بـــوح شــــاعر متواضـع ...... ( الأشمل )

[عبدالمجيد الشمري]

قعدت في مقهى النخيل امتضايق
_____ قدّامي الشيشه وبايدي طرفها

حاولت أطفّي بالحرايق .. حرايق
_____ تلعنّي الدنيا .. وأنا ألعن جدفها ..!

[عبدالمجيد الشمري]

الذين يشاهدون الموضوع الآن: 2 (1 من الأعضاء و 1 زائر)

عبدالمجيد الشمري


يسعد صباحك صباح الخير يالغالي

شكرا ً لك على هذا الهطول الغزير ..


تقبل ودي ووردي

[عبدالمجيد الشمري]

ياللي تعيّر ما يعيب الرجل شي ..

العيب :

طعنة

صاحبك

في

مقفااااااه !!

[عبدالمجيد الشمري]

جيت ياهل الجوف قطّوا لي يميني
ان طلعت اليوم منها واقرطوووووها
السعاده .. كل ابوووووها تحتريني
والقرايب و الحبايب كل ابوووووها ..!

[عبدالمجيد الشمري]

لا هنت يا محمد ومسيت بالخير
_____ ياللي معاك الملح مثمر وضافي

سلم على ابن آخيك زين التعابير
_____ الوافي اللي ما انجبه كود وافي

قله : ترانا يالسنافي مغااااااااوير
_____ الكل من بالشديده . . سنافي !

وسط الحفر والعيش وسط الحفر غير
_____ لو ادفنتنا كل ابووووووونا نظافي

نقبل ونقفي .. ما شربنا من البير
_____ والبير يابن عضيب ما هو بصافي

الله يعاونّـا نجيكم مسا ا ا ا ييـر ..
_____ ولا أظن باقي شي يالذيب خافي !!

[عبدالمجيد الشمري]

ناخت لي الأفكار من دون
تنويخ
لو كان معظمها للاجواد
ما ناخ
ياكن فكري فيه بالراس
تفريخ
لا قفن الهرمات ياتن
الأفراخ
من لاسمع شعري يبي زود
تصييخ
ومن لا تأثر به على قلبه
أصياخ
أخاف لا أشكي بعض الأجناس
وآبيخ
وكم واحدن من شكوته للردي
بآخ
وأنا على مر الزمن
والتواريخ
ما أعنز الا غير من فوق
شمراخ
ياشيخ لو تدري عن الحال
ياشيخ
اسعفت من قلبه من الصد
طباخ
معشقوتي بنت الرجال
المطانيخ
راحت وأنا مسجون في وسط
الأكواخ
من يبتعد عنها شرب سم
زرنيخ
ومن شافها من زينها ياعرب
داخ
في قربها كني بروس
الشماريخ
وفي بعدها عايش على الآخ
والآخ
انا أشهد ان بعد اريش العين
توبيخ
اللي على قوم الأحاسيس قد
شاخ
يا جر قلبي جر هجن ن
مناويخ
فججهن الأمسح وعشاهم
وناخ
بالراس عشرة روس كله
مطابيخ
أقولها صادق ولانيب
بزاخ
ما يجحد العشره سوا ذيخ
بن ذيخ
ولا خاوت الأذياخ ياكود
الأذياخ
ازرع من البطيخ وابتاع
بطيخ
والله ولا اسمع هرج نمام
بذاخ
الله يربيني على الطيب
واشيخ
وأعيش لين آموت والطيب
ما شاخ

[عبدالمجيد الشمري]

هل رمضان وياهلا بهلاله
_____ تعداد ما بل الوطى هماله

رحب به الخافق معا من رحب
_____ رحيبةن تزهى شموخ قباله

شهرن نعزه حيل ونهلي به
_____ ضيفن عزيز وقيمته تسواله

تباشروا في جيته خير امه
_____ تبشيرة الضامي بطش خياله

وعم الفضاء تبريك ليما شفنا
_____ كلن قرأ مبروك في جواله

تواصلوا قطاع رحم وواجب
_____ ليما وصلنا من قطع بوصاله

صلوا جميع الناس فرض وسنه
_____ و كلن يقوّد للصلاه .. عياله

وتصدق التجار بألف وميه
_____ و كلن غدى ما يلتفت لرياله

زانت حوال الناس ربي شفعك
_____ حتى الردي ياناس زانت حاله

ما عاد به واطي ولا متردي
_____ ولا عاد به سفله وهيس حثاله

ذي حال بعض الناس لامن جاها
_____ هذا الشهر قامت تعدل أحواله

واليا انتهى .. سلم على أمتنا
_____ كلن يعاود سيّته .. و أفعاله

ليت رمضان بكل يوم نصومه
_____ طول السنه و قلوبنا شغاله

كان الحياه تصير خير ونعمه
_____ و الله حكيم وجل فيما قاله

يازين شهر الخير حين وصوله
_____ ما من فهيم إلا فرح بإقباله

به رحمةن ثم مغفره وعتاقه
_____ حتى شياطينه خست بأقفاله

الله يساعدنا نصومه كله
_____ ونقوم بالتقوى جميع لياله ..!

[عبدالمجيد الشمري]

الذين يشاهدون الموضوع الآن: 2 (1 من الأعضاء و 1 زائر)

عبدالمجيد الشمري


الله يحيي من حضر مع طلة الشهر الفضيل
انا اشهد ان هذا الشهر يجمع عقووول ٍ نيّره ..!

[عبدالمجيد الشمري]

الذين يشاهدون الموضوع الآن: 2 (2 من الأعضاء و 0 زائر)

عبدالمجيد الشمري حمود مسلم ش م ر

يا حمود حياك يابن الجود في بوحي
شرفتني في وجودك خير تشررريفه


اللهم زدنا غيثا ً

وكل عام وانتم الى الله اقرب


محبك

[عبدالمجيد الشمري]

هذه محاوره جرت بيني وبين الشاعر محمد بن حمود العضيب القايد ..



اتمنى ان تحوز على رضى الجميع //




محمد العضيب /


ياسلام الله على عبدالمجيد الغالي
...............قز جبّه من ورا دومه و شقق ثوبه


من غلاها يفتدي بالراس قبل المالي
..............شمري ٍ لا نواها ماحسب لعقوبه



عبدالمجيد العابد /


يا هلا باللي مقامه فوق راسي عالي
______ شاعر ٍ شد الحزام و شدّني باسلوبه



شق صدري شطره الثاني ومال عقالي
______ ضعت ما بين الجدود و داري المحبوبه



محمد العضيب /


يا رفيقي جيت ابا ثورك يا الزلزالي
............... بالقصيد اللي حقوقه كلمة ٍ مسلوبه


شاعر ٍ عدا الطوال و جاك جاء يختالي
............. وشاعر ٍ يكتب و ينشد ما عرف مطلوبه



عبدالمجيد العابد /



يا وجع راسي و يا همّي و يا غربالي
______ كل ما شيفت حروف المعتدل مقلوبه



ويش راي محمد القايد عريب الخالي
______ بالزمان اللي شعوره كذبة ٍ مكذوووبه !؟



محمد العضيب /


الزمن مثل الرفيق اللي ما هو برمالي
................. يارفيقي يا كثر ما شفت انا عذروبه


يارفيقي ضاق صدري وان زويت ألحالي
.............. ماشكيت ألقوم تدري ماهي بمرغوبه



عبدالمجيد العابد /


عاش راسك يا رفيقي واستلم فنجالي
______ من هجوس ٍ بالمشاعر و الدهاء مشبوبه



لا تشاكي بعد ربّك غير قرم ٍ غالي
______ واحد ٍ لا شال حمله ما تهون جنوووبه ..!



محمد العضيب /


يا مجيد الله عطاني وضلهم بضلالي
................ يامجيد و كل رجل ٍ خابر ٍ مركوبه


مابقى للطيب والطنخه وصفر دلالي
.............. كود ورع ٍ سوّدت وجهه بياض (حبوبه)



عبدالمجيد العابد /


هذا انا وقّفت أفكّر وأرقب الدجالي
______ من عباد الله دريت ان الحياه اعجوبه



كيف أجل لو شفت رجل ٍ ما هو برجّالي
______ امتمايع ما بقى الا وردتين بــ ثووووبه !!



محمد العضيب /


طاب راسك عن رداهم دوك خذ موالي
.................. خلنا نمحي مسار البيت لا يو شو به


وش تقول بحب طفله معجبه في (سالي)
.................... وش تقول بقلبي اللي هفته رعبوبه



عبدالمجيد العابد /


لا تزيد الطين بله ثم تشين أحوالي
______ وانت خابر شكلتي من علتي مشحوبه



ذابل ٍ عودي من اللي عودها ميّالي
______ لا تعود تنوش جرحي يا محمد نوووووبه !!