عليكم السلام
في يوم من الايام كنت جالسه ومن ضيقت الخلق رحت لامي
يمااااااااااااااااااااااااااااه ياقلبي انتي <<للمصالح عنوان
قالت امي وش عندتس اكيد تبين شي <<عارفتن ياحبي له
ابي السوق
قالت وش تبين بوه قلت يمه تكفين ابي وابي ...
اهم شي وافقت ياحبي لها ماتقول شي
ورحنا للسوق انا وامي واختي
ويوم نزلنا بدينا رحلة التسوق
مايحتاج...والله من الفراره اللي ماله سنع
وامي تدخل مكان وحنا وراه اللي يشوفنا يقول بودي قاردات
هذي يبيلها وقفه!!!يعني دببه انتي واختك
ومن محل لمحل وندور
وانواع التفحيط بالمحلات
واختي كل شوي واطيه طرف عبايتي ونتهاوش انا وياه
ويجي دوري واجلس على عبايته <<انتقمت شر انتقام
وانواع القرص ماتسمعون الا الصراخ
و امي عصبت علينا تقوول الغلطان اللي يوديكم مره ثانيه
المهم المهمات
تعرفون الزحمه في الاعياد
كانت امي قدامي واختي وراي ومحسوبتكم في النص
ومن كثر الزحمه
حسيت بوحده لصقت فيني طبعا قلت هذي اختي
وعادي مشيت ويوم التفت الا والله اختي ماهي وراي
يمه بسم الله على انفضخ قلبي
طلعت وحده فاتحه شنطتي وانا ماحسيت
ويل قلبي بس
وادور اختي
تقول وين رحتي الله يقلعتس
قلت اسكتي حراميه فتحت شنطتي
قالت احسن علشان ماتروحين وتتركينن
ونتفت شوشته شر نتفه علشان تحترمن وتخاف علي
بس هالحراميه الشهاده لله امينه ماسرقت شي
تدرون ليش ؟؟
لان مافيها الا كم علك ومناديل
تلقونه رحمتن
وقالت يحووووول والله ماينسرق منه شي
بغت تحط بشنطتي ريال الا شوي
^
^
ليه ريال ينحط بالشنطه!!! او مهو فيد الفسحه
وانا حلفت عليه قلت يابنت الحلال مايحتاج الحمدالله مستوره 
و مادرت الحراميه انه من تدبيري
لاني قايله لامي بخلي جوالي بالبيت اخاف ينسرق
وفلوسي خليتهن مع امي
وياليتكم شايفنه والله انه لابسه عبايه على الكتف
وبكامل زينته علشان تبعد الشبهه عن نفسه
الله يعافيه ولايبلانا
تنبيـــه
دعاء دخول السوق
لا اله الا الله وحده لاشريك له ,له الملك وله الحمد يحيي ويميت وهو حي لايموت بيده الخير وهو على كل شيء قدير
دمتم بود,,
رد مع اقتباس
المشاركة الأصلية كتبت بواسطة &^^مهــــا^^&
المفضلات