تحيا مــصر ،،،، تحيا الامة العربية

**شامان** · 24-12-2008 00:09

مرحبا يا شباب

تحيا مصر ،،، تحيا الامة العربية

شعار الثورة المصرية أطلقه واحد من عيال عمي لكن وين يا حظي

اطلق هذه الصيحات من داخل مستشفى الجهرااااء ووين بعد من داخل غرفة العملياااات

السالفة يا اخوان وما فيهاااا ان ولد العم عنده موعد عملية ازالة مراره يوم الاحد

الاكيد انه يوم دخل غرفة العمليات وخدروووه وسووا العملية

يقول قعدت يوم قاموا يبون يشيلونني من سرير لي سرير اخر داخل غرفة العمليات

يقول اتذكر قمت وشفت ثنين قدامي ،،، وقلت كلام وكنت رافع يدي

لكن وش قلت وليش رافع يدي هذا الشي عرفته من زيارة الدكتور بعد العملية

يوم صحيت ،، الدكتور يقوله شلونك وشلون مصر معاك وانا مدري وش السالفة

يقول اثريني يوم حطيت عيوني بعيون الاثنين اللي داخل غرفة العمليات

اللي واحد منهم دكتور التخدير يقولون : اني رفعت قبضة يدي وقلت تحيااا مصر

تحيا الامة العربية <--- انت شكو يا عسكري بهالسوالف

يقول انا علمي بنفسي يوم قال دكتور التخدير تشهد بس ؟

يقول الظاهر اني حلمت بحرب 6 اكتوبر .... تحياااا مصر .... تحيا الامة العربية

انت وين ومصر وين .

يا جماعه الظاهر اللي يتم تخديره كل واحد يسافر بتفكيرة بله ديرة .

اذكر يقولون انهم قالوا حق واحد من الشيبان عد للعشرة يقولون عد وصل 1000

كل هذا بسبة انه مدمن قهوه <--- والعهده على وكالة يقولون

**الشبث** · 24-12-2008 00:27

[align=center]
شامان

اجل انا ابقول تحيا رفحاء .. تحيا الحدود الشماليه ههههههههههههه

سلملي على هالمخدر هههههههههههه

لاهنت يالذيب

وتقلد تحيتي
[/align]

**ابو ضاري** · 24-12-2008 00:44

ولا تهون لينه ياشبيثان .....شامان

هذا وهو مخدر ههههههههههههههههه

اجل متحمس للمظاهرات

**شام** · 24-12-2008 00:51

أنا مابدي اقول شي
لأن عند التخدير قالوا لي عدي من 1-10
لا أذكر أني قلت -1- بتاتاً
ههههههههههههه
شكراً شامانو
الله يعافي ابن عمك و يشفيه يارب ..

**لوليتا** · 24-12-2008 01:43

*
*

هههههههههههههههه

لما شفت الاهداءات قلت وش صاير بمصر وانا ما اعرف

هههههههههههههه

يحيا ابن عمك وتحيا الوحدة العربية

لا يكون راعى سياسة وصاير زعيم من وراكوا

هههههههههههههه

يالله على تخاريف البنج فكرتنى باخوى

يوم قام من البنج كانه طالع من خناقة وشوى وكان يضرب الدكتور

هههههههههههههه

ربما يتم شفا ابن عمك على خير

وشكرااا على السالفة الحلوة

تسلم شامان

*
*

**يـــوسف** · 24-12-2008 01:53

نوعيتن طيبة هههههههههههههههههههه

الله يشفي ولد عمك وشكله قومي متأثر بحزب الربع

ياخي بنجهم زين ابرك من اللي عندنا

الواحد تنكسر يده كسر مضاعف وقوم عليهم بنص العملية ويغمى عليه يومشاف العظم طالع

لاهنت ياشامان .

توسد إحترامي

**حمـود** · 24-12-2008 02:14

هههههههههههههه

تحيا عقده تحيا بلادنا العربيه (عقده من اجمل مدن العالم )

شامان

خويك من المتوقع انه مكثر اكل كشري وطعميه ومن هالسوالف

**روح حايل** · 24-12-2008 03:15

^

اجل بعقده هههههههههههههههههههههههههههه

اجل خروفكم اللي تطامرون وراه بعقده ياهم ملالي

شامان اشوى ولد عمك ما فلق احد

ولا تسان هم سوولوه حرب داحس والغبرا

سالفه قصيره عجيبه

**ماجد** · 24-12-2008 08:40

شامان انت متأكد انه دكتور تخدير
اخاف انه من شلة بوب مارلي

الحمدلله على سلامة ولد عمك

**غالب** · 24-12-2008 13:49

ههههههههههههههههههههههههههههههههههههههه
ياطيب ولد عمك
مار يهذري بالأمه العربيه
<<سامعه واحد يهذري بالددسن<<<

مبروك أول موضوع ماهو ملطوووش