سناعيس الطنايا من سكن في دارهم ما خاف(الرويس العتيبي)

**الرويس العتيبي** · 28-11-2008 17:15

انا مادام الطيّب في طريقي ماعلي اخلاف
تبي تمشي الأمور بدبرة الخلاّق مضبوطه
اسنافي شمريٍ لاوقف له وقفةٍ تنشاف
تلقاها في سنام المجد محفوره ومخطوطه
علا درب المراجل واعتلى في قمة المشراف
مراجل سنها الأجداد ورث ماهي ملقوطه
سناعيس الطنايا من سكن في دارهم ما خاف
رواسي كالجبال الراسيه بالوصل مربوطه
احدهم ضيغميٍ حاتميٍ للكرم مضياف
تهون الكايده يمناه لبذل الجود مبسوطه
يقوله واحدٍ جرب مراجلهم ومنها شاف
الا يا طيب شمر فالقبايل من هكا البوطه

يستاهلون شمر
وصح لسان قايلها مطلق القدّاح العتيبي

السلام عليكم ورحمة الله وبركاته
يسعدني ويشرفني ان اكون واحد من اخوانكم في هالمنتدئ ولا عندي شي اقدر اقوله او ازيده غير القصيدة المنقولة والله اني اللسان يعجز عن الكلام
واتمنئ ان اكون عند حسن ظن الجميع

اخوكم الرويس

كل الود والاحترام

**صلفيق** · 28-11-2008 17:28

صح لسانك يالرويس

وصح لسان شاعرنا مطلق القداح العتيبي

وماعليكم زود

ياهلا ويامرحبا أخوي

وحياك الله يالغالي بين أخوانك واخواتك بالمضايف أخا عزيزا

هلابك من مشيت لياما لفيت

تحياتي لك ،،،

**سلمان النبهان** · 28-11-2008 18:16

[align=center]
تسلم وصح لسانك يالرويس وياهلا
وصح لسان الشاعر مطلق القداح العتيبي
ونعم مليون بالهيلا كبير وصغير
ويشرفنا يالغالي تواجدك بيننا وياهلا
[/align]

**ريم شمر** · 28-11-2008 18:39

هلا بك يالعتيبي في مضايف شمر

الساعه المباركه جيتك وبنتظار مشاركاتك

**غالب** · 28-11-2008 19:06

ياهلا بك
ولو الموضوع بيدي تسان ثبتته علشان هالقصيده ههههههه

**حيل حليل** · 28-11-2008 19:12

حياك الله اخوي
وتشرفنا بأنضمامك

**ابو خليف** · 28-11-2008 22:53

[align=center]

صح لسانك قبل كل شي
وياهلاااااااا والله وغلااااااااااااا

حيااااااااااك الله يا (الرويس) بين اخوانك وخواتك بمضايف شمر

وهذي السااعه المباركه الي انضميت لنا بالمضايف
فحياك ربي

لاتحرمنا من تفاعلك معنا
اما بمواضيعك او بتعقيباتك على اخوانك وخواتك
بالمضااااايف
بنتظار تفاعلك معنا
[/align]