بـــوح شــــاعر متواضـع ...... ( الأشمل )

[عبدالمجيد الشمري]

فذق يا قلب ُ ما استيسرت همّه

وعش ألما ً على عوج المحاني

عشيقُكَ ساليا ً ما ذاق هما ً

و أنت تذوق علقمـة َ الزماني ,,

*
*
*
*
*

محبكم
عبدالمجيد الشمري
الأشمل

[عبدالمجيد الشمري]

هذه الابيات كتبتها عندما سجلت بهذه المضائف الرائعه ..

سلام صافي ما به ايّات تدليس
أصفى من الأمطار بديار حـايـل

جيت لهلي هل الطنى والسناعيس
اللي لهم يوم الحرايب فعـايـل

تعبت اعيش ابعيد خلف الكواليس
وادفن بيوت ٍ في خفوقي هوايـل

ولو ما أنكم ربعي كعام الأبـاليس
ما جيـتكم من بدّ كـل القبـايـل

*
*
*
*

محبكم
عبدالمجيد الشمري
الأشمل

[عبدالمجيد الشمري]

عن النبي صلى الله عليه وسلم قال( مايصيب المسلم من نصب ولاهم ولا

حزن ولا أذى ولاغم ,حتى الشوكة يشاكهاإلا كفر الله بها من خطاياه)

قولوا لها مابي من الحادث اخلاف
,,,,,,,, أنجاني الله في غرابه من الموت

أنا احمده تعداد ما ضايف ٍ ضاف
,,,,,,,, أو عد ما به من عمارات وبيوت

روقي..ترى الاعمار في سيف سيّاف
,,,,,,,, اليا وُمر .. جالك على وقت موقوت

ربّع خفوقك عقب الايام العجاف
,,,,,,,, وأظهر لسانك كل ماكان مكبوت

ترى الوصل قوتي وانا قوتي أصناف
,,,,,,,, طالبك انا لا تحرميني من القوت

البرد حـل ولا معي كوت والحاف
,,,,,,,, وان جيتلك بردان مدّي لي الكوت

يا ام العيون اللي خذت قلب منلاف
,,,,,,,, روفي عليّ شويّ يا نكهة التوت

لعيونك اقف ذيب في كل ميقاف
,,,,,,,, قلبي لك امن القيض والبرد تابوت

عشتي .. كذا نحيا بلا جور واجحاف
,,,,,,,, و الا نموت وما حلا طاري الموت

*
*
*
*
*
*
*

محبكم
عبدالمجيد الشمري
الأشمل

[عبدالمجيد الشمري]

هذا ( الضياع ) البرد و (الدين) جبّـــه

,,,,,,, واللي لبـس جبّــه تدفّـى من ( البررررد )

*
*
*
*
*
*
*
*

محبكم

عبدالمجيد الشمري
الأشمل

[عبدالمجيد الشمري]

اهدااااء ( لأمه ضائعه ) ..


قم ياقلم واكتب عن اعظم جريمه
لا كارثه .. لا فاجعه .. لا ظليمه

سطر يا تاريخ الهزايم بيدّي
على العرب والعٌرب اعظم هزيمه

أح أوك ياحرّاااااه يا للغبينه
أح أوك يامرّاااااه وين العزيمه ؟!

ابكي أسى يابنت وابكي رجالك
مالك عضيد ومالك اليوم قيمه

صلاح راح .. ولا تنادين بأسمه
وأنتي عظيمه لو بكيتي عظيمه

يابنت قبلك بنت راحت وباقي
يروح أخوها كان ما فش ضيمه

يادمع عيني دوك خدي وبلّه
لا تستحي ماعاد باقي حشيمه

أبشعل الخفاق وجد وحسايف
وأبنثر الترزيل رشاااااات غيمه

اغدن ياعي بي من الوجد خافق
يشفي جروح ِ في خفوقي أليمه

ياكثرنا .. كثراه .. كثراه .. كثراه
وياقلنا .. (لا بان لمع الصريمه )

لاهين و (الجوعا ) تعالى ابكاهم
و اليا تعالى راح عزه و شيمه

باكين و (الشبعا ) تسالى شفاهم
و اليا تسالوا ما عطونا غنيمه ..

حنا كذا بذخ .. و تفاهه .. و ضيعه
بالمختصر : ( أمه بليا عزيمه )

أكبر هموم الناس مع أحترامي
للحاضرين : ( أرضاء مروه وريمه )

لا تمنعون العين تذرف دموعه
مادامها تبكي عساها سليمه

حتّام ما غيرك بهالكون حتّام
يارب يامنشي عظام ِ رميمه

رجّع لنا ( الهيبه ) دعيناك يا رب
وعز الله انها في زمنا غنيمه ..!!

*
*
*
*
*
*
*


محبكم :

عبد المجيد الشمري
الأشمل

[عبدالمجيد الشمري]

ماني على المقفي كثير الحسايف

,,,,,,,, دام انه أقفى ( قلعتـه ) لا يجيني

*
*
*
*
*
*

محبكم

عبدالمجيد الشمري
الأشمل

[عبدالمجيد الشمري]

اعتزي بي يابعد حيي و أجيـــك ,,, وانتخي بي واقلب احزانك فرح

*
*
*
*


محبكم

عبدالمجيد الشمري
الأشمل

[عبدالمجيد الشمري]

الى كــل من توقع ان الشعر بحسن الاصوات والمواويـــل ..

