عيد سعيد والنشاط يزيد
[mark=#000000]
[bor=000000]
السلام عليكم ورحمة الله وبركاته
الموضوع جلست عليه ساعتيين وربع الا دقيقتيين
وانا افكر بعنوان القصه
كما موضح بالصورة
اخوكم بالله
قام مع المسلميين مع اذان الفجر
ليعلن يوم غير ايام السنه السعيدة
وهو يوم ذبح الضحايا
يوم قتل الحيوان الاليف وهو خروف يخوف
انهُ يوم عيد الاضحى المبارك
المهم وهو يقوم يصلي صلاة الفجر >>اكيد مو الظهر
ويرجع للبيت ويلبس الهدوم حقات العيد
الثوب لوه سنتيين والشماغ لا جديد حق عيد الاضحى العام
لبس وصليت وانا بالصلاة دق علي عاطف
تعرفونه
اكيد لا
هذا مصري يبي يعاونن انا وابو ناصر الاول
لان ابو ناصر الاول ظهرة ماش
المهم خلصت الصلاة ولا كملت الخطبه العيد
المهم رحنا لعقده ستي
لكي نذبح الذبيحه
او مثل ما يقول ناصر
نقشره ونمصع رقبته
المهم سمتهن الوالده وذبحنا الاول \
بسلام وامان
الثاني رحت امسكه انا وناصر وعاطف
وناصر اكيد ما يمسك يتابع ويوجه
ونسحبه وهو تطق رجله وانا اشوفه الا انكسرت
احول
وهو يقول ابو ناصر الاول له حناق
ومن الخرعه قمز النجدي من فوق الشبك
يعني واحد هارب والثاني مكسور
المهم وادق على شيخ دين مو سربته مثلي
ويقول اذا انكسر بعد ما سميتوهن ما يخالف
المهم واخذ السكين واذبحه بهذه الاثناء ناصر وابو ناصر الاول
وعاطف يلحقون الملوي
المهم ذتسيتوه وانا من الحماس علشان امسكه ذتسيتوه وانا اقص الرقبه كله
واركض لمهم وانا معي الراس
ما دريت الا ناصر يقول الخلوف لاثوه معك >>الترجمه الخروف راسه معك
وانا اناظر يديني الا والله الراس معي
وانا اجدعه والحقه
على رجليني
وناصر يدعي يقول ابي الحقك بسيكلي
ومن مزرعه الى مرزعه
ذكرتن بايام الالمبياد بقفز الحواجز
وانا اقفز الشبوك من شبك الى شبك وعاطف يبي يلحقن ويبي يسوي مثلي
ما دريت الا صرخ وانا التفت الا القاه متعلق باحد الشبوك راسه تحت ورجلينه فوق
المهم ونركض وراه لنا ساعه
ما دريت الا الشايب معه صاطورة وانا انخرع قلت بس الحق خروفي
قال وانا معك قلت اجل الساطورة وشوله قال اذبح ذبايحي
المهم وهو يدعي واحد من عياله
ما دريت الا الي يجي من وراي طياره ماشاء الله عليه
ويلحقه ويمسكه هالوليده
وانا اتشكرة وقلت تقهوى عندنا قال انت اول
المهم جابوا الددسن وشالونن انا والنجدي وخوينا عاطف
بالصندوق
المهم ذبحنا الذبايح الباقيه بسلام وامان
وعقبه
نمت وانا اسلخ النيدي
ودمتم بخير
مع تحياتي
اخوكم
الشيخ دكتور طيار سيكل متقاعد سنه ربيع الدمنه (سابقاً)
حاليا الشيخ دكتور سلحفاة
بعد الخروف
[/bor]
[/mark]
رد مع اقتباس
المشاركة الأصلية كتبت بواسطة سناعيسو
المفضلات