[mark=#000000]
[bor=000000]
السلام عليكم ورحمه الله وبركاته
وش اخباركم وش علومكم
سناعيس يا القرم قم صب القهوة
لعمك ابو ماجد وخالتك ام الهكي روح حائل وعجايب بنت الشايب
ابو خلوف الى متى ما تجيب المدخنه
المهم
ايه وش اخباركم وش علومكم
ابي اقولكم قصه من القصص
بطوله الاخ الي يحاتسيكم واخوكم الشبث ومتكي ورا الشمس
نبدا القصه
اتفق الثلاثي الجميل المرح اللي كل واحد يتسذب على الثاني
على رحله الى منطقه ما لا نريد الافصاح عنها لاسباب امنيه بحته>>لا يجينا شنقل يشنقلنا بددسنه
المتكي ركب الفياقرا حقته اللي هي الددسن 78 مر الناصر وشاله من قصره الطول 3ونص كيلو بعرض 3 كيلو رز تمن
المهم ومالكم بالقصيره
الناصر ركب ورا على طول
ويجيكم المتكي باعلى اعلى صوت يا ايها الفتى الدا....>>باسباب امنيه كما ذكر
ليه ما تركب قدام عندي
قال الناصر ليش شبثان هو اكبر مني لازم يجي قدام
قال بعدين لا جيناه
قال الناصر ايه اجل تبينا نسحب عليه>>خسيس
قال المتكي لا يا حما....>>عيب اقوله
المهم راح الثنيين الملحط الى اخيهم التسبير شبيثان
يدقون مقفل الجوال
ويجلسون يفرون حوالي الساعه وابو ماجد خويهم مقفل
وحبنها جاء اليأس في وجه الناصر
لكن اليأس بحد ذاته لم يجد له طريق بوجه المتكي الاشهب
المتكي يحاول الاتصال بالشبث لكن دون جدوى
وهم يدورون لقوا بنات لو يشوفهن واحد من الاعضاء كان يروح وطي
جمال سبحان من خلقهن
بجميع الالوان وهو ينسف الددسن المتكي والناصر وياخذون لهم اربع طعش منهن
صخال اجوديات
ولا كان معهم كيمرا يصورون لوحه اسمه
عجايب لبيع الخلاقيين مؤسسه عجايب لبيع الملابس الجاهزة
يا للهول الناصر بطنه يتفرقك من الجوع وكذالك المتكي
المتكي يبادر وخشمه يناقط زيت اسود >>العرق حقه غير البشر تعرفون الشمس وش تسوي
ويدورون لهم مطعم لين لقوا مطعم يحبه قلب ابو خلوف المسطل
عندهم وجبه ينقط سعبول ريتاج منه
بيتزا بالكباب عليه كاتشب بالزيتون
المهم كما قلت سابقا ان المتكي لم يحتل اليأس قلبه فاتصل على الشبث
يا للهول الشبث يرد وبعيونه الغمص
والنخرو... ما ابي احتسي
اهلا ببالمتكي
المتكي يا خوي ما توقعته منك تسحب علينا والا كل هذا نوم
الشبث لا يالله جايكم
وينكم
الناصر يصارخ وسط المطعم حنا بالمطعم الي بجنب بيتكم الجنوبي الشمال غربي
ايه يالله نازل
نزل وزرط كل الي طلبه الجوعان الناصر واخوه المتكي
يا هيه انا جوعان يقوله الناصر
الشبث والمتكي في عجله من امرهم
خلصنا كل بسرعه
وثم ذهبنا الى الددسن حقت المتكي
ويركب السواق ويفتح الباب لراكب ويركب الناصر والشبث بالمرتبه القدام
للتذكير تذكرون الناصر يوم يركب ورا
الحين ليش يركب قدام؟؟
الناصر زعلان
ويشغل المتكي ددسنه ويشغل مزعل فرحان
والشبث والناصر شغلوا شي ثاني له دخنه
ويشمون بالسيارة ويمسكون
الدائري حق الرياض ويدورن عليه لين يملون
على ما اذكر انه احد دوريات المرور حسب لهم خمس طعش لفه على الرياض
وفي هذه الاثناء الشبث يقول سالفه
يضحكون اللي بالددسن وما جاورها وتزحف الددسن من الطهبله
لا ويجيك المتكي ويقول سالفه الدسن بس هي واللي بصطه يضحكون
ويجيكم الناصر ويقول سالفه ما يضحك الا هو والشبث يضحك على طريقت ضحكه بس مو للسالفه
ليش هذا الوضع الغير طبيعي
المهم ويبدون يقطعون ببعض الاعضاء
كل واحد بدوره
اسمع شماته اسمع تقطيع
هذا العضو يوم قلتله انت وردة قال لا انا مليان شوك
ويرفع قضيه على الثاني
ووحدة استغر الله اللي تدور زرار القميص
لا تقولون لا ماهو موجود بلا والجميع يصفق له
المهم وست ساعات من الدوران على مدينه الرياض
اهم الاحداث ::
الشبث والناصر لجاء التفتيش يتغيبون بالحوض مع الصخال
الناصر لبس بدله حقته يوم يسير على الشبث
ما غيره من اذيك الساعه وشماغ زهري مقلم باسود
الشبث لبس ثوبقصير وسروال اصفر مكبوب عليه حبر ازرق
اما الاخ المتكي فكان لبس ثوب مشقوق بنفسجي ومرقعه بابيض>>يشجع الوطني وشماغ كله اسود
الددسن مثما يعرف الكثير مكم انها موديل 78 لونها احمر مخطط باسود وابيض وش اخضر بس وشو
الاخضر ما اظن انه لون اظن انه من الصخال
خيالي الواسع >>اخس صار تبع فيض المشاعر
لا يوجد بالسالفه الا عجايب
لقيت اذاك اليوم محل اسموه عجايب للملابس النسائيه
لا يصير تبعتس
دمتم بخير
[/bor]
[/mark]
رد مع اقتباس
المفضلات