يدق قلبي كل مادق جوالي
عزاه من فرقا المحبين عزالي
اسهر اليا نام المعافى وحالتي
مثل قريص الداب يالله ياوالي
من سبة اللي زلزل اركان خافقي
من غير دستور دخل فيه طوالي
صفقت بالكفين وكنيت عبرتي
وجريت من بين المحاديب موالي
هذا وانا في ما مضى خضت تجربة
تأثيرها في داخل القلب لا زالي
عانيت من وقتي وقاسيت كربته
وشربت من كاس العنا ألوان وأشكالي
وانا شبيه اللي شكا لاهب الضما
لا شاف براق ولا جاه مرسالي
في لاهب الجوزا ولا هو بغيرها
تايه غريب الدار والقيظ قتالي
أثر الغرام يخل في عقل صاحبه
ويبين عند الناس في كل الأحوالي
تلقاه في همه على الدوم منشغل
وهجوس قلبه بين راحل ونزالي
راع الهوى لا يخدعك لون مظهره
تضحك عليه أحيان من بعض الأفعالي
شفني أراجي من خذتني مودته
ويدق قلبي كل ما دق جوالي
رد مع اقتباس
المشاركة الأصلية كتبت بواسطة عبدالله الجعيثن
المفضلات