اقول الله من ضيقة الصدر بتكساس.....وراعي هالديار مايرتاح هناك ...لو حاول...والسنه عنده تقل قرن!!!!!
اقول......... :
عديت في راس الطويله بتكساس ****** لو ان ما به بالولايات مرقا
برج طويل مانزل فيه قرناس ****** بس ازغر العينين والبنت طرقا
وهيضت في راسه ثمانين هوجاس ****** وجاوبت في جر المواويل ورقا
وزاد العنا من يوم شميت نسناس ****** نسناس دار بالتواصيف شرقا
لا واهني من سند (الخر)* عسا ****** عساس ربعه والمواعيد برقا
بفروع (جدلا)* فوق من رجم قرناس ****** يوم بعض الناس بالنوم غرقا
ياطير ياللي تو ذبيت الامواس ****** بك ريش غرنوق وبك ريش حرقا
خل الهداد وخذ على الربع مرواس ****** انت الذي فوق المحيطات ترقا
وبلغ تحياتي على عصابة الراس ****** ربعي هل الطولات مافيه درقا
عطهم علوم صادقه من طرف (واس)* ****** انا بخير ولاش غربه وفرقا
لاباس لو هرمس بنا البعد لاباس ****** لاباس لو انه على الكبد عرقا
ما دامني وان عدت كساب نوماس ****** ابجدع النيشان ولرمح زرقا
للتوضيح فقط :
(الخر) : وادي معروف ومن اشهراودية الحدود الشماليه
(جدلا) :تقع في جنوب الخر...وهي شعيب ..او خور ...ويسمونها اهل المنطقه (خر جدلا)
(رجم قرناس)بين فرعي (خر جدلا وخر مسعود)
(واس) : وكالة الانباء السعوديه.....وهذا اختصارها المعروف
وســـــــلامـــــتــــــكـــــــم ,,,,,,,
رد مع اقتباس
المفضلات