[poem=font="Arial,7,black,bold,italic" bkcolor="transparent" bkimage="http://www.shmmr.net/vb/mwaextraedit2/backgrounds/24.gif" border="none,4," type=1 line=0 align=center use=ex num="0,black""]
لا والله الا قرب الشوف ياحميد=شوفي قصر ياقرم والله يعيني
ماميز الازوال شكله بتحديد=وماميز المقفين من المقبليني
الله على اللي يامشى يقطع البيد=ياكن امن الطرق له طارديني
فكسار كنه يامشى شرد الصيد=يجلي وشيمه هم قلب(ن)حزيني
نبي مع الديان ناخذ تماهيد=اما لشمالي نجد ولا يميني
ياحلو يامنه تهزع مع الريد=في وسط سوح(ن)ريح نبته تجيني
معي الذي شرواك غوش صناديد=اللي علوم الطيب له كاسبيني
مثل عشيرالضيف سليمان ابن عيد=او ناصر ابن فهيد ذرب اليميني
وسعيد ابوحسين قرم الاواليد=ودحل ظويهر امخادن الطيبيني
اولافي ابن مطير ماعنه تصاديد=عز الرفيق في عجاف السنيني
وبشير العقله وبريت وعبيد=عبيد ذايد لا طم العايليني
بريت ابن مضحي كعام المعانيد=وبشير العقله حطه يميني
وخليف ابن نايف ونعمين وازيد=ولطيف عبكي مدهل الغانميني
معهم قضينا سنين ياكنهن عيد=مخوة(ن) ماتنسي ياضنيني
مافيهم اللي داس درب المناقيد=ولا فيهم اللي رافق الخايبيني
شبوا على الناموس نسل الاجاويد=وشابوا على الطولات وله طايليني
من عاش معهم مايجيله تناكيد=لاضايقن صدره ولاهو بحزيني
وياما خوينا مثلهم من الاواليد=لاشك يصعب حصرهم بالايديني
صلاة ربي عد ماجدوا الغيد=على محمد قدوة المسلميني
[/poem]
رد مع اقتباس
المشاركة الأصلية كتبت بواسطة ((عبدالله بن غيث))
المفضلات