السلام عليكم ورحمة الله وبركاته ..
كل عآم وانتم بووووخير يالربع
تصدقون ماطريتو علي بالأجازه والله هذا الصحيح
بس اني تهيضت ودورت نت ودورت وبغيت أنخطف بس انسرق مني خمس طعش ريال
وللحين حرته بقلبي والله قهر لاراح منك ريال وجاي من عرق جبينك
<_ يجمع من قبل 10 سنين يبي يشتري بوفية
المهم يالربع هذي سالفة بعض ناس راحو لمصر هكالسنة
أبختصر عليكم السالفة ولاني قايل لكم كل اللي صار
المهم هذا واحد أصر ونشب لأخوياه الا يغديهم كشري على وصف خويه مصري بالسعوديه
وهم يعييون أخوياه يروحون معه وراح لحاله الشكوى لله
يوم نزل من العمارة الا كنه زفة زواج قدامه وهو يقوم قدامهم ينقز على رجل وماسكن له عصىا مسوي رقيص
تقل عصعص إيه
يوم خلص وهو يروح على الوصف ومسوي سياحة عيا يروح بتكسي راح مشي
ماأنتبه الا الله العالم أنه قاطع له 50 كيلو وكله بحي واحد يدور مسوي يدل
آخر شي ركب تكسي وراح ويوم أقبل على الشقة تخبرون حول النيل قال وقف هنا يامعلم
وعيىا يوقف السواق زحمة وبنص الشارع
وهو يتهيض خوينا ويطري عليه مصطفى أدريس
وهو يقول للسواق الله مالك ماتوئف ياأبني وهو يصفق السواق مع علابيه
وهي تصير داحس والغبراء بالتكسي أعوذ بالله يقولون طلع ريش مع الدرايش
المهم أن خوينا الله يستر عليه نزل ونص شعره بالسيارة منتف
وهو يوقف فوق الرصيف يشتم السواق وهو ينزل السواق ويركض عليه .
وبيني وبينكم وعلى الوصف ان السواق يده تقول بلكه
وهو ينحاش خوينا ركض وهو يركض طرآ عليه الكشري بالسياره وهو يديور على سرعه وينطح السواق وجه بوجه ومن الخرعه نقز من فوقه يبي الحياة
وهو يآخذ الكشري وليته ماخذآه وهو يصيح سواق التكسي حرآمي حرآمي خوينا وقف وقام يتفلت ...
جته أمة لا إلة إلا الله تركض من يمين ويسار وخوينا طلعت له اربعين رجل من الخرعه
![Smile](images/smilies/smile.gif)
اللي يركض ومدخل يده بمخباة يبي يطلع سكين
واللي طلع من محل جزآر معه ساطورهـ
واللي يركض ومن كثر ماهو متحمس ومسرع تحس رجليه موقفه ماتتحرك
ولايشوف بين عيونه الا سيارة أبوه الددسن وسعابيل أخوهـ الصغير
وركض وركض وركض وركض <_ بس خلاص
طبعا كل مايطوف ناس واقفين يلتفت يلقاهم وراه يركضون انتبهو انه حرآمي والعالم تصيح حرامي حرآمي
إلا فيه وحده يالربع وقسمن بالله على الوصف زي زكية زكريا
وهي تفتح يدينه يمين ويسار وهو ينقز ويصفقه برجله على الخشم وهي تطيح بكشكه
الحياة حلوه يالربع حسووووووووووووو لعنبو عدوكم بطعم الحياة
ومن رداة الحظ يوم أقبل على الشقه ويبي يدخل وهي تزلق رجله وتطبع خشته علامة الجوده
على زاوية الباب
بس خويكم ذيب ماأغمى عليه يبي ياصل للشقه وركض ودخل الحمدلله
إلا خويهم مسوي خاش جو يطالع للنيل مع الشباك ومشغل عبدالحليم يعني مصري هههههههه
وهو يجي خوينا المنحاش ويطلع الا العالم تصيح دخل هنا دخل هنا وين البوليس
وهو ينقهر ويشيل الأباجورة ويقطه عليهم من الدور الرابع
وماخلى شي بالشقه الا وقطه عليهم آخر شي بغىا يقط خويه اللي خاش جو بس ذل عليه نتفه
والحمدلله جت الشرطة وأنتهت السالفة لأن مافيه حرآمي أصلا وتوسطت صاحبة العمارة طلعو العيال يعرفونه وكل مايروحون يبي يسبحون بالنيل يستاجرون عنده
![كاشِر](images/smilies/d.gif)
ـ
لعنبوها ماأطيبه تسانه راعية فزعات دفعت كفالة لخوينا بالعربي
وآسف على الأطاله
توسدو إحترامي
المفضلات