كل عام وانتم بخير جميع يا اخواني
فترة هالعيد مشكله لنا بصراحه
نعاني منه بهالمنتدى وبكل منتديات النت
تخبرون اللي مشغول بالسوق واللي مشغول بسفر واللي واللي
الله لا يشغلنا الا بطاعته
عاد انا حصل لي موقف صعب حيل
وللحين يقرقر بصدري
تصدقون مافصلت ثوب عيد !!
كنت رايح للخياط
وافكر بكم وبهم وبنا
تخيلت يوسف رايحن للخياط ويقوسوه
يااربي يالذرابه
ياااربي يالشياكه
تلقاوه يتمغط عند ابو يمن
عاد ماشاء الله عليه يوسف يدوه طولي
ومر على خيالي ريال فسحه
بس مدري ليش هالريال احسوه ما يفصل بيومن حلو
مالوه صديق من معشر بنو خياط
يقوسوه الخياط وقبل يخلص يتهاوش معوه على شي تافه
ومر ابو غازي ابن جعيثن على بالي
تخيلتوه على جمس قديم شايلن العايله
ورازن ولدوه غازي بجنبوه ( يعني ذراعوه الايمن )
ويدخل السوق من المغرب ولا يطلع الا الساعه 12 بالليل
يالله ينقل الاكياس
واكيد ابو طروق وولدوه طروق على البال وما ينسي
يتهاوش هو وطروق
يبي يفصل لوه ثوب
وطروق مصمم على فانيلة الهلال ورقم ياسر
ومرت عطر القصيد على بالي قبل العيد بثلاث ايام معسكره بالسوق
تروح فاضيه وترجع محملتن اشكال والوان
وعجايب
ماخلت بالسوق شي الا شرتوه
هذي تنورة العيد الاول
وهذي للعيد الثاني
والثالث لوه نصيب
وهذا حالنا
دخلت الاسواق مثلكم كلكم
وشفت الشراهه يااااربي استر
كل محل ملياااان بشر
مافيه محل فاضي
ابو هنود وبنقلا انواع الهيصه
وقربت للخياط
وبغيت اطيح بعتبت الباب
نزلت راسي وانا اتخيل شي
يا نااااس تكفون لا تفصلون ثيااااااااب
وانا اتخيلكم
تخيلتهم معكم
تخيلت ناس ما يفكرون بالثياب والملابس
ولا يفكرون بأول عيد وثاني عيد
ولا يفكرون بشي
ناس ما يفرحون اذا جاء العيد
ينقهرون اذا جاء العيد
الناس من حولهم تفرح وهم ... لا
ناس اذا طلعنا للسوق راحوا يدورون ببراميل الزباله ( الله يعزم ) يبون لقمة عيش
ناس نسيناهم بهمهم والمهم وحاجتهم لنا
( يقول الرسول عليه الصلاة والسلام : مثل المسلمين في توادهم وتراحمهم كمثل الجسد
الواحد اذا اشتكى منه عضو تداعى له باقي الجسد بالسهر والحمى )
او كما قال عليه الصلاة والسلام
لاتسرفوا
ولا تنسوا اخوانكم المحتاجين
وتقلدوا تحيتي
رد مع اقتباس
المفضلات