موضة لبس الشمــاغ عند البنااااات
بالأمس مريت سوق عندنا اسمه ( الوافي ) طبعا بالجهراء
، ، والله العظيم يا كانك تقول تفتر بثانوية عيال
... عاد الله يا الاشكال والقصات ....
والشباب والبنات طايحين بموضة جديده طايحه فيها مطربات غربيات
ونجوم الفن والكورة الغرب ألا وهي وضع الشماغ على الرقبة
تعال عاد شوف عيالنا وبناتنا لا طاحوا بمثل هالموضه ،
انا بعرف انت يا ولد الشماغ تلبسه فوق راسك
مهو رابطه على رقبتك ، لو انت بالبر ما يخالف ،
لا والبنات عاد لابسات عباية ولافه شماغ على رقبتها
يعني كشخه اللهم يا كافي ، حتى لو كانت موضة
يعني مهو معقولة تونا نكتشف ان اهلنا
يلبسون شمغ ، صج انها قديمة بالنسبة للحريم الكبار
بس الجيل الصاعد ما عمرهم البناااات شافوا شمغ
عند أهاليهم .
يا زين سوق ( الجوهرة ) بالجهراء والله سوق راقي وهادي
وتقول داخل مدرسة محو امية نسائية
كلها حريم الا كم واحد يا شفتهم صرنا تقول سواويق
ننتظر بنات المدرسة يطلعن علشان ناخذهن للبيت .
بحطلكم نموذج من موضة الغرب الجديدة
والناس علبالهم موضة وهذا شماغنا العادي
بس خذا الوان جديدة :
يا الربع مع احترامي لعشاق هذه الموضة
لكن اللي انا شفت بالسوق صراحه بعض الناس لابس الشماغ
صاير تقول مريااااع
تقبلوا شخابيطي
ملاحطة \\ هذا الموضوع كان لتحريك سوق مواضيع الفلّه
نظرا للأزمة الفلاوية اللي نمر فيها بأيام العيد المباركة
وكل عام وانتوا بخير وعيدكم مبارك
رد مع اقتباس
المشاركة الأصلية كتبت بواسطة أبوطروق
المفضلات