[align=center]
السلام عليكم ورحمة الله وبركاته .
الله لايمسكم إلأ بكل خير ولا يصبحكم إلا بمثله ..
تخبرون فيه ناس فسقانه طالعن الشحم مع إذانهم
يالربع لحد يشره علي بهالفترة اللي راحت تسيف بهالدوام نسموبي وخبلوني
والله يالربع صارلي 15 يوم متواصله وأنا مداوم وحسرة علي النوم زي خلق الله
هالحين أكتب لكم وأرسل البنقالي يجيب ثوبي من المغسله ابروح عندي دورة ..
استغفر الله لاأنا مع المسلمين ولا أنا مع اليهود ولا أنا مع المسيحين مضيع حتى الله العالم أني زي إجازة البوذيين .
المهم هذي سالفتن سريع سريع
هكاليوم قالي واحد من العيال يالمقرود ابيك تنشد لي عن قرض ابي آخذ منكم وشف كم النسبه وكم يطلع علي ..
وأنا أنطنخ واحط منبه بالجوال مهتم حيل وأمحق من أهتمام
وأروح للدوام هكاليوم مسفهل ..
وخلق الله يحدوني وأركب الرصيف ولا اقول شي أتبوسم مع انه ماهي عاده لي
أول أجمع علب ماء الصحه والقواطي بجنبي وكل من حدن لخيته بله وحدهـ
يوم أذن الظهر وأنا بالدوام وأروح غزاي على قسم القروض أبي افزع للرجال <_ والله من الحظ الزين
تخبرون بعض الأقسام خليطي .
وعلى دخلتي وقسمهم هاجد وأنا أكلم جوال والقسم كله يراعي لي وأنا أنخمع بنصهم
وأراعي للعالم والله يالربع مابهم اللي قال بسم الله عليك
وأقوم وبيني وبينكم ركبتي ذبحتن بي الصيحه بس مستحي كاتمه ابي لاأبعدت ادنه خليليه
وأروح وأجلس عند لي واحدن اللهم لاشماته بوه ربو ووزنه فوق الــ130 ويدخن
لعنبووك تبي الله يرحمك وأنت هلون عملك ..
لاوبعد حاطن جل من زين الحلايا هههههههههههههههه
قلت اسمع ولد عمي يبي قرض بــ400 ألف <_مدري منين جبت هالمبلغ
وهو يراعي لي قال ياخي مستحيل قلت لا ماهو مستحيل أفزع يازلمه <_ فلسطيني الأخو اللي عندهـ
وأنا وياه قلت يعني مابدكاش تفزع لي ..قال لاوالله ياأبني شو بدي أفزع لك ياخيي أنت تطلب مبلغ خيالي قلت بكاش بدوش قلي من الآخير انك مروح وعفن
وأقفي زعلان
وهو يطري على واحد مبطي علمي بوه بس مروح بيده كل شي ..
وأروح أبي لمكتبه غزاي ..وخطوه زينه وخطوه على جنب من العرجه ركبتي توجعن والطاقيه ضيعته مدري وينه لابسن الشماغ وماسكن العقال بيدي
وأدخل على المكتب وليتن مادخلت
طلع الرجال ناقل والمكتب صاير كله بنات
وهو يقوم لهن صياح أعوذ بالله .
أنا انفضخ قلبي ولاأدري وش اعمل وأنا ادخل واصك الباب واقولهن اص اص اص لعنبوكن
ماهي باللي تبون دخلو علي حول الاربعه وهم يتلوني ويالله أعلمهم بالسالفه ويقتنعون وطردوني من قسمهم
رجعت لقسمي وأجلس على المكتب وأطلع ركبتي قالبتن خضرا ولا طلع دم ..من زين الفرش والله
ماهي مستوعبه ركبتي انه تطيح على فرش زي كذا متعودتن ياتطيح على قآر ولا رصيف
ماخذيت شوين إلا هذا المدير ومعه اثنين جايين يمي دريت أني وخذت ..
وهم يتلوني وتحقيق أعوذ بالله حسيت أني بقوانتا نامو
كله علشان دخلتي بالغلط وخير ياطير والله لو أنا داخلن على أجوديات
وهم يصكوني إنذار وخصميه وتهديد بعدم تعدي باب القسم الا للمسجد
طبعا ابي اسبق الأحداث وعلشان محد يجيني يسوي علي أيه ونص البنات اللي قلت ماهن أجوديات اللي فوق بالموضوع __> أول شي مايلبسن لبس مستور ولو ينزل عباياتهن اصرف لهن
وإذا مشن يفكن العبي وحلوها عاد
شنووووووووووووح صاحن مدري للحين <_ يمكن يوم شافن كبر خشمك تهولن
يالله تحملو هالمقس بس مبطي ماكتبت شي
يالله سلام عليكم ابروح ألحق على الدورهـ<_ مسوينه لنا بفندق يعني يغيرون جو بس الوجيه هي الوجيه ملينا
إيه وترو الرجال طلع يبي 40 ألف بس ومدري وش اعمل انكس لهم أخاف افصل
يالله لاأبطي على ابو المكارم يجلدن أنذار
توسدو إحترامي
[/align]
رد مع اقتباس
المفضلات