ياعرب
ياخيواتي ياخيواني
عيدكم مبارك ؟
ياعساه دوووم
اما انا
ياعيد المعوقين
المعوقين والله ماهم ذي الاحتياجات الخاصه
تبا لمن قال عنهم معوقين والله
المعوقين هالشيبااااااااااااان
يابري حاااااالي تكفون ياعرب
اعلمكم وش العلم
يوم اقبل العيد
وانا ازبن على ابوي
تكفى يايبه
العيد جا .. نبي مخيم .. ونبي علوم غانمه
نبي عند غنمنا
مو مثل كل مره عند ابل عمي
نبي نسوي سلطنه وقياده لحالنا نبي الجماعه تنصانا من بعيد وقريب
قال ابوي
ابشري ياعججب بالمخيم اللي يتميز عن العربان كلهاااااا
وهو صاادز والله وعند كلمته .. مميز مميز ماهو حتسي
واحب خشيمه وانام قريرة العين
ويوم جا العيد قال ابوي ثاني يوم الغدا عندنا بمخيمنا
مخيم عجايب واللي يبي يجيب خيمته>> قمة الوناسه فرحتين
وانا انذخ يااعرب من كثر نذختي ماعاد ادخل مع البيبان
ومن اصبحتي يوم العيد وانا اعايد العرب واعزم بكره بالمخيم
لا واحلف و أطلق .. و احب خشوم العرب الا يجون ولا يبقى احد
ويوم اشرق صبح اليوم الثاني
ياشرقت الغبن
واغبش من بدرررري للمخيم لأستقبل العرب
الا هذا مخيم مدري من
وااااااااعععع يافشاتي وش حاططططين امممحق
وهذا مدري منهو له
الا اراعي الا هذي سلوى
ع فكره سلوى اكرمكم الله
تســـلبة ابوي حقت الغنم
تجري تجري
تودينا للمخيم
ياعرب
وهو يغيب بي ولا عاد اشووف شيء وتنعدم الرؤيا عندي
من شين والله شفته
ياعرب
نذر لو تقولون مخيم لاجئين عراقيه ... بيصدرونهم لقوانتانامو ماهو كذب
خيمه شهبه لهبه .. واحد من ذريانها بني والباقي بيج >> لا اله الا الله حكم القوي
وبيت شعر >> احسن الحصيل
وخيمه ثاننيه براسها فتحات اكتنها للمسدسات
والحمام ( شجر ربي )
انا ماقهرني الا يوم دخلتها
فيها بساااط سدووو وشعبيه
يعني خيمه عسكريه وفرشتها شعبيه ياااسلااام
ساعتها بغيت اغوول روحي لأني مااقدر اغوول ابوي الله يحفظه
وقمت الطم ..هذا وشوووو يايبه
من وين جبتها
اثاري الشايب الله يطول عمره مازال محتفظ بخيامه بالعسكريه يوم حرب الخليج
تذكرون حرب الخليج
اللي ماتوا قوادها ..
قولوا لا اله الا الله بسسسس
ويلوموني ...
سأوافيكم ببعض الصور قريباً بمووضع مستقبل بعنوان مخيم الاجئين
طحياتي ..........,,
رد مع اقتباس
..
المفضلات