اليكم بعض من سوالف شيوخ شمر الأبطال ونذكر لكم قصة
الشيخ حمد بن جعيثن بن مخيدش أمير قبيلة الجري في منطقة حائل
مع واحد ينسب نفسه الى قبيلة شمر .
انه في يوم من الايام تزوج هذا من ابنة أحد الشمامره وكذب عليه وقال له انه (من شمر)
وزوجوه في محافظة رفحاء وذهب بها هي وامها واخيها الى حائل
وذهب ابن مخيدش بأحد زوجاته الى البنت المغرر بها
وكانت زوجة حمد هي اخر من تزوجها ذاك الوقت وكان لها قرابه بالمغرر بها
ولما رجع حمد لأخذ زوجته صادف زوج البنت المغرر بها وهو ضابط برتبة عقيد وتفاجأ حمد ثم سأل هل تعرفون زوجة هذا الرجل؟؟
قالو نعم هي ابنة فلان من شمر واتصل بابيها متسائلا وقال له هل تعرف بان زوج ابنتك(غير قبيلي)؟؟
فأجابه مباشره وقال له تراها في وجهك فرد عليه ابن مخيدش حنا في وقت فيه شرطه وحكومه ,, فألح عليه وقال تراها في شبر من لحيتك واخذ ينخا ابن مخيدش وقال انا داخل على الله ثم عليك ان تفكنا من هالرجل وما لحضات الى وحمد يذهب بزوجته هي وبرفقتها البنت وامها واخيها الى رفحاء الى اهلها ومن ثم رجع الى حائل وفوجىء بطلب من أمير منطقة حائل الامير سعود بن عبدالمحسن بن عبدالعزيز (حفظه الله) وذهب الى الشرطه وقالو له هذا يدعي عليك بأنك اختطفت زوجته الى جهه غير معلومه؟!!!!!!!!!!!
فقال حمد نعم انا اخذتها برفقة زوجتي وامها واخيها الى اهلها في رفحاء
وفورا" تبعث برقيه الى شرطة محافظة رفحاء مرادها استفسار عن زوجة الرجل وما لحضات الى وترد البرقية مضمونها انها عند والدها وخلال ساعات يحضر بعض من افراد من الأسرة المخدوعة الى ابن مخيدش لشكره ووقوفهم معه صفا" الى صف واخبرهم بانها معامله تجري ولا يجوز فعل شيء ما .
وحاول هذا الرجل تكرارا" ومرارا" لانسحاب ابن مخيدش واحراجه بالوجاهات من شمر في بيته" ؟؟؟؟؟؟
واتوا ببعض الشهادات والاوراق بأنهم ينتسبون الى شمر
فرد ابن مخيدش ببيت من قصيدة الامير عبيد بن رشيد بوصفه لفرسه كروش
ماجمع اصله بالقراطيس تجميع***اصله يعرفونه جميع البوادي
وجاء أمر الجهات المختصه بالسجن لابن مخيدش والجلد ورجوع الزوجه الى زوجه
وحضرو بعض ممن أدعى المدعي أنه منهم الى ابن مخيدش واحضروا بعض الشهادات والاوراق منهـــا:
شهاده من احد سكان قريتهم بأن جدة العائلة غير أصيلة.
