حتى الفرايس صار عنده فراسة >> طازج

**زاهي** · 14-12-2008 23:01

عز الله إن الوقت غر الكثيرين
لكن رجيح العقل بالعقل قاسه

تحت التراب هناك ناس(ن) عزيزين
ماظنتي فوق البسيطه مقاسه

دار الرحا وإختل وزن الموازين
وتبدل مسمى الشجاعه سياسه

إليا سكت عاقل يقولون:مسكين
وإليا حكى كل(ن) يصدصد براسه

وقت(ن) به الكاذب زعيم الدواوين
ولا الصدوق الوقت ياحسين حاسه

القرم يشكي قلة المال والدين
والنذل لجل المال ينحب راســه

خليل:ياليته حصانة قوانين
حتى الفرايس صار عنده فراسـه

قصير خليوي النماصي

**ريم شمر** · 14-12-2008 23:14

يسلم القايل والناقل ....لاهنت اخوي زاهي

**زاهي** · 15-12-2008 14:51

ريم

مرورك انار متصفحي

دمتي بود

**((عبدالله بن غيث))** · 15-12-2008 23:12

بارك الله فيك وصح ألسان الشاعر ..!

لك كل الشكر أخ زاهي ..!

**زاهي** · 16-12-2008 10:35

ابو غيث

يعطيك العافية على المرور الحلو

وصح بدنك

**رشيد الهديرس** · 17-12-2008 13:52

صح السانك قصيده جزله

**الحيمري** · 13-01-2009 23:50

القرم يشكي قلة المال والدين
والنذل لجل المال ينحب راســه

خليل:ياليته حصانة قوانين
حتى الفرايس صار عنده فراسـه

زاهي

والله تسلم عافاك وكافاك السلامه والخير

**زاهي** · 14-01-2009 00:28

ابو ياسر الهديرس

يعطيك العافية على المرور

والمعذرة عل تأخر الرد لي مدة منقطع عن العالم

**زاهي** · 14-01-2009 00:31

الحيمري

يعطيك العافية على هالمرور الحلو

والقصيدة لأخوي الاصغر لكن عجبتن بالحيل وقلت أتحفكم به

**السنعوووسيه** · 18-01-2009 15:04

القرم يشكي قلة المال والدين
والنذل لجل المال ينحب راســه

مبدع مبدع
وااااااااااااااااااااااقع لا محاله

صح لساااااااانه وبيض الله وجهه

وتسلم يدك على روعة النقل

عاطر ودي