الى من يهمـه الأمـر ,,
( بـســم الـلــه الرحـمـن الرحيـم )
قصيده تتـكـلـم عن نفسهـا .. اتمنى ان ترتقي الى ذائقتكم ,,
.
.
.
.
.
.
جاني كلام وصكّة القلب ( ضيقه )
,,,,,,, ضيقة فقير ٍ فاقد ٍ له طلابه
ماجيت ابحكي عن عشيق وعشيقه
,,,,,,, جيت أسعف اللي يستثير الذيابه
من يوم زوّد و انتهج هالطريقه
,,,,,,, ما جاه عاني ..لا.. ولا طق بابه
يضحك بنابه والضماير حريقه
,,,,,,, أهب يا نجس ٍ ضحك لي بنابه
أسرف ومال ومال عقبه رفيقه
,,,,,,, و القلب صابر عايش ٍ في عذابه
يعني عشانه (كاش) يكثر نعيقه ؟!
,,,,,,, هو ليه مايقضب طويل ٍ هفى به ؟!
عـييت أخليهـا علاقه وثيقه
,,,,,,, وازداد غلّه يا لها من غرابه ؟؟
هرج (الزلايب) كلنا ما نطيقه
,,,,,,, و الّا تطاول يوم طال ( الخطابه )
حتى الصديق اللي حسبته صديقه
,,,,,,, ( حبل المصالح ) ساق رجله وجابه
و اليوم .. أنا مستخسر ٍ به دقيقه
,,,,,,, من يوم طاح وطاح عقبه ركابه
يا ليت يومه طاح قال (الحقيقه)
,,,,,,, ضيّق خفوقي ضيقنّه ثيابه
عقبه .. دريت ان المشاعر رقيقه
,,,,,,, و ان الّذي يبعد . . يلمّه ترابه
أزريت أداوي . . بالجروح العميقه
,,,,,,, و أزريت أفضفض للورق بالكتابه
يالله عفوك . . يا ملاذ الخليقه
,,,,,,, يا واحد ٍ . . كل الخلايق تهابه
ترحم عيون ٍ ساهرات ٍ غريقه
,,,,,,, من خشية الله طامعه في ثوابه
((ما المشكله طعنه..وعبره..وضيقه
,,,,,,,المشكله لاجات لنا من قرابه ))
وسلامــة قـلـوبـكـم ,,
أخــوكـم /
عبـدالمجيـد بن محمـد الشمـري ,,
* الأشـمـل *
رد مع اقتباس
المشاركة الأصلية كتبت بواسطة أم نــــــــــواف
المفضلات