وهي عباره عن وجهة نظر خاصـه ,,



علم هل الشيلات و أهل المواويل ..

,,,,,,,,,, ان الشعر : ما هو بصوت الحناجر ..

.
.

الشعر : ( صوت شعور ) يعجبك بالحيل ..

,,,,,,,,,, اليا استمعته في خيالك تهااااااجر

.
.

بـل اليباس بقدرتك واعدل الميـل ..

,,,,,,,,,, واترك ( امغرفة الثرى بالطناجر )

.
.

لمّـا شرى البيجر ( رهي المحاصيل )

,,,,,,,,,, كل ( الهملش ) طقموا لك بياجر ..

.
.

هيهات يا ( شقراء ) تبي تطرد الخيل ؟!

,,,,,,,,,, ردّادهـا آآآآجر وتسعييييين آآآآآآجر

.
.

سماء القصيد اليوم ذاقت غرابيل ..

,,,,,,,,,, وان شافها الشاعر .. يهل المحاجر ..

.
.

والتاجر اللي ما كسب له رجاجيل ؟؟

,,,,,,,,,, ما أشوفه بعين الهوامير تاااااجر ..

.
.

كالشمس وضحت ما يبي له تآويـل ..

,,,,,,,,,, ومن لا يوافقني ( يسن الخناجر )

*
*
*
*
*

محبكم /

عبدالمجيد الشمري
الأشمل

[عبدالمجيد الشمري]

( غززززززه )


*
*
*
*

يا كيف نسـتـنصـر وحنا امّـه :

,,,,,,,, ما تؤمن ان الله يحب أنـصـاره ؟!

ويا كيف نستـنصر وحنا أمـّه :

,,,,,,,, لا ضاق واحدنا (يفكـ ازراره )؟!

ويا كيف نستنصـر وحنا أمـّه :

,,,,,,,, هـم الرجل فينـا (عبير و ساره )؟!


غزه لـكـ الله لا تهل ادموعكـ .. صبركـ على خوفك وقمة جوعكـ
لا بد ما ياتي نـهـــار ٍ تفـرج .. و ترز راياتكـ و يـقـــفـي روعـكـ

مهما حصل .. نصركـ وصـل
لا تكسرين اضلووووعكـ ..

حتى العدو .. واللي بدو
متوقعيــــــــن ارجوعكـ ..

اقولها و دموعي ..

منها الحروف اتروعي ..

هو ليــه انا ما أبكي .. وأطلب من الله وأشكي

لحظه قبل ما أبكي ..

هذا ضميري يحكي ..

( امقصرررررين ونبغــى .. جرووووح غزززه تبرى !! )

معذور يا دمعي تبـل جفوني ..

,,,,,,,, لا تستحي سيّـل جميـع أنهـاره

المعذره

المعذرررره

المعذرررررررره

المعذره .. ما باقي الا قولة :

,,,,,,,, ( غزه لك الله .. والرحى دوّاره )

*
*
*
*

محبكم

عبدالمجيـــد الأشمل

[عبدالمجيد الشمري]

شاعر فقير .. وردي الحظ عنّاني
,,,,,,,, ونفسي عزيزه .. تشوم ولا ترديني

أموت ما قلت تكفى يا علنتاني
,,,,,,,, نفسي غنيه .... و لا مديت يديني

وش عاد لو عشت متغربل وجيعاني
,,,,,,,, مصير قبري نحيف العرض يحويني

مير احفروه وعلي أجهز أكفاني
,,,,,,,, و الله يحرم على النيران عينيني

والا انت ياللي تعذبني وتبلاني
,,,,,,,, وشفيك تعصر من الحنضل وتسقيني

يا لعنبو جد جدك ثار بركاني ..
,,,,,,,, حتى عيون الاحّبه شككت فيني

من جود يدي ومداتي وحرماني
,,,,,,,, نفسي تقول ادخر ما عاد يمديني

أواااه منك تعاشرني وتجفاني !!
,,,,,,,, و اعن المجخّه وطيب العيش حاديني

عن الصريمه شعوري منك دفاني
,,,,,,,, و القيض فرصه .. تزود بغل تكويني

ادمع واقول (اح) لا من شفت ضيفاني
,,,,,,,, واصبر واقول (اح) تاسعكم شراييني

اجمل الحال واسلك درب جداني
,,,,,,,, ذباحة الحيل مع زين البعاريني

لو ان حظي على السلفات مشاني
,,,,,,,, أجود مدّه واسد القرض والديني

(الفقر) هو صاحبي واخس عدواني
,,,,,,,, مجنون حبي وعيّا لا يخليني

ايه والله انه ذبحني حيل واشقاني
,,,,,,,, ربط يميني .. مسك قلبي ورجليني

قلبي .. عزيز ٍ وشوفوا وين وداني ..
,,,,,,,, نفسي كريمه .. وشوفوا كيف تشقيني

فقر الرجل هيبته والمال متفاني ..
,,,,,,,, (هيبه) بقولة: (عسى الرحمن يغنيني)

*
*
*

ما هو بعيب انفقر والناس تنساني..
,,,,,,,, ( العيب) : لو انفقر .. وامد يديني

*
*
*
*
*

محبكم

عبدالمجيد الشمري
الأشمل