(صلفيق~الاعصار~وافي~أبوغيث) بالله تعالوا شوين

[أبوطروق]

السلام عليكم ورحمة الله وبركاته




كيفكن (مستانسين)



ياجماعة واحد دبل تسبدي بله لغز (يقول صعب حله)


طبعاً قلتله مايصعب على ربعي أهل الألغاز بمضايف شمر



الوكاد صار تحدي بيني وبينه والسالفة وصلت (للذبيحه)

وتروكم تبون تقطون معي ان ماحليتوه





وهذا الملوي

انشدك عن بنت من عرفها ضمها
واللي جهلها من العرب ماهمته
تجيك بالاخبار من عند امها
عياله اربع ومافيهم اللي سمته
البنت لانت بخالها ولانت بعمها
اخذتها من شايب نص العرب في ذمته

وسلامتكم





عاد الله الله بالقشعة خلوني أغث راعيه الغثيث

""""""""""""""""

[العَـــروب]

اللغز هذا انطرح بالمضايف وانحل

بس ناسية الحل


اشوف لك اياه وارجع

[الاعصار]

اخوي ابو طروق
اللغز هذا متداول بالمنتديات وحله كما قراته بطاقة الصراف
وامها الصرافه والعيال الارقام السريه والشايب اللي نصف العرب في ذمته البنك
تحيتي لك

[العَـــروب]

((ببطاقة الصراف))


هذا التوضيح

ظمها :يعني حطها بالمحفظة
واللي جهلها مـن العـرب مـا همتـه :يعني اللي مابعد أخذها

تجيـك بالأخبـار مـن عنـد أمـهـا : الأم مكنة الصرف الآلي
ومع اربع اعيال مافيهـم اللـي سمتـه :الأرقام الباسبورد
البنت لا انته ابوهـا ولا انتـب عمهـا :فن الألغاز
أخذتها من شايب نصف العرب في ذمته :الشايب البنك , ونصف العرب: العملاء.
أهـ..


تقبلي تحياتي

((عبدالله بن غيث))

هذا الحل اللي جابه عبدالله بن غيث

[صلفيق]

هلا ابو طروق !!

ياعزوتي والله توني شفت الرسالة .


ماقصر الأعصار

[أبوطروق]

أم يوسف

الاعصار

خالي صلفيق


مشكوووووورين ليا باتسر



من الفرحة أرسلت الحل للي قاللي اياه (مع بعض التسفيل) لأنه يقول لغز جديد وما أنحل (طلع غثيث وتسذوب)



يعطيكم العافية على سرعة الرد وفعلا حله بالصميم



(والله اني ما أبعدت أول مارحت يم الفلوس بس ماش المخ مخرث)


شكراً لكم كلكم

""""""""""""""""

[وافي الزنيدي]

أم يوسف

الاعصار

خالي صلفيق


مشكوووووورين ليا باتسر



من الفرحة أرسلت الحل للي قاللي اياه (مع بعض التسفيل) لأنه يقول لغز جديد وما أنحل (طلع غثيث وتسذوب)



يعطيكم العافية على سرعة الرد وفعلا حله بالصميم



(والله اني ما أبعدت أول مارحت يم الفلوس بس ماش المخ مخرث)


شكراً لكم كلكم

""""""""""""""""

حياك الله ابوطروق والله يانا مت من الضحك على ردك الاخير ياخوي منين تطلع هالمصطلحات الاثريه اجل المخ مخرث يمكن لي قرن ماسمعتها مع أحد

[محمد السنجار]

هههههههههههههههههههههه
من وين لك هذا المصطلح ابو طروق (المخ مخرث)..
يسلمووووووووووووو..