قبيلة النمصان ونسبهم

**محمد السنجار** · 29-11-2008 00:21

بسم الله الرحمن الرحيم
نسب القبيله

ينحدر نسب قبيلة النمصان الى سالم بن زميل بن محمد الحارث الشريف. وذكرهاالمؤرخ الشيخ حمد بن ابراهيم الحقيل في كتابه كنز الانساب ومجمع الاداب الطبعه (14 ) صفحه (203) بان فخذ النمصان من الزميل من سنجاره من قبيلة شمر ورئيسهم ابن لحيدان. وكذلك ذكر المؤلف الدكتور عمر رضا كحالة في كتابه معجم قبائل العرب القديمه والحديثه الجزء الثالث عند الصفحه (1193) بان عشيرة النمصان من الزميل من سنجاره من شمر الطائيه.. وورد ذكر قبيلة في العديد من كتب الانساب منها معجم قبائل المملكة للمؤرخ حمد الجاسر ومعجم قبائل الخليج في مذكرات لوريمر (دليل الخليج)..

مع تحيات اخوكم
محمد سنجاره الشمري

**ريال الفسحه** · 29-11-2008 00:25

ماهذه المهزله يا اخي انت قبل كم يوم جاي تسأل عن
سنجار اللي انت تنتمي له والان جاي تكتب عن انساب
النمصان وغيرهم

امور الاصل ومرجع القبيله ماينفع به شغل [ نسخ لصق ]
اذا مانت متأكد وتعرف الروايه من واحد ثقه لاتجيب من المنتديات
الاخرى ..

ماشاء الله منزل اكثر من ثلاث مواضيع خلال ساعتين

ماهكذا تورد الابل

**محمد السنجار** · 29-11-2008 16:41

يااخوان واخواتي تاكدوا اني استعنت من كتاب الانساب الموجود عندي في طرح هذا الموضوع..
ولاتنظروا الى الموضع كنظرة خوي ريال الفسحه باقي شوي ويضربني..

**ريال الفسحه** · 29-11-2008 17:57

امس بالبحرين واليوم بالموصل

اصبر ابجيب لي كتاب من هالكتب وابقول
ان سنجاره من عبده من شمر

الكتب نصها خرطي

مواضيعك غريبه

سلملم

**محمد السنجار** · 29-11-2008 18:42

يااخي انت لايعجبك العجب ولا الصيام في رجب..
كتب لك ان جنسيتي بحريني ماعجبك..
كتبت لك ان اصلي من الموصل وماعجبك..
ومواضعي ماهي عجبتك..
وشتبيني اساوي معك..

**محمد السنجار** · 29-11-2008 18:50

اخوي ريال الفسحه انت تقريبا من عمري ماله داعي تسوي هذه التصرفات وهذه المضايقات انا مااكتب شيئ الا ان كنت متاكد منه ومستعين بمصادر موثوقه..
اقول اترك عنك هالحركات هذه تراها ماتحرك فيني ولاشعره لانها حركات قديمه..
حياك اخوي

**ريال الفسحه** · 29-11-2008 20:20

وش ابي يعني فلوس ؟

ابقولك شي وعساك تقتنع

انت مو قبل اسبوع وشوي جيت تسال عن سنجار
وش يرجع وتسال عن اصلك ؟

شلون جاي اليوم وتقول الفلان يرجعون لكذا والنمصان
لكذا وغفيله لكذا ؟

والله عيب عييييب

بعدين مصادر ومدري كتب ليش ماعتمد اصلك منها ؟

خلن ساكت

**زاهي** · 29-11-2008 20:34

محمد سنجارة

يعطيك العافية على الموضوع

الموضوع مابه خطأ

لكن ترا الكتب أكثر اللي فيها رصف كلام وسد فراغ

ريال << خل صدرك شمالي

دمتم بود

**محمد السنجار** · 29-11-2008 20:43

تسلم اخوي زاهي وعساك على القوة والله يكثر من امثالك ومااحد فاهمني الا انت في هالمنتدى..
جزاك الله خير..
بحفظ الله يالغالي

**محمد السنجار** · 29-11-2008 20:45

اخوي ريال ادري انك ماتبي فلوس لو انك تبي فلوس كان مالقيتك على المنتدى يمكن كان لقيتك امام المسجد..
انا اعرف اصلي ومايحتاج اني الجاء للكتب..وانا اعرف العيب من الصح مايحتاج تقولي خل نصايحك لك..
حياك اخوي
بس لاتزعل..
بحفظ الله يالغالي