أكون ..
ولا يلازمني دائماً .. إلا هاتفي الجوال ..
فكيف أجعل تلك المواد الكتابية .. في ذاكرة هاتفي الجوال ..
واستطيع مراجعتها .. متى ما أحببت ..
دلوني لطريقة تحقق لي ذلك ..

ولكم مني ما وعدتكم .. ليس أكثر ..

**مرافئ الحنين** · 31-12-2008 22:10

هلا اخوي

وعليكم السلام ورحمه الله

اذا تبي الكلام يكون عندك بالجوال

انسخه وضعه في مفكره

ثم احفظه اكتب

اسم الملف : ......

الترميز : اختار Unicode

ثم ارسل الملف للجوال ويفتح معكـ

**قمر اللــيل** · 31-12-2008 23:10

مثل ماقالت اختي مرافي احفظ كل شي تبيه بصيغه ملف txt. مفكره

ثم ترسل اي شي تبيه عن طريق بلوتوث الي جوالك

وكان الله غفور رحيم

دمت بخير

**راعي البيرق** · 01-01-2009 23:14

مرافئ الحنين .. قمر الليل ..
بارك الله فيكم ..
جربت طريقتكم .. وكانت مية بالمية .. يعطيكم العافيه ..
بس ويوم فتحت الرسالة من الجوال ..
كانت بلغة غريبة .. لا هندية ولا صينية .. مادري وشي ..
غيرت نوع الخط .. وارسلتها مرة ثانية .. بس مانفع ..
دبروني الله لا يهينكم ..
وابي طريقة اذا كنت من جهاز مافيه ارسالية بلوتوث ..
بس عندي مدخل الشرائح .. والكيبل ...

**أبو روز** · 02-01-2009 01:21

أنا مجرب نفس الطريقه مبطي بس تطلع حروف غريبه !

**مرافئ الحنين** · 02-01-2009 11:57

الترميز : اختار Unicode

اهم شي الترميز عشان تقدر تفتحه

بالجوال

انا دايم كذا طريقتي

واذا مدخل الشرائح او الكيبل بصراحه مااعرف
ماعمري جربتها

بس افضل البلوتوث احسن << تصرف

**ريال الفسحه** · 02-01-2009 13:08

اهلا براعي البيرق

سؤال مهم .. للخبراء

ام الخبراء مابوه الا انا والشبث

ولاعندي علم بهالسالفه

**قمر اللــيل** · 02-01-2009 14:05

المشاركة الأصلية كتبت بواسطة راعي البيرق

وابي طريقة اذا كنت من جهاز مافيه ارسالية بلوتوث ..
بس عندي مدخل الشرائح .. والكيبل ...

جهاز صغير مثل الفلاش ميموري تشتريه وتحطه في احد المداخل اللي موجود بالجهاز بس اعرف لازم يتبرمج البلوتوث عشان يشتغل ويكون شغال معاك

اما الاحرف الغريبه فهذا يرجع ترميز او جوالك قديم او كمبيوترك تحديثاته قديمه مايتماشا معا جوالك

دمت بخير