حضر الشاعر الكبير عبدالعزيز بن سلمان بن فراج السبيعي بحفل المخيدش وقال القصيده يمدح بها قبيلة شمر وبالأخص المخيدش
أنا والشعـر تربطنـا مـوده = وإليا بيحت سدي بـاح سـده
أقوله واعتني به وافتخـر بـه = ولا وقفت بموقف غيـر قـده
أحبكه حبك من معنى وفكـره = وأهول مبعد النظـره وأشـده
وإليا منه نشدني وش طموحي = طموحي يوم أجي شمر وأعده
زحازيح تشرف مـن مدحهـا = لهم عن غيرهم عشرين شـده
مغازيهم من إثقـال المغـازي = وطرايحهم تعيش الطير مـده
وقلايعهم من خيـار القلايـع = وسلطتهم على كبـار الأشـده
يردون الحفيف إن كبر جـوره = مثل وصف النمور المستعـده
معاديهـم حفيـده يرتعبـهـم = يعرف افعولهم من حكي جـده
وعرفوا في سناعيس وطنايـا = وكلٍ واصـلٍ بالطيـب حـده
واحدهم لا جت الطنيه براسـه = ماتستبعد طويـق إنـه يهـده
تساوقهم سعاطيـر الرجولـه = وكثر الطيب فيهـم مـا نعـده
عطاياهم بحـر وإذا تقصـوا = وش البحر الأحمر جزره ومده
لهم تاريخ أبيـض كالسحابـه = من أقصى حايل ليا بحر جـده
وبعد جينا على حفل (المخيدش) = لابد الشعـر يدفعنـي لابـده
شيوخٍ قسمهم بالطيب واضـح = وباب المدح عنهم مـن يسـده
وإليا جت (المعايا)بالعـزاوي = معاديهم توطـوا فـوق خـده
صواريم ربت بأرض الجزيره = وشاهدهـم بسـاط المجرهـده
وإليا ركبوا على بنـت العبيـه = محاربهـم تجافيـه المـخـده
تحلـوا بالشجاعـه والمكـارم = وخف النفس والحيـل المعـده
واختمهـا بذكـر الله واوقّـف = ولا أوقف بموقفٍ غيـر قـده
وهذي رد على الفراج
انا والشعر مزحات وحماقهـ = ولاكن رغم هذا دست خدهـ
اجيب الشعر وبكامل نطاقهـ = اصف القاف ولابن سبيع اردهـ
تدوس اقدامهم من به زماقهـ = ومن يعاديهم الا ياسبع جدهـ
ابن فراج تمم في كلا مهـ = وانا باتم في قــــولي واعـــدهـ
وقاك الله يالحر النداوي = وعسى الايام تصفيلك مودهـ
عساك اليوم تنعم بالسعادهـ = وعسى عمرك طويلٍ مانعدهـ
وندري فيك قد اللي تقولهـ = وماتاقف بموقف غير قدهـ
ولد شيخٍ خذا بالطيب جولهـ = نسل سلمان وذويبان جدهـ
ولو اكتب عدد هل السحايب = يعجز البيت فعلك مايعدهـ
الشاعر بسام بن مفوّز المخيدش
منقول
رد مع اقتباس
المشاركة الأصلية كتبت بواسطة عبدالله الجعيثن
المفضلات