السلام عليكم ورحمة الله وبركاته
يقول الشاعر ..
البارحة ياحسين مركاي كوعي = من العشا لين أذن الفجر ياحسين
بحسبة بسيطة ..
نجد أن شاعرنا ... جلس من بعد العشاء إلى أذان الفجر وهو مرتكي على كوعه .. ولو فرضنا انه هذه القصيدة قيلت في فصل الشتاء ..
فاذان العشاء الساعة 6 وثلث ... وأذان الفجر الساعة 5 وثلث .. يعني 11 ساعة ... اممممم !!
يعني شاعرنا يحتاج إلى كوع قطره ... 15 انش علشان يتحمل التمركي عليه من العشاء لين أذان الفجر ..
ما علينا <<<< اخلص شعندك !!
ياربع ... الفقر ...
وما أدااك ما الفقر ؟!!
بعض الناس يقول الفقر شئ عادي .. وما يعوق الانسان عن فعل الطيب وتوجيب الرجال !!
احد الشعراء .. يقول :
المال ما طيب عفون الرجاجيل = والقلّ ما ينقص براعي المروّة !!
خير ان شاء الله
المال ما طيب عفون الرجاجيل يا الظالم ؟!!
المال خلى اللي ما يسوى .. يفتح ديوان طول وعرض ... وكومار وراجو .. يفترون بالدلة .. والقدوع خمس أنواع ...
والقل اللي يقول عنه الشاعر انه ما ينقص براعي المروة ... شق راعي المروة شقتين
بالله عليك لا جاك ضيف .. وانت بنص الشهر وجيبك مابه ربع دينار .. شتسوي ؟؟
قبل لا تعزم ... تفتش الاسماء اللي بجوالك .. منو يصلح انك تدين منه !!
وتدقق عدل خاف ان واحد منهم انت متدين منه الشهر اللي فات .. فما يصلح تدين منه الشهر هذا
شفتوا شلون المال .. له علاقة .. كبيرة .. جدا ...
صدق ابن مشعان يوم يقول :
المال يابن حنيف ملعون ابو المال = ذل العزيز وعز ناس ذليلة
للفقر ... قصص .. وغصص ...
وللفقراء ... مواقف .. تثير الضحك .. كما تثير الشفقة ..
أحد الفقراء كان جالس في أحد المساجد .. وقام احد الدعاة وقال يا اخوان عندنا شخص هندي أشهر اسلامه للتو وهو فقير فتبرعوا له بماتجود به انفسكم فانه مسلم جديد ..
فرد صاحبنا الفقير من الغيظ .. وقال :
يبا ... أنا مسلم قديم وما احد اعطاني شئ .. بس المسلم الجديد تعطونه ؟!
واحد من الربوع ... كان عنده غنيمات يترزق الله بهن .. يبيع ويشري وحالته ضعيفة شوي ..
باع له مرة طلي على رجال ..
ويوم اخذ شوي .. الا الرجال مرجع الطلي على صاحبنا ويقوله : ياخي انت معطيني طلي أعور !!
رد عليه صاحبنا الفقير .. (بغيظ أيضا ) وقال :
يخوي أنا معطيك اياه تاكله والا تطلعله ليسن (رخصة قيادة)
واحد من الفقراء .. راح للدكتور يشتكي من بطنه .. وقال يادكتور ما انام الليل من وجع بطني ..
بعد ما فحص عليه الدكتور قاله .. عندك مشاكل وسوء هضم أنصحك لا تاكل لحم حاشي او لحم غزلان ..
رد عليه صاحبنا الفقير وقال .. يبا أنا ما ني لاقي آكل لحم حــمــار (أجلكم الله) علشان تقولي لحم حاشي وغزلان
واحد ثاني من الربع .. ركبه يوجعنه .. وبيته بيت عربي على قد الحال ..
راح للطبيب وشكا له .. قاله الطبيب لا تصعد الدرج بكثرة وريح رجولك .. ونام بالدور الارضي
رد عليه صاحبنا .. وقال له انا خبري بالدرج من أيام الدراسة
للفقراء نوادر .. ومواقف .. قد تثير الضحك .. خارجيا .. وكلنها تثير الحزن داخليا ..
وسبحان مقسم الارزاق ..
وحتى لا يفهم أحد إني من الاغنياء ..
فأقول :
لاني ولد تاجر ولاني ولد شيخ = أنا فقير وراس مالي معاشي
دمتم .. أغنياء ..
رد مع اقتباس
المشاركة الأصلية كتبت بواسطة منصور الغايب
المفضلات