تعهد من امير المنطقة رسميا الامير مقرن بن عبدالعزيز(حفظه الله) بعدم الانتماء الى قبيلة شمر
وذهب الشيخ حمد بن مخيدش الى خادم الحرمين الشريفين الملك عبدالله بن عبدالعزيز آل سعود حفظه الله ولي العهد آنذاك لاخباره بكل شيء وانه مطلوب للسجن والزوجة ترجع الى الصانع
وقال الشيخ حمد بن مخيدش قصيده للملك عبدالله الذي كان ولي عهد آنذاك يبدي معاناته ونذكر منها
يالله ياعالم خفي السراير*** يا وامر بأمره بكن فيكوني
تفرج لمقهور به الظيم جاير***من العنا والظيم تذارف جفوني
--- ---- قادنا للجراير ***بالكذب والتزوير يوفي الديوني
يبي يساوي متعبين الحراير ***وساع الطعون مزبرين الصحوني
شمر هلا الطولات والعج ثاير ***يردون حوض الموت مايصفحوني
انا خويك صرت انا اليوم باير***لموظفينك ضحكة سفهوني
والله لولا الله ثم انت صاير*** لأشرب من الصافي بملي الحفوني
امكتف الجنحان والدم فاير*** وان بان فعلي قيل مجرم رموني
مالي جدا ياكود جرع المراير***تقول الجمره اوجع اللي وطوني
زبنت ابو متعب رفيع المناير***عادات هداته تهدم الركوني
عبدالله الي مايهاب السماير ***حيث لصعبات المواقف زبوني
يامزبن المظيوم لالا تخاير***من طب وسط حماك كوده يهوني
تمت وصلى الله على خير زاير***نبينا صفوة قريش الحنوني
والقصيده اطول من ذلك لكن هذا الي يحضرني الآن.
وجاء أمر ولي العهد الامير عبدالله بن عبدالعزيز آل سعود الصادر من مجلس الوزراء الى وزارة الداخلية ومنها الى منطقة حائل والقاضي بالأعفاء التام لابن مخيدش من السجن وغيره
وامر الى محافظة رفحاء ومنها الى المحكمة والقاضي بحضور المدعو (الزوج) لطلاق زوجته وحضر وطلقها رغما" عن انفه
واعفي ابن مخيدش ورجع كل شيء الى مجراه
وقيل بالمرحوم حمد ابن مخيدش بعد تطليق المغرر بها قصائد ومنها
جبت القلم بعد التعوذ من ابليس***وسميت بالرحمن غافر خطايا
ابمدحك ياشيخ يابن السناعيس***اي والله اقدر ياكثير العطايا
راع الوفاء والطيب واهل النواميس***كساب للطولات روس البرايا
دحام حوض الموت عند المتاريس***هو الشجاع الشهم شيخ المعايا
راع المواقف والشرف معطي العيس***الشيخ ابن مخيدش طيب وسجايا
قلته شعور وحس يامرخي الكيس***يابن جعيثن اموردين المنايا
ماني من الشعار وصرت امروء القيس***سبة مواقف صافيين النوايا
كتبت جزل الشعر عبر القراطيس***قاله لابو فواز ولد المعايا
الشاعر حمد بن سليم الفديد
علما" ان الشيخ حمد بن جعيثن بن مخيدش هو من المرافقين لخادم الحرمين الشريفين الملك عبدالله بن عبدالعزيز آل سعود
وحبيت اذكر هالقصة لحميته وغيرته على ابناء شمر
وهي ايضا" تعتبر من شيم العرب
وارجو نقلها الى منتديات القبائل العربية
رحم الله الشيخ حمد بن مخيدش وجعله في جنات النعيم آميييين
واعذابي كل ماكتب بيت هليت الدموعي***والمعايا تحتريني ارثي الشيخ الشجاعي
منقول
ونذكر بعض من القصائد التي قيلت بالشيخ حمد
فتحت يوم السبت صدر الجريده ,,,, لقيت علم ليتني ماقريتـــــــــــه
علم عسى الله ياعرب لايعيده ,,,, وياليتني ذاك العدد ماشريتـــــــه
خبر وفاه اللي لقو في رصيده ,,,, مليون فزعه واعتمد لانخيتــــــه
الاجودي راع الفعول الوكــيده ,,,, أبشر بعزك ياعنيت ونصيتــــــه
ماعاد باقي للحميا شريـــده ,,,, والطيب عقب الاجودي مالقيتــــه
ياموت بالعشر التوالي تصيده ,,,, أصل الكرم ياموت منا خذيتــــــه
حمدعلى اسمه بالصفات الحميده ,,,, ياموت ليت ابن النشاما نسيته
الشيخ زيزوم الرجال العنيـــــده ,,,, تلقاه بالتاريخ ياللي قريتــــــــه
من روس قوم بالهقاوي بعيـده ,,,, ارداهم اللي فاتح باب بيتـــــــه
قليل اللي به من صفات الفقيده ,,,, والتاج من روس النشاما خذيتــه
له سيره بين النشاما مجيـــده ,,,, قصايدي لو سقتها ماكفيتــــــه
عساه يلقى له حياه سعيـــده ,,,, في جاه من لاغيره احد رجيتـــه
يارب جنبه الامور الشديـــــده ,,,, وعساك من حر اللهايب وقيتـه
ونزله منزله النفوس الشهيده ,,,, بدله بيت الخلد من عقب بيتـــــه
واجبر عزاء عمه واخوه وحفيده ,,,, وعياله الشجعان واللي نسيته
هذا عزاي ابرسله بالقصيـــده ,,,, وابختم القيفان باللي بديتــــــــه
فتحت يوم السبت صدر الجريده ,,,, لقيت علم ليتني ماقريتــــــــه
ومما قيل فيه
الحمـد لله عـد مـاهـب نسـنـاس&&أو عد مـازار الحـرم مـن وفـودي
والحمـد لله والثنـاء لـه بـلا قيـاس&&اللـي بنـا سبـع بلـيـا عـمـودي
يابن جعيثن وقفتـك ترفـع الـراس&&عسـاك يامـرس العيـال محمـودي
من لا يغييـر مثـل هـذي وحسـاس&&تصعـب عليـه اللازمـات وتكـودي
هلـك ياصـاح المصيـح بالأتـعـاس&&وغز اللوى في راس عيطـا سنـودي
ام الحويـر غربلـة كـل معـبـاس&&وضاع الحوار بساعـة مـا تعـودي
تلاوحـو بظهورهـن كـل مـدبـاس&&توافـدو عصـم الشـوارب جـرودي
شهب النواصي ضمر مثـل الاقـواس&&عليهـن اللـي يزحمـون الحشـودي
والكل مركاضه مع الخيـل مـرواس&&يفرح بهم اللي من ضهـد ومحـدودي
من عرض لباسة الجوخ هو ويا الطاس&&مركاضهـم يجـلا صــدا ســودي
وفلاح(1) جاب اللي تقل عين قرنـاس&&ياهـاب عشيـق البنـي الـشـردوي
وقمنا نتذكر ماضي مرمـس إرمـاس&&ياجـا مجالـه نفتـخـر بالـجـدودي
ومما قيل يه
قال الذي في بدع الأمثال معتـاد&&هداج تيماء يروي اللـي وردهـا
مثايـل مـا ينقـده كـل نـقـاد&&من قيل ابن سرهيد تـوه قصدهـا
من لابةًٍ طيبه على روس الأشهاد&&اولاد عيّي ليا حصل بـه نكدهـا
ربع على الموت الحمر دوم وراد&&ليا ضيعت شقح العشايـر ولدهـا
يتلون ابو فواز زحزيـح الاولاد&&ابن جعيثن كـل رجـل حمدهـا
حقق مطاليب ً عسيـرات وبعـاد&&وذر الدواء في عين منهو حسدها
وسط الدواير يبتـرم تقـل هـداد&&يحل وينقض مكترب من عقدهـا
جعل لنا في قمـة العـز مقعـاد&&فعايله ما تنحصـي فـي عددهـا
تم الجواب وناظم القيل حماد&&والبيت مايبنى بليا عمدها
وصلاة ربي عـد ماللحـرم فـاد&&علـى رسـول بسنتـه نعتمدهـا
ومما قيل فيه
سار القلـم منـي بطـرز جديـدي&&بإمثال له بالحشا صـدر ومواريـد
سقته وساقنـي علـى مـا أريـدي&&سقته وساقلي على كيف مـااريـد
سر ياقلم وأكتب تهانـي العضيـدي&&الحمد ابو فـواز شيـخ الصناديـد
يامزبـن الدخيـل بيـوم العنـيـدي&&يوم كنـو عنـه كثار الأواليـد
ياعل يومك يا ابـو فـواز بعيـدي&&يامقيـدً مـن جنـب الحـق تقييـد
ياراعي الضخاء والمرجله والحميدي&&يامطوع مـن غـدا الحـق بالكيـد
يالماس يالفـولاذ صافـي الحديـدي&&يامعرب الجدين يـا أبـن الاجاويـد
أبـي منـك فزعـه وعلـم أكيـدي&&رغـم إنـي متإكـد منـك تإكـيـد
ابو فـواز بحياتـي منـا سعيـدي&&أنا بوجهك من خطـأ زيـد وعبيـد
هذا وتمـت منـي بقـولا ً أكيـدي&&وش عاد لـو زعـل زيـد وعبيـد
ومما قيل فيه
يالله ياللي ترسل المزن بامطار ,,, وتسقي عبادك بالفرح والتباشير
يا واحد علام في كل الاسرار,,, وعلام ما تخفا لنا من مقادير
البارحه دولاب الافكار بي دار,,, والبال ضاق وضيق البال تفكير
اقالب الجنبين كني على نار,,, مما لفاني صرت لا ابدي ولا اشير
قالوا توفى الشيخ من عقب الافطار,,, حمد ابو فواز زبن المناعير
وهاض القريح وفاض بالقلب تعبار,,,وسطرت مكنوني على البيض تسطير
راح اللذي بالطيب قايد ومغوار,,,راح اللذي بالفعل مذكور بالخير
راح الكريم الطيب الوافي البار,,,راح وترك بنفوسنا كل تاثير
راح الشجاع ابن الشجاع ابن الاحرار,,, راح الكريم ابن الكرام المساطير
راح اللذي يشفق على راحت الجار,,,راح الوليده دون علم وتنذير
كثير ماتوا لكن الفرق تذكار,,, ويبقى حمد بقلوبنا خير تذكير
مرحوم يا اللي بالكرم فاتح الدار,,,من خلقته ماصك بابه عن الغير
مرحوم يا اللي يوقد النار والكار,,,راعي الدلال الوالمات المباير
مرحوم ياشيخ على كل الاعسار,,,ياحازم ضد الامور المعاسير
مرحوم يا رمز الوفاء رمز الاصرار,,,يبكيه مجلس حضرته والمسايير
وتبكيه شمـــر من غياب وحضار,,, وتبكيه عذبات الدلال المباكير
وتبكيه من حايــل اليا ضلع سنجار,,,يبكون رجل فيه حنكه وتدبير
وتبكيه ناس من بعيدات الاقطار,,,تبكي حمد راعي العلوم المثابير
عسى البقا في روس الاخوان الاخيار,,,وروس العيال اللي زرع فيهم الخير
ووالله لونكتب من الآف الاشعار,,,يبقى بما صغنا من القاف تقصير
والكون هذى حكمته النافع الضار,,,سبحان من هو قدر الكون تقدير
وختامها يا الله يا والي الاقدار,,,ترحم فقيدتنا وتجزيه بالخير
تسكن جناتك م الب الابرار,,, وتغفر ذنوبه يا والي المقادير
كثير ماتوا لكن الفرق تذكار,,, ويبقى حمد بقلوبنا خير تذكير
ومما قيل فيه
من أطيب ربوعي راح يوم رمضاني&&&بالعشر التوالي ودعوها ولا شيف
والعين عيت لا يجيها أطمنانـــــــــي&&&حاولت أهدالوضع ماهي على الكيف
بكيت حمد ماهو خطات الهدانــــــــــي&&&ورث جعيثن ريف هجن مواليــــف
يا ما يدينه قلطن من صيانــــــــــــي&&&وضد المعادي كان عنده زعانيـــف
أدعو معي جعله البرد الجنانــــــــي&&&أدعو معي يأهل القلوب المواليــف
ومما قيل فيه
رحمك الله يا امـــيــــر رقى للمرجله باحســان @ رحمك الله يا شــــــيخ خذاله بالعلى جــــوله
الا يــالله سبحـــانك الا يــا خالقــي رحمــــان @ توسع مدخله تغفر وترحم راعــي الطـــــوله
سمعت العلم خبر فاجع تزلزل داخلي بركـان@ سمعت ان الوفي يفنى وجميع الخلق يدعوله
حمــــد نطلب اله الكــــون الهي نزل القـران @ يوسع مدخله جـــــنه مع الابـــرار مدخــــوله
فقدنا طـيب السمعـه تحدر من نسل شجعــان @ فقدنـا طــيب النخـــوه فقدنـا فعلـــــه وقولـــــه
سديـد الـــراي والحكمـــه شديد دايــم مــالان @ الا منه دخــل مجلس يفــز بعرضـــه وطولـــه
كريم النفس والاخلاق رحل عنا عظيم الشــان @ ولكن بقى فعلـــــه مخلــــــد بالــــثرى فعولـــه
يصوب للعلى يرمي وله بالمرجلـــه نيشـــان @ عـديد فعلـــه الخيـــر وكثير الخلـــق يدعولـــه
بنا ساس على كتفــه وشــيد بالفعـــل بنـــيــان @ يعــزه من سكــن عنـده يــوده من نزل حولــــه
دخلت بحايل وشفتــه يغطي ضلعها احــــزان @ يغيـــم بالجبـــل هــم يعـــزي باجرهــــا دولـــه
بكت سلمى واجا يبكي من هموم العزى تعبان @ بكت حايــــل بكت شمـــر سعوله ناس يسعولـه
تصافق غيمها بالجو ظلـم بالحــزن صديـــان @ ظلم شـــرقه وغربـــه تزاحم من عـــرب جوله
حمـد يرحل عن الدنيا وبقى يبقى مع الاخوان @ وخلــف خـلفـــه عيــال تشــد شـــداد بحمولــــه
بقى بروس البقى عياله رجــال بالبقـى غلمان @ على نــهجه على عزه طريــق الخيــر يبرولــه
بقى بفواز بقى بممدوح وبقى بندر مع سليمان @ بقـى بمهند وماجد بقــى بخالد بقــــى بــــزولــه
بقى طاريــــه بالمجــلس تربــع لابس تيجــان @ بقى للمرجلـــه عنـــوان بقـــى بصغــار حنولـه
قصـور العــز ما تهدم يخلد عـــزها ازمـــــان @ وحمـــد شيد على عز قصر والناس يمشولـــــه
ختمها بخير وعلى تقوى ختمها بحسن وايمـان@ عسـاه بجنـه الفـــــــردوس عساه بخير منزولــه
ومما قيل فيه
انا نصيتك يابن جعيثن وراجيك....من بعد رب البيت حنا رجيناك
حيث الثنا مقرون بسمك وطاريك....يامن يسر المنلهد شوف شرواك
الي سمع بك لازم إنه يحييك.... حياك رب الخلق حياك حياك
وحنا ترى مثل ماتشوف عينيك....باصعب ظروف الوقت حنا طلبناك
نرجوك تسعى بوضعنا والأمل فيك....إفزع لمنهو يابو فواز ينخاك
ياطيب الجدين مالي سوى ايديك....لي مدها يابن جري لاعدمناك
السجن هم وذل انا منه ناخيك....من حسن ظني فيك من خلف الأشباك
افزع عسى رب المخاليق يحميك....تكفى تراني ملتجي اليوم بحماك
لك مركزٍ مرموق من فضل هاديك....الله هداك ولأمرنا اليوم ولاك
من معدنٍ طيب وفعل يزكيك....عن مانعيبة عند ذولا وذولاك
اصلك وفصلك دون ريبٍ وتشكيك....من معدنٍ صافي على العز وافاك
للطيب مدهل والردا مايخاويك....يافزعة المظيوم والي ترجاك
تكفى يابو فواز انا اليوم ناصيك....تكفى تمد اليوم يامسندي رشاك
افزع عسى رب السما مايوريك....الحالة الي وردتني للإهلاك
حالة سجين وسط هم وشرابيك....وحيد وعوراته وحيدات هناك
تكفى وتكفى كلمة ماتعديك....وحنا ليا ضاقت علينا دعيناك
ابوك وجدك عزهم عز ماضيك....يامن بعزك واعتزازك عرفناك
يقوله الي ينتخي بك ويرجيك....ناشدك باللي من ثرى القاع سواك
قيلت فيه قصائد كثيره وماودنا نطيل عليكم وسلامتكم
المفضلات