بـــوح شــــاعر متواضـع ...... ( الأشمل )

[عبدالمجيد الشمري]

تدري متى تستثقل الساق وتطيح ؟!

لا صار عاذلك الحقيقي ...

























(( خويـّـك )) ..!

[عبدالمجيد الشمري]

عبدالرحيم ( بليز ) أبي منك شيّئين
......... شيشة عنب .. مع شاهي منعنعينه

الناس لا ماتت ما هي ماخذه شين
......... كود العمل .. والدعوه .. وقطعتينه

ما أتعس من الرجال لا شال له دين
......... وما أسعد من الرجال لا سدّ دينه ..!

[عبدالمجيد الشمري]

المسلم اللي مات غبنه من حوال المسلمين
متزهب ٍ ضيم الدهر والنفس منّه شااااابعه

من له يكفكف عبرته ويشيل له هم ٍ متين
أتعب خفوقه وانهكه وأقبل على مراااابعه

كل يوم تزداد الفتن و يفتّح العقل الفطين
ويزيد ايمانه بمن فوق السماااء السااابعه

جبابرة بعض البلاد اللي بلا ذمّه و دين
ما تدري ان الله بصير وكل شي يتااابعه !!

لا سادوا الناس الطغاه الله مع المستضعفين
ربّك يعين أضعف رجل حتى يضم أصابعه

وش ذنب رب العايله لما قضى عمره حزين
وش ذنب هذاك اليتيم اللي دموعه نابعه !؟

وش ذنب أم ٍ ما لقت ما تطعمه للجايعين !؟
والطاغيه بطنه من حقوق الأوادم شابعه

يالظالم اللي ما تخاف الله خذ علم ٍ يقين :
( راحت ثلاثه والعرب ترقب سقوط الرابعه )

[عبدالمجيد الشمري]

يا ناس انا انسان مثل الناس
هو به مثالي منكّم منبوذ ..؟

المجتمع ما ينبذ البلاس
من النبوذ المرتكي منقوذ

مابه صدق مابه صواب قياس
منهو عليه امن الرجال ألوذ ؟!

وين الذهب ما شفت غير نحاس
ما للذهب في مجتمعك نفوذ ؟!

مدري انا بي زود عنك احساس
والا حياة ( الهات ) مابه ( خوذ ) ..!

[عبدالمجيد الشمري]

ليه كل الناس نامت .. الا أنا للحين صاحي ؟!
اااااخ من بعض الظروف اللي تشيّب بالحواجب

ما سهرت أسمع غنيّه وازعج بصوتي وآلاحي
انتظار اللي عشقته .. صرت أحسّه شي واجب !!

[عبدالمجيد الشمري]

*


*




ي رفيقي تعال بخاطرٍ معموس
لا تجي بابتسامه والعزاء بالشام

كن في كبدي البارح طرف دبّوس
ليت عيني ما شافت زول عاجل هام

لا تقولون وشبك جيتنا محيوس
ما غفت عيني البارح عجزت انام

نكّسوا راية الاسلام وطّوا روس
حي يدفن وروسٍ تنوطى بآقدام

والارامل تنوح ويكسر ( الفانوس )
والرجال اتقطّع و الصغار آيتآم !!

طاغية عصرنا (بشار) صار القوس
و (الروافض) معاه امقدّمين سهام

واليتاما تذكّى في نظرْه تيوس
عقّبوا من يقول الحرب حرب اعلام

والله انا فقدنا بالصحيح نفوس
خل عنّك كلام (امنكّسة لآعلام)

يوم كانت ضياع وكوس تصقع كوس
العرب يهتفون بصوتهم (قدآآآم)

ويوم صارت عسام وروس تنطح روس
حذّروا بعضهم ..( لا تقربون الشآم )

[عبدالمجيد الشمري]

هنا .. كنت ملكاً و حامي حمى ..

[عبدالمجيد الشمري]

يالجادل اللي تشبهين الريح
لحظة لقاك .. تغبش عيوني

احبك انتي و البشر بـ قريح
لا احببببهم .. و لا يحبببوني