بـــوح شــــاعر متواضـع ...... ( الأشمل )

[عبدالمجيد الشمري]

http://www.shmmr.net/vb/threads/7148...�ااااهي-..!!

[عبدالمجيد الشمري]

ما بقى (لي) غير حزني بالطريق ..

[عبدالمجيد الشمري]

أحبك الا مغرم ٍ فيك ذايب
ميت عليك وحالتي منك حاله


لا والله الا منك شفت العجايب
شفت الصعوبه والعنا والسهاله


شفت الفرح وأيام شفت المصايب
شفت الوفا وأيام شفت النذاله


شفتك مميز .. ما تحب الطلايب
وشفتك طلايب تعشق الاستحاله


يامتعب ٍ قلب ٍ غدى منك عايب
ضيّع حقوق أهله وعمه وخاله


لولاك ما شدد كثير الركايب
يقطع عليها بيد قفر و لهاله


وصلك هبايب لا .. وأعذب هبايب
بعدك ظلاله لا .. وأبشع ظلاله


عندي حبايب بس تفدى حبايب
والكل يفدونك .. زماله .. زماله ..

[عبدالمجيد الشمري]

ذكراك راحت ما بقى لك ولا شي
وأخاف أكمّل .. يبقي القاف ذكراك


أحسن لي أسكت لا يجي ميتها حي
وتقوم ساعة كل جرح ٍ من شفاك ..

[عبدالمجيد الشمري]

انا .. ماني بمن يركض ورى الألقاب والشهره
____ أنا .. تركض وراي ألقاب ما عبّرت شهرتها

على هونك .. فديتك .. لا تعذّر بأوّل السهره
____ بقى لك ما بقى للراقصه من طول حسرتها

عليك الله و أكبر يا زمن .. والناس منبهره
____ تحسب ان الدجاج أحرار ما وضّحت نظرتها

حبيبي .. وشو بليهان ..؟ لو ما عزّزه ظهره
____ فديتك .. وشّي الشلفاه ..؟ لو ما طيب نحرتها

تحمّل مرهفات الكون والزرقااااات مدّهره
____ والى منها طفت نارك .. يحب الراس زعرتها

تذوّق علقم أبياته .. بعد ما ذوّقك نهره
____ عسى تتذكّر النعمه .. بدلتها .. و تمرتها ..!

عرفنا ناتج المونه تمازج غلطه وقهره ..
____ تولّد انفجار العين ... لين تهل عبرتها

أنا الغلطان .. زيّنت الطريق بـ ورده و زهره
____ ولا حسّبت للأبقار .. ليما شفت كثرتها

أخيرا ً .. يانديم الهون ما همّتني الشهره
____ ما دام ان الرجال تهون .. لجل تشوف شهرتها ..!!


محبك ..

[عبدالمجيد الشمري]

الضيق حاصرني من أربع جهاتي

يا ويل

حالي

كيف

أبآواجه

الضيق ؟؟

[عبدالمجيد الشمري]

الناس لولا كشفهم للطبايق ..؟

تحت الطبايق كل ابو شغلهم زين ..!



العملاق سعد جدلان !!

[عبدالمجيد الشمري]

التفوق .. ما يجي إلا بإجتهاد
____ كل شخص وله من جهوده نصيب


والتفوق ما يجي لك بالرقاد
____ ما يجي لك كود من درب ٍ تعيب


خل عندك عزم لدروب الرشاد
____ ولا تهاون في مسيرك بالصحيب


(الصحيب) الدرب والعلم العتاد
____ وإن جمعت اثنينها طلت الصعيب


لا تأثّر .. بالهجاء .. والانتقاد
____ ما آحد ٍ سالم من رماح الحريب


كل كلمه من رديين المراد
____ خلها تدفعك للرآآآآي الصليب


لا تعيش بدنيتك بؤرة فساد
____ شد حيلك لا يجي حالك عصيب


بالعزيمه .. والبصيره .. والسداد
____ يقدر المرضان إسعاف الطبيب !


اعتمد بالله وتلقى لك عماد ..
____ لا وقعت وصرت من وقتك صويب

[عبدالمجيد الشمري]

استغفر الله واعبده والعن ابليس
____ كل ما عصيت وزاد قلبي قساوه

أحيان احس اني تجمع هواجيس
____ وأحيان أحس اني مجمع غباوه

وأنا على أصناف الوجع والأحاسيس
____ اليا شكيت يقال جرحك .. وداوه !!

[عبدالمجيد الشمري]

بيض الله وجهي يا صغير المقام
____ ما هقيتك صغير وطول عمرك صغير

في غيابك تراني ما هجرت المنام
____ لا تحسبن قعدت بطول ليلي سهير

يكرم الحر دايم لا شلع ما يضام
____ المذله رفضها . . . كل راعي زفير

ما يخيب النداوي وان نزل رد حام
____ علم ابن الدراهم .. لا يعيب الفقير